Markeboek van Raalterwoold

Johan ter Haer 20 stuiver Swier bij Wissinck 2 stuiver Derrick Derricks 8 stuiver Geert then Braeke 20
stuiver Veltcamp 15 stuiver Johan Westenenck 6 stuiver
Oeck soe ist, dat die huisstede met den gaerden, unde t'landt aldatt die olde schultinne Juffer Anna
Greve Weduwe zaliger Jacob Blomendaell umme haer huijs liggende, in gebruick hefft, meente is,
unde den erffgenhamen toe kumpt, dan durch bede unde frundtschap hebben die gemeine
erffgenhamen, haer dat gebruick des landes vergunnet aer levenlanck sonder pacht daer aff t'geven,
dan omme te weten dat het meinte is, sall sie t'siaers tot een kentenisse geven up die bijkumste der
erffgenhamen een mengelen wijns, unde dat soe lange sie levet, met den bescheide, dat sie die naest
gelande erffgenhamen haer meijers, oer olde gebruick, ganck unde wech, unde driffte der beesten
offte anders niet een sal behinderen, niet jagen, slaen, hesen met hunden; oeck gein landt van der
meente klein offte groott mehr ahngraven, bij verloss der jaren up vorwarden voerschr.
Utheimschen die in die marcke plegen te pachten. Wuestmaet 14 st. Barchcamp 24 st. Grote Luicht
24 st. Derck in't Bagell 2 G.g. Cleine Luicht 24 st. Sloet 2 G.g.
Duivelshuis unde Veltcamp in Lenthe sint paelbuiren tegens Vechterloe unde die Sennept in
Linderthe. ^pag Resolutie der gemeine erffgenhamen in Raelter karspell der buirschappen Tij unde
Rade, Linderthe, unde Botele, Ao 1588 den 29 Junij in die kercke tho Raelte up die gemeine
holtsprake genamen unde geholden.
A. Ierstelicken hefft die ehruntfeste Arent Huirninck, als markenrichter in der tijdt, den erffgenhamen
voergedragen, dat hie, neffens den Zaliger hopman Camphuis, eine geruime, unde lange tijdt van
jaeren, marckenrichter wahren gewesen, averst, sie hebben niemaels geinen ontfanck, int klein offte
groot, van enighe dingen gehadt, veel weinigher enighe schriffturen, van marckenboeck offte
dergelijcken, dan wes hie van schriffturen gehadt, van geholdene rekeninghe, soe sijn zaliger
maschop Camphuis met den zaligen kosteren gehadt, aldaer geremonstreert. Oick niett wetende, wie
et met die kottersteden staet, offte sie van alle voerige jahren betaelt hadden, offte niet, ader ahn
wehn betalinge geschiet wehr, was hem onbewust. Dan hie hadde tot behoeff der erffgenhamen
enighe penningen ter summa van hondert unde ethliche goltgulden verschoten, begerende van den
erffgenhamen dat hem die muchten wedder van den nijen ahnkomenden markcenrichter, offte
gemeinen erffgenhamen, met het eine ader ander middel erlacht worden.
Dien nha begerende, die wijle sijn Edele een sweckelick olt man wehr unde groten olderdoembs, dat
hie sulcke onlede nu mehr niet konde volentrecken, dat derowegen andere, unde nije
marckenrichteren muchten gekaren worden. Sinnen met gemeiner stemmen tot nije marcken richteren
gecaeren, genoempt unde gestemmet die Edellveste Anthonius van Doorninck unde Johan van
Bestenn.
Wes hiernha widers bij gemeiner stemme geresolviert is, sulckes is bij den Coster Henrick Claesen,
doemaels beschreven, unde bij den anwesenden erffgenhamen onderteickent, unde den nijen
marckenrichter Van Besten in bewharinge gedaen, die welcke tot believen der erffgenhamen hier
mach ge‹nseriert worden. ^pag Anno 1598 den 29 Junij hebben die gemeine ahnwesende
erffgenhamen van Raelte, up einer gemeinen holtsprake dese nhavolgende resolutiones up
nhafolgende puncten genahmen:
Ierstelicken, dat sie sullen unde willen ratificeren unde approbieren, woes sie in crafft deses
approbieren unde ratificeren, alsulcke upgerichtede recessen unde ordinantien der marcken, van Tij
unde Raede, Linderthe, Botele, in Raelte die selvighe puncten, hier voir ge‹nsereert.
Die caters van Raelter marcke.
1. Anno 1560 des maendages nha Sacramenth, hebben die marckenrichters van Raelter marcke
durch consent der gemeinen erffgenhamen dese nhabeschreven kotters verpachtet, met desen
bescheide, dat sie, noch niemantz mehr anders sullen ahngraven int klein offte groitt, dan met willen
der erffgenhamen, offte sie sullen tot elcker tijtt den woltgreven vervallen wesenn met einen olden
schilt.