ISFLAKET - Ishavsmuseet Aarvak

Isbjørnen er verdens farlegaste
rovdyr
og verdens største land-rovdyr, om vi no kan
seie at Ursus maritimus er eit landdyr. Tyngre
enn tre løver, uredd og uberekneleg, alt som
rører seg er kanskje mat. Konge av Arktis og
på toppen av næringskjeda. Livsfarleg, men
likevel totalfreda. Berre den såkalla
urbefolkninga har ein viss rett til kvoteavgrensa
tradisjonell jakt på isbjørn og på Svalbard finst
det inga urbefolkning.
Berre dersom du er i verkeleg livsfare har du
lov til å skyte for å drepe ein isbjørn. Og du er
ikkje i livsfare om du står inne i hytta og ser
bjørnen ramponere snøskuteren din eller om du
ser at han går inn i nabohytta og øydelegg alt
som er der. Først når du eller venene dine er
truga og det ikkje nyttar å skreme den vekk
med rop og steinkasting eller skramling med
grytelok og heller ikkje med signalpistol, først
når du er i verkjeleg livsfare, når du veit at han
vil angripe, har du lov til å skyte og då for å
drepe. Og etterpå skal du så snart som råd er
varsle Sysselmannen, og du må rekne med at
drapet vert etterforska.
HH 22.8.11
Om det er menneskeskapt eller ikkje får bli ein
annan diskusjon, men det vert varmare i nord.
Frå 1912 til 2008 auka middeltemperaturen i
Longyearbyen med 4 grader frå minus 8 til
minus 4. Ein auke på 0,23 grader per år.
Gjennomsnittet for vinteren steig frå minus 16
til minus 12 og for sommaren frå pluss 4 til
pluss 5,5 grader.
(: Polarklubben) HH 22.8.11
xXx
Sjølv om isbjørnen og brunbjørnen er svært så
ulike, så er det likevel brunbjørnen om er
isbjørnen si stammor. Isbjørnen en mykje
større, har kvit pels og mørk hud, er ein dyktig
symjar og ekspert på å overleve i Arktis, medan
brunbjørnen for det meste held seg i dei store
skogane, klatrar i tre og fangar laks i grunne
elvar, men likevel altså. Og ikkje nok med det,
det er brunbjørnen frå Irland som er isbjørnen
sin stamfar og stammor, seier forskarar frå
Penn State University i Pennsylvania, USA.
(:Weekendavisen 8. juli 2011) HH 22.8.11
Isflaket side | 51