Årbok 2006 - Samnanger historielag
Årbok 2006 - Samnanger historielag
Årbok 2006 - Samnanger historielag
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
enn å sjå, torde dei ikkje. Fedrane og brørne passa godt på dei.<br />
Sylvia Haga fortel: Då eg vaks opp, var det dans i bygda kvar laurdag,<br />
med levande musikk. Og når det var taterar i bygda, kom gutane og<br />
ville dansa. Me hadde den haldninga at taterane skulle me halda oss<br />
vekk frå. Mange jenter prøvde å oversjå dei. Men enkelte jenter syntes<br />
det var spennande med tatergutane, og dei dansa med dei. Desse jentene<br />
vart ofte sett litt ned på. Dette var i grunnen merkeleg. Det heitte<br />
seg at taterane stal og at det dei dreiv med, var litt snuskete. Men når<br />
eg tenkjer etter, såg vi aldri noko gale, eg kjenner ikkje til noko tjuveri<br />
dei gjorde. Ikkje drakk dei, og dei oppførte seg eksemplarisk. Ikkje såg<br />
vi at dei sloss heller, og aldri såg eg at dei brukte kniven. Men<br />
haldningane var klåre: Me skulle ikkje ha noko med dei å gjera.<br />
Ein kar frå austlandet fortel ei litt anna historie om eit meir tillitsfullt<br />
samkvem mellom taterar og bygdefolk i Odalen: Eg var god til å dansa<br />
og kunne dansa kva som helst. Når det var dans, var taterane ofte<br />
med. Dei òg var gode til å dansa. Eg hugser ei taterjente som var spesielt<br />
flink i dansen, uansett kva eg gjorde, så følgde ho med. Det var<br />
aldri nokon av tatergutane som sa noko om vi dansa med jentene deira.<br />
Dei dansa med våre jenter også. Men eg hadde jo jenter sjølv, mellom<br />
bygdejentene, så det var aldri noko meire alvor med taterjentene.<br />
Vart det slåsskamp, var det ikkje taterane som sloss. Då var det gutane<br />
frå bygda eller nabobygda, som hadde drukke for mykje, så dei<br />
begynte å slåss.<br />
Det var mykje moro med taterane, det fulgte alltid liv og hygge med<br />
dei. Det var fleire av dei som spela trekkspel. Og dei var gode til å<br />
arbeida. Det skjedde aldri at dei stal. Når dei kom til oss, handla mor<br />
alltid med dei. Og så fekk dei ein fleskebete på kjøpet. Mor likte taterane<br />
godt.<br />
Men dei ville alltid bytta klokke. Eg sa alltid nei til det. Eg trur ikkje<br />
at eg ville ha gjort noko godt bytte då.<br />
Når taterane skulle selje varene sine og når dei skulle koma i kontakt<br />
med folk, kunne dei nytte mystikken og det at dei var litt framandarta<br />
og spennande. Ein taterkar hadde ofte eit fargerikt skjerf om halsen,<br />
og øyreringar vart ofte nytta. Når ei taterkone kom til garden for å<br />
handla, var dette for mange litt spanande, og ein kunne samstundes få<br />
høyra nytt både frå fjern og nær.<br />
22