ISFLAKET - Ishavsmuseet Aarvak

Namn har hytta fått etter at ein stor ulveflokk
herja i dette området i 1929. Hytta var i bruk
heilt til 1979, men sto heilt til nedfalls då
NANOK (Nordøstgrønlandsk Kompani) i 1991
tok fatt på restaureringa av dei gamle
fangsthyttene. (Ivar Ytreland var ein aktiv
person her også, og deltok i fleire av desse
reparasjons- ekspedisjonane på Nordaust
Grønland). I dag er hytta i ypperleg stand,
utvendig heilt kledd med tjukk, svart tjørepapp.
Varghytta innvendig. Ikkje store plassen.
Hytta er ei typisk fangsthytte for maks to
mann: eit lite bislag på knapt 1,5 m x 1.5 m og
eit hovudrom på 2.5 m x1.95 m med to
sengebriskar. Vi let opp døra og tok skoddene
frå det einaste vindauget for å få inn litt lys, og
der inne var alt i skjønneste orden. Alt var klart
for å ta imot ein frosen fangstmann som hadde
vore ute og sett etter revefellene eller etter
isbjørn: Omnen var rein for oske og
opptenningsved og fyrstikker låg framme.
Ryddig og reint. Ein fantastisk plass på jorda
og eit utruleg fint ver. 14-15 varmegrader og
skarp sol. Folk gjekk berre i t-skjorter. Og vi
gjekk oss ein fottur langt innover øya, opp til
Noasjøen, ein innsjø som faktisk er lilla.
Frodig vegetasjon, ein drivkvit grønlandshare
hoppa rundt og eit par moskus rusla opp i lia
innafor kamerahald for eit lita telelinse. Eg
plukka med meg litt moskusull undervegs. Dei
røyter, desse sauedyra, og Gerd Ytreland hadde
love å strikke meg eit kvart om eg fann nok ull.
Det heldt til ei mjuk og varm lue.
På vegen vidare ut Kong Oscar Fjorden
passerer vi Ella Ø, oppkalla etter A,G.Nathorst
si kone i 1899. Siriuspatruljen har ein stasjon
her, “Ørneredet”. Vi ser inn dit. På vestsida av
den tronge leia på innsida av øya går fjella rett
til himmels, Bastionen er 1367 m rett opp frå
havet, og fjorden er omtrent like djup.
Fredag 3.september er vi inne Alpefjorden.
Sefstrømbreen, eigentleg er det to breear som
møtes og går ut i fjorden, gjekk i 1966 heilt
over til andre sida av fjorden. No er der ein
opning på om lag 400 meter og ein brefront på
13 km. Isfjella er enorme og har dei mest
kunstnarlege fasongar. Det ser ut som om her
har vore ei eller anna form for
arkitektkonkurranse. Utbyggarane i Bjørvika
har kanskje henta sine idear herifrå. –Her er lite
fugleliv og lite dyreliv, men der ligg då ein
storkobbe på eit isflak, og han poserer villig for
oss på få meters avstand.
Vi går i land i Holm Bugt på Trailløya.
Hytteboka fortel at ei gruppe franskmenn som
forskar på lemmen forlet hytta for berre seks
dagar sidan. I mellomtida har isbjørnen vore
Holm utanfor hytta i Holm Bugt etter at
ryddejobben er avslutta
Isflaket side | 55