Markeboek van Raalterwoold

Ten 38. Het sullen oick die markenrichteren in der tijtt nha older gewoente des dages nha geholdener
holtsprake alle jaer eens van onses ontfanges unde uthgevens reconschap doen, unde ahn
rekeninghe in geschrifft instellen unde avergeven voir die daer tho gedeputierden erffgenamen,
diewelcke dieselvigen ontfanck unde uthgiffte sollen tegen den anderen compensieren, unde tho
boecke laten stellen, unde bij die selvigen gecommittierden underschreven, unde gepassiert worden.
Then 39. Wat die marckenrichteren die guitheren up die holtspraeke, offte up einen nootholtinck
jaerlicx willen offte hebben voir t'dragen, sullen sie sulcx spaciose bij artickulen up schrifften stellen,
omme daerup der erffgenamen resolutien up elcks te schriven, unde sulckes jaerlicx t'boecke laten
stellen in desen marckenboeck.
Thenn 40. Wie van nu voirt mehr tot einen marckenrichter gecoren wort, is gestemmet, dat altijt eine
van den beiden oldesten marckenrichters soo affgesatt begeerde te wesen, nha guietduncken unde
discretie der gemeiner stemme van die guitheren sall bliven unde gecontinueertt, unde einen jongen,
den die stemmen toevalt, geadvingeert worden, daermet die jungeste, unde nu ierst gecoeren, unde
ahngaende van den oldesten, die marcken gelegentheit unde gebruick t'beter moge leeren, unde in
die kunde komennn. Unde die oldeste marckenrichter sall altijtt dit marckenboeck, tot profijtt der
marcke unde erffgenamen, in bewaringhe holden. Unde off imantz der marckenrichteren verstorve -
dat Godt lange ter zalicheit verhoede- offte vant marckenrichtersampt afdancket, ader ontsatt worde,
soe sall die nije nhavolgende unde gecaerene dat boeck in bewahr nemen, unde up die holtsprake
unde bijkumsten altijt verthonen unde metbrengen bij die poena van een guiedt vierdell wijns, gelijck
als hie dann binnen Deventer is geldende. Wie dan oeck van den guitheren vidmig offte copia van
einighen articulenn des marckenboecks in des geheelen boecks begeerde te hebben, den sall sulcks
niet geweigert worden, mitz den marckenschriver sijne gerechticheit pro labore daer van gevende.
Then 41. Sollen alle marckenrichteren alle jaer jaerlicx aere brocken unde vervallene schulden, bij
oeren tijden vervallen, inforderen, unde geine restanten inbrengen, sunderen ahn hem selfst
reekenen, unde niet pendinghe nha marckenrechte invorderen, omme daervan die oncosten up den
holtspraeke doende, betalen, unde die nije ahngaende marckenrichters, sollenn sich geine older
brocken becrodigen, dan die hem nha geholdener holtspraeke verschinen unde vervallen, als die
voerige marckenrichteren versatt sijn, unde affgaen up die geholden rekeninge.
Ten 42. Alle in deser marcke ierst nije komende ge‰rffden, die geguiedet unde gewahrt, offte
eigenaer van enighe erffenisse unde gueder worde in enige buirschap, sollen durch den
marckenrichteren met einen gueden drunck wijns met eine hense tot discretie worden verhenset, unde
soo sie sulckes versumeden, sollen sie in den vall selffst die hense t'drincken schuldich wesen, unde
in die poena van een vierdell wijns toe betalen, vervallen.
Ten 43. Soe sullen insgelijcken een ider meijerman, ierst met sijner residentie in einigher buirschap
komen wonende, geholden wesen elck up die holtspraeke, tot behoeff der guietheren, unde gemeinen
huisluiden, t'geven eine guiede tunne Deventer dubbelt stuver bier in specie. Unde sall met eine
guede bier hense oick worden verhenset, up poena dat die marckenrichters offte die geswahren, die
selffst sollen drincken, unde verbrocken daer tho eene vane biers vorschreven.
Item then 44. Soe sollen die gemeine erffgenamen deser voerschreven vier buirschappen, alle jaer
vergaderen unde tho samen komen tho Raelte in der kercken des naesten Sondages nha Bartholomei
dach omme dese overdrachten te hooren lesenn, unde die nha goetduncken, die gemeinen
erffgenamen bij gemeiner stemme toe laten bliven, offte te verwideren, tho vermheren, unde tho
verminderen, soe alst den voerschreven erffgenamen nuttichst, best unde bequemst sall duncken te
behoren.
Thenn 45. Die marckenrichteren sullen oeck jaerlicx kerckenspraeke laten doen dat een ider sijne
vercken krammen, gross sollen meijen, torff t'mogen graven unde wanneer men niet langer graven
sall. Item dat men oeck alle olthovige vloetgravens upruimen, unde andere nootwendighe marcken
saeken, sall verbeteren, daermet dat sich niemantz siner onwetentheit hebbe tho ontschuldigen.
All dese voerschreven 45 articulen sinnen vergadert, unde bijeine geschreven offte getagen, uth alle
der marcken olde zedelen, die men hefft konnen vinden, unde sunderlinge uth die handt bij Zaliger
Wijnholt van Mouwickx, dewelcke voerschreven articulen die gemeine erffgenamen up die holtsprake