Årbok 2006 - Samnanger historielag
Årbok 2006 - Samnanger historielag
Årbok 2006 - Samnanger historielag
Create successful ePaper yourself
Turn your PDF publications into a flip-book with our unique Google optimized e-Paper software.
Romanifolket kom truleg frå Nord-India, via det Ottomanske imperiet,<br />
til Vest-Europa. Då dei kom til dei vesteuropeiske landa om lag år 1400-<br />
1500, kom dei til katolske samfunn, der gjestfridom var ei plikt. Dei<br />
første som kom, vart godt mottekne, og dei fekk endå med seg eit brev<br />
frå skottekongen. Dette brevet sa at dei var pilegrimar frå Lille-Egypten<br />
og at ein skulle ta godt imot dei. Den tida hadde ein i størstedelen av<br />
Europa føydalsystem, der folk tilhøyrde eit gods eller ein føydalherre,<br />
med bu- og arbeidsplikt. Berre pilegrimar, handelsfolk og reisande<br />
handverkarar kunne dra fritt omkring.<br />
Her oppe i Norden var det vel så som så med føydalsystemet, det var<br />
rikeleg plass dei første hundreåra etter at Svartedauden herja landet i<br />
1349. Kom det tilflyttarar, så syntes vel kongen det var bra at landet<br />
vart brukt. Men ganske raskt kom det lover også her, som nekta folk<br />
utan fast bustad å reisa fritt omkring. I 1584 slo Dansk-norsk lov fast<br />
at leiaren for eit taterfølgje kunne bli henretta, og følgjet skulle ein jaga<br />
frå landet. Også i hundreåra etter, finn ein mange lover som prøver å<br />
hindra omstreifarar i å reisa rundt utan fast arbeid. Mange av lovene<br />
har til føremål å ”utrydda tatervesenet.”<br />
I 1710 kom det ei lov som skulle gjera bygdene frie for fantar. Ein<br />
skulle gjennomføra fantejakt i alle bygder og bygdene skulle tilsetja<br />
ein Ståtare-konge. Det var ein slags bygde-vektar som skulle jaga taterane<br />
vidare til neste bygd når dei vart for plagsame. (Me veit at Elverum<br />
hadde sin siste ståtarekonge i 1900.)<br />
Tormod Fosso fortel:<br />
Den siste ståtarekunjen her, var ein dei kalla for Store-Johan. Han<br />
hadde sikkert vore eitt eller anna i militæret, og det var etter at han<br />
vart pensjonist og budde heime, at han vart ståtarekunje. Kor mykje<br />
han hadde å gjera, veit ikkje eg, men det var han som hadde orden på<br />
taterane, og hadde myndigheit til å snakka til dei og få dei til å flytta<br />
når ein meinte det var nødvendig.<br />
Kva levde taterane av? I tidlige tider reiste skreppekarar omkring på<br />
Vestlandet åleine. Dei hadde ikkje med seg familiar då. På 1800-talet<br />
var det stor folkevekst både mellom folk flest og også mellom taterane.<br />
Omkring 1900, ser det ut til at det vart meir vanleg at heile familiar<br />
reiste samla også på Vestlandet. Når taterane reiste rundt, måtte dei ha<br />
noko å by til gjengjeld for den gjestfridomen dei tok imot. Dei handla<br />
16