Årbok 2006 - Samnanger historielag
Årbok 2006 - Samnanger historielag
Årbok 2006 - Samnanger historielag
Create successful ePaper yourself
Turn your PDF publications into a flip-book with our unique Google optimized e-Paper software.
Tateren og bonden<br />
Eld han treng<br />
som inn er komen<br />
og om kne kulsar.<br />
Til mat og klede<br />
den mann hev trong<br />
som hev i fjell fari.<br />
(Frå Håvamål.)<br />
Håvamål er dikting som omtalar høvisk atferd for 1000 år sidan. Taterane<br />
reiste rundt i norske bygder frå om lag 1500-talet til etter 2. verdskrigen.<br />
Dei levde av det dei tagg og tente som kremmarar i bygdene.<br />
Korleis kunne dei få det til?<br />
I norrøn tid ser vi av Håvamål at plikta til å ta imot vegfarande var<br />
sjølvsagt. Dei same normene fann ein i bygdene fram mot starten på<br />
1900-talet. Høyr berre kva Sjur Løtveit 1 fortalde frå Osterøy, der han<br />
vaks opp tidleg på 1900-talet:<br />
Det hende ikkje so sjeldan at det kom omsterifarar, ”fantefylgje”, som<br />
dei vart kalla. Dei kom særleg utover hausten – mest i slaktetidi. Eg<br />
minnest vel ein laurdagskveld då det kom ei heil skreid til gards. Me<br />
hadde nyleg slakta nokre sauer. Det aller meste av smalakjøtet gjekk til<br />
sal. Det var mest berre hovud og labbar – og nokre bogar til spekekjøt<br />
– me heldt att til oss sjølve.<br />
Eldste syster vår, Sigrid, hadde skura og vaska stovegolvet og gangen<br />
og var komen til dørstokken ved utedøri. Då dukka det brått ut or kveldsmørkret<br />
eit stort fantefylgje framfor huset vårt, truleg 12-15 stykke i<br />
alt. Sigrid, som var sliten etter all vaskingi og hadde gledd seg til ein<br />
fin og hyggeleg laurdagskveld, vart reint ute av seg og sa til mor med<br />
gråten i halsen: ”Me vil ikkje ha fantar inn i kveld.”<br />
Mor var nok den som måtte ta støyten med fantekjerringane. Dei sto<br />
fremst i flokken med ungane, og bad om hus: ”Me æ so mange, de lyt ta<br />
nokon i kvart hus i kveld – alle lyt hysa nokon i natt.” Mor prøvde å<br />
svara roleg, og det drog litt ut. – ”Æ ho vond?” sa ein kar med høgt<br />
mæle bak i flokken. ”Nei, mor æ kje vond, men den lilla æ vond.”<br />
”Den lilla æ vond,” svara kjerringane i kor. Endskapen vart at me<br />
1 Sjur Løtveit, Osterøy i soge og samtid, 1986.<br />
12