Markeboek van Raalterwoold

12. Item geine utheimschen sollen dicke plaggen mogen houwen, oeck geine inheimschen den
utheimschen der selve vercopen, bij die poena van enen olden schilt, soe vaeke als men die daer aver
befunde.
13. Item niemant sall mogen scheltorff houwen, in die marcke, hie sij utheimsch offte inheimsch, bij die
poena van 4 olde schilden van elck dachwerck.
14. Oeck een sall niemant geenen torff graven, offte laten graven, hie een sij in die marcke gewahrt bij
verloss des torves, tot behoeff der woltgreven, ende sullen dartho noch vervallen wesen in die poena
van X (10) olde schilden van elck dachwerck.
15. Item een heele wahr sall niet mehr mogen graven dan vier dachwerck; eine halve wahr naer
advenant.
16. Geine knechte offte meijde, offte des meijers soens ader dochters, sollen mogen torff graven, bij
verloss des torves, unde bij die poena van vijff olde schilden van elcker dachwerck. Unde wehret
saeke dat die brotheers, offte die meijers den knechten offte meijden dat torff graven geoerlofft, unde
geheitenn hadden, soe sullen die meijers als dan voer die voerschreven brocken unde poenen
instaen.
17. Soe sullen de woltgreven een neerstich toesicht hierup hebben, unde den gennen, die hierin
brockhafftich bevonden worden, die poena unde brocke, die daerup staett, scherpelijck affnehmen.
Unde hier willen die gemeine erffgenhamen die handt ahnholden, unde den woltgreven met rechte
helpen stercken, tegens den gennen, die hier en tegens doen wolden.
Copia. Die katers van Raelter Marcke.
18. Indenn jaer Onses Heeren 1560 des maendages nha Sacramenth hebben die marckenrichters
van Raelter marcke durch consent der gemeine erffgenhamen verpachtet, dese nabeschreven katers
mit den bescheide, dat die katers, offte niemant mehr anders, sollen ahngraven klein offte groot, dan
met wille der erffgenhamen off sie sullen tot elcker verbodt den woltgreven vervallen wesen met einen
olden schilt.
19. Soe sullen voertz die katers mogen hoilden upth meinte 2 koene, 2 vercken, 2 dachwerck torff
graven, unde niet mehr, geine peerde offte gansse tot elcker tijtt. Soe hier en boven bevunden worde
gedaen t'hebben, sullen sie gebrocket hebben enen olden schilt.
20. Oeck sullen die darpers mogen holden in die marcke, elck 2 koene, 4 verckens, unde 2 dachwerck
torff gravens, geine peerde offte ganse, bij die brocke tot elcker tijtt als voeren.
21. Item sullen die katers elck oere gesette penninghen betalen up tijtt der kerckensprake, bij verloss
oeres landes. Unde die opkomste van den koeteren, sall wesen tot profijtt der gemeinen
erffgenhamen omme die onkosten up der holtspraeken gedaen daer aff t'nemen.
22. Soe sullen oeck die katers voerschreven in die vuirschreven pacht bliven een jaer offte twie, soe
lange den erffgenhamen believett. Unde wie vertucht, offte van den cottersteden quemen, daer sall
die naeste gelandet der erffgenhamen die naeste toe wesen van t'koepen, offte t'verpachten, wie dat
dan den erffgenhamen believen.
In den ierstenn die kinderen van zall. Cumme bij Overdijck, sullen alle jaer geven 11 stuiver. Jutte van
Twente 8 stuiver Lubbert in den stall 10 stuiver Thonnis Jacobsen 15 stuiver Jutte Ter Huirne 1 stuiver
Geert Eskens 7 stuiver 6 p. Johan ten Rieler 10 stuiver Johan Wermele 1 G.G. Albert Willems 1 G.G.
Johan Smits 4 stuiver Honnepesmaett 11 stuiver Wolter ten Rieler 20 stuiver Westenenck 20 stuiver
Hendrick Ottens 4 stuiver Thonnis Alberts 6 stuiver Roloff Nijen Heuen 8 stuiver Goesen Scheper 10
stuiver Albert upth Heuen 7 stuiver Smachtenbarch 1 G.G. Avermars 4 stuiver Herman Averes 21
stuiver Herman ter Brunsele 8 stuiver Die erffgenamen van zaliger Herman Geerts 20 stuiver Johan
ten Walle 15 stuiver Jacob up die Sennept 5 stuiver Berchklooster 1 G.G. Johan Averes 35 stuiver