Markeboek van Raalterwoold

worden, woe oeck van 2 GG. in der schattinge nha inholt des schults brieffs in dato 1580 den 10
Januarij gedatiert alhier voerlesen tho laten verbleven achteden die die erffgenhamen den selvigen
brieff van onweerden, unde hebben up die selvige supplicatie niet willen apostilleren offte resolveren,
dan t'selvighe laten verblieven, unde gepersisteert bij aere ierstgenhamene resolutie.
Ten sovenden noch gestemmet dat men een nij marckenboeck solde doen ververdigen, waerinne
men die olde gebruicken der marcken, so voell alsmen bij olde schriffturen beckennen kan, sal
schriven, unde datmen sall nije artickelenn up schrifft instellen, unde Cottinck laten vercoepen tot
vordell, profijt unde correctie der marcken unde gemeine erffgenhamen up die naeste bijkomste de toe
ratificeren.
Ten achten sinnen met gemeniner stemmen tot geswaren gestelt: in Tij unde Raden Hendrick ter
Huirne unde Johan ten Wolveger; in Linderthe Willem Averesch unde Tonnis up Nijenhuis; In Boetele
Herman Krickinck, diewelcke geswaerene bij den marckenrichteren unde gedeputierden desen eedt
sullen doen in forma hiernha volgende.
Ten negenden gestemmet, alsoe van den Cloester gesustineert hefft, dat zijn Ededeles guid als
wesende eene olde havesate, muchte van schattinge gefrijet worden, als alle ander van adell; is
gestemmet dat die meijer sall moten betalenn alle restierende uthgesatte maenden, unde sall die
collectoer met die termijn soe inwendich eine maent verschinen, offte gesatt sall worden, supsederen,
unde hem gemelte van den Clooster geremittiert ahn Ridderschap unde Steden, umme te sien wes hij
daer bij sall konnen erholden, unde daer vann een schrifftelick bescheit brengen. Sulcx gesien
hebbende, sall sijn Edele genieten nha den tenoir des selvighen.
Dit is den eedt, soe die geswaerenen doen sullenn.
Wij, N.N.N. als gecaren geswaerenen deser marcken, een ider uit sijne geloven, seekeren, unde
swehren, dat wij van deser tijtt aff, hent dat wij weder afgesatt worden, sollen, unde willen, der marcke
nha onsen vermogen, oir beste doen, goede sorge, unde vlitige upsicht dragen, dat geinen schaden
geschie int holthouwen, torff steeken, gross meijen, ongewoentlicke indryfften van vrembde schapen
unde biesten toe hoeden, unde toe weiden, nije katersteden offte landerijen ahn toe graven, unde wes
des mehr sijn mach, daer met die gemeinte offte marckte beschadiget muchte worden, oeck aver den
rijcken als den armen, rechte schuttinge gicht unde pande t'doen, oick alle koir unde gedaene
schuttinghe den marckenrichteren ahnmelden, van ider koir unde brocken clare gicht, unde woe vaeke
schuttinghe, unde wat verteringhe gedaen hebben, dit selvighe niet t'doen offte t'laten, van gunst,
giffte offte gaven; noch durch haet offte nijt, noch om enigen dinges ter werelt soe waerlick moet ons
Godt helpen unde sijn hellige Evangelien. ^pag Resolutiones der erffgenhamen tho Raelte. Anno 1605
den 28 Maij up die schrifftelijcke prospositiones der marckentichteren aldaer.
Propositio prima. In de iersten, is anno 1604 avercoemen dat up eine fulle wahr vijff vierdell schapen,
up halven naer advenant, geholden sult worden. Hierup is bij den semptlicken erffgenhamen ordineert
dat eene fulle wahr sall mogen holden 200 schapen, een halve waer hondert, voer dit jaer 1605.
2. Die katerstede daer Zaliger Jacob Blomendaell up gewoent hefft, unde nu bij Geertruidt Funcken
lange gebruicket is unde die selve Funcke voer achterstandt up ses goudgulden gestelt is, unde sich
daerin weigerich maecket t'betalen, woe sich daerinne die marckenrichteren holden sullen. Resolviert
dat Funcke sall binnen den tijt van drie maent haer bewijs van zeegell unde brieven bij brengen, offte
anders betalinghe doen, daerup staende.
3. Demnha voergegeven van Swaentien Cupers cotterstede, die sie in pandtschap hefft voer hondert
keiser gulden, daer sie enighe elsen affgehouwen hefft, offte aer sulcx geconsentiert sall worden offte
niet. Resolviert: Die elsen die tegenwoordich gehouwen, sall Swaentien genieten, dan niet mehr
houwen. Dan sall gedeputiert worden, om t'sien, offmen die vercoepen sall unde die pantschap
vrijenn.
4. Van einen hoff ahn't Wolthuis ahngegraven, daer die selve jaerlicx een halff schepell roggen van
omme Godes willen gefft, woemen sich daerinne holden sall. Resolutie: Van Wolthuis hoff sall naerder
informatie genhamen worden.