ISFLAKET - Ishavsmuseet Aarvak

Frithjof. Foto: Ishavsmuseets arkiv
etter den romerske gudinna for hell og lykke,
møtte skuta lagnaden i isskruing i Vestisen, ho
også. Endå meir paradoksalt virka namna til
Heim og Lunheim som i orkan i Vestisen i
1917 forliste med heile mannskapa.
Norsk historie:
Ein del namn frå norsk historie har vore mykje
bruk som fartøynamn, - kanskje så ofte at
namna har mist litt av særpreget sitt. Somme
tider har det vore vanskeleg å identifisere
fartøy ut frå namn. Blant desse finn ein også
nokre ishavsskuter: Viking, Drot, Sverre, Hird,
Hanseat, Tordenskjold, Fridtjof (Frithjof), 7de
Juni, Håkon, Maud, Olav.
Viking, kong Sverre og Tordenskjold er kjende
namn og omgrep frå norsk historie. Det same er
7de Juni, Håkon, Maud og Olav. Desse fire
siste har klar tilknyting til unionsoppløysinga i
1905 og den nye norske kongefamilien.
Drot er gammal skrivemåte for drott, som tyder
konge. Skuta med det namnet høyrde lenge
heime i Hammerfest. Ho vart bygt hos
Skaaluren i Rosendal i 1906, som seglkutter.
Siste tida før forliset bar skuta namnet Is-Ola.
Kong Haakon skreiv namnet sitt med dobbel aa
i staden for å. Det var etter si tids rettskriving, -
kanskje også litt med tanke på internasjonale
kontaktar, til dømes kongen sin britiske
svigerfamilie. Same skrivemåte blir brukt av av
kongen sitt oldebarn, nåverande kronprins
Haakon Magnus.
Men ishavsskuta som bar kongenamnet hadde
så vidt vi veit skrivemåten Håkon, med å.
Hird var i middelalderen kongen sitt
krigsfølgje, livvakt og hoff. Denne nemninga
var etter alt å dømme bakgrunn for namnet på
skøyta som Jonas Karlsbakk frå Mauseidvåg og
hans folk brukte på overvintringsekspedisjonen
til Nordaust-Grønland i åra 1927-29. Skøyta
hadde namnet Hird også før ho vart innkjøpt
for ekspedisjonen. Hird dreiv på land og vart
slått til vrak i ein storm kort tid etter at
ekspedisjonen var komen til Nordaust-
Grønland. Dei fleste av
ekspedisjonsdeltakarane kom heim med
Veslekari i 1929.
Isflaket side | 17