Markeboek van Raalterwoold

2. Vortz sullen die kotters up die meinte mogen holden 2 koeijen, 2 verckens unde 2 dachwerck torff
graven, unde niet mehr, unde geine peerde offte ganse holden bij die poena tot elcker tijt, soe
daerbaven dede, befunden wort, t'verboeren eenen olden schilt.
3. Die darpers sollen mogen in die marckt hoilden, elck 2 koene, 4 verckens unde 2 dachwerck torff
gravens, dan geine peerde offte ganse t'holden, ider tijtt bij die poena als voerschreven. Het sullen die
kateren, elck oer gesatten penninck up tijt der kerckenspraeke betalen, bij verloss aeres landes unde
der pachtinghe. Unde die upkumpsten van die verpachtinge unde katersteden offt landerijen, sall
wesen tot profijt der gemeinen erffgenhamen, omme die oncosten up der holtsprake gedaen, daer aff
t'betalen.
Oeck sullen die katers in dese ietzige vurschreven pachtinge een jaer twie offte mehr, tot goetduncken
der erffgenhamen bliven sitten, unde wie dat van sijn gepachtede landt verthoge, daer sall die naest
ahngelandede erffgenhaem in die pacht offte koop, die naeste toe wesen, offt soe alst den
erffgenhamen guetduncken sall.
Ten twieden bij gemeiner stemme beslaten dat men int geringeste niet will, offte een sall inwillighen,
ratificieren offte approbieren, in enighen koop, vercoep, offte verpantschappinghe van enighe
landerijen, katersteden offte anders, soe die huisluiden offte buiren buiten consent, offte expresse
verwillinghe enighe daertho gedeputierde erffgenhamen gedaen mogen hebben, dat welcke die
erffgenhamen met gemeiner stemme hiermet voer crafteloess holden, voer null unde onweerden.
Ten derden eenhelich gestemmet, dat die kerckmeisters nu ter tijtt, sollen van alle die verledene jaren,
van all haren ontfanck, uthgave, unde guiede administratie goede clare rekeninge unde reliqua doen,
unde aller kercken opkumsten.
Van erffenisse, landerijen, unde rhenten up schriften stellen, unde sulckes tot eine ewige
gedachtenisse int nije marckenboeck, soe nu sall upgerichtet unde gemaecket, unde bij den
erffgenhamen met onderschrivinghe aerer handen sall worden onderteickent, waertho dat uth allen
buirschappen int gantsche karspell toe Raelte een erffgenhaem jaerlicx up alsulcke kercken
recontschap voer den marckenrichter unde vrecurator der kercken, sampt den schultz in der tijdt sal
geschieden unde hebben die erffgenhamen deser tijt met gemeiner stemme aver die recontschap
gedeputiert uth Luttenbarch Herman ter Beeck, uth Linderthe Jonge Johan van Goor, uth Tij unde
Raden uth dat Broecklandt die pater van Mr. Geerts Klooster, Hermannus Agnes.
Ten vierden, alse die olde marckenrichter, Huirninck met Johan van Twickell schultz, neffens andere
gedeputeerden, sampt beijde marckenrichteren gisteren dages omme gevaren sint unde
besichtigeden van alle ahngegravene unde vercoffte landerijen unde catersteden, als oeck
belmondighe unde woestliggende cottersteden, ahnteickeninge gedaen, unde oculaire inspectie
genhamen, is eendrachtelick gestemmet, dat die selvighe marckenrichteren, unde gedeputeerden, tot
aerer ierster gelegentheit eine bijkompste sollen holden, unde bij kerckenspraeke einen seeckeren
dach pupliceeren, omme die woestliggende unde onverpachtede landerijen ten duirstenn tot behoeff
der erffgenhamen verpachten, daervan een claer regyster unde ahnteickeninghe maecken, omme
t'selvighe int nije marckenboeck tho stellen. Oick die olde pachten, t'zedert anno 75 bess nu toe,
verschennen oeres besten vermogens beforderen. Oick sullen die marckenrichters unde
gedeputierden van einen iederen laten thonen, aer schijn unde bescheit, daer sie t'bevell van hebben,
met wat tijtell sie ahn die landerijen sint gecamen, den dat der brieven daervan ahnteickenen waertho
dat die marckenrichteren unde gedepuierden ad reportandum plena re sinnen geauthoriseert.
Ten Vijfften, sinnen Arent Huirninck unde Emell gedeputeert up alle die Vloetgravens unde
gewoentlicke waterganghen nha older gewoenten, up t'doen ruimen, unde t'slooten, offte leiden up
orderen unde plaetzen daer enich gebreck bij enighen huisluiden nodich t'wesen, tot oerer discretien
befunden much worden.
Ten sestenn geresolveert dat het karckdarp niet mehr vehes sall holden als van oldes gewoentlick is,
nha inholt des voerahngetagenen recessen Anno 60. Bliven ock bij dese resolutie int ierste artickell
ahngetagen, unde offte well dat karckdarp een request hefft avergegeven, daer inne sie begeerden in
aere jetzige uthdriffte van peerde, koene, vercken, in aere olde posessie nha inholt van (posessien)
contschappen van Derck Claesen unde Geerdt Hermsen Wite geproduceert mechtich gemanuteniert