ISFLAKET - Ishavsmuseet Aarvak

Han har fleire turar bak seg på selfangst, både
frå Sunnmøre og Tromsø. Og han har dagbøker
frå turane på ishavet. Tromsværingane åt meir
selkjøt enn sunnmøringane på turane, fortel
Berland, og dei hadde eldre mannskap.
Første året på selfangst var med Brandal i
Stretet i 1956. Havforskar Birger Rasmussen
var onkelen til Berland, det var han som fekk
han av garde for Havforskingsinstituttet.
Oppgåvene var å gjere biologiske
observasjonar, måle kroppstorleik på
klappmyss og grønlandssel, kor tjukt spekket
på selane var og samle inn kjevar for å skaffe
tenner som seinare blei saga av for å lese
alderen på dyra på vekstsoner. Av eiga
interesse samla han inn fiskeparasittar også,
han beskreiv ei art rundmark frå klappmyss.
Han var i Stretet med Polarbjørn i 1956,
Brandal i 1957, 58 og 59. I 1960 var han i
Stretet med Polaric, med håkjerringfiske etter
fangsten. I 1958, 1959 og 1960 var han i
Vesterisen med Fortuna av Tromsø. Med
Havforskningsinstituttet sine fartøy var han
fleire turar til Island og Grønland.
Observasjonar gjort på ishavsturane har ført til
fleire publikasjonar i internasjonale tidsskrift.
Professor Bjørn Berland på Ishavsmuseet.
I alt har professor Berland gitt ut 200
publikasjonar.
1962-65 var han lektor ved eit universitet i
Ghana. Han har sidan sommaren 1965 vore ved
Universitetet i Bergen.
Fortuna av Tromsø i ising. Foto: Berland.
Godt besøk ved Ishavsmuseet.
Turistsesongen 2011 er i skrivande stund godt
på hell. Så langt i år har både mai, juni, juli og
august vist dei beste besøkstala nokon gong
ved museet. Dei siste åra viser ein liten jamn
auke år for år. Aktiviteten ved museet stoppar
ikkje opp sjølv om vi no har gjort frå oss
sommarsesongen. I september var det fleire
arrangement på museet, og framover hausten
og vinteren kan vi nemne:
Isflaket side | 35