ISFLAKET - Ishavsmuseet Aarvak

Frammuseet under lanseringa. Hjalmar var
veldig opptatt av hundane, som han meinte er
like kloke som oss. Han skriv inngåande om
konflikten med Amundsen, men dessverre
slutta han å skrive før polpartiet returnerer til
“Framheim”, så vi veit lite om kva han tenkte
etterpå. I boka er det teke inn to brev som han
skreiv om bord i “FRAM” på veg til Hobart, og
nokre dokument frå heimreisa hans derifrå.
Også Fridtjof Nansens minnetale over sin
gamle kollega og venn er teken med.
Så står Roald Amundsens dagbøker frå denne
første erobringa av Sydpolen att, og sidan
mykje av det som står her er kjent frå før, skal
eg ikkje gå nærare inn på den her. Kjøp alt
saman, og les og sjå.
Kva har så eg lært av å bla i alle desse
“uoppdaga” bøkene? Eg har lært at eg, og
sikkert mange med meg, må revidere
inntrykket mitt av Amundsen. Bilde av han
vert nok gradvis mildare etter kvart som eg les
om “Vår kjekke sjef”.
Vrakbil mottak
www.aasenbil.com
Tlf 700 37 900
post@aasenbil.no
6062 Brandal
Eg har lært at oppgjeret mellom Hjalmar
Johansen og Amundsen ikkje blir lagt stor vekt
på av dei andre og at Hjalmar ikkje vart jaga i
land då dei kom til Hobart. Og eg har lært at
engelske forfattarar og polarhistorikarar bør sjå
med andre auger på forholdet mellom
“FRAM”mannskapet og mannskapet på “Terra
Nova”, og kanskje også på “krigen” mellom
Scott og Amundsen. Og eg har lært eit og anna
om menneskeleg fantasi, uthaldenheit,
vennskap og toleranse, og om lojalitet og vilje
og storsinn.
Eg drog tilbake til Oslo med ferga den kvelden
1000 kroner fattigare (bøkene var på tilbod
første dagen) og med nesten 8 kg bøker i veska.
Nokre tusen sider tekst der det meste har vore
ukjent til no, og nokre tusen bilete der dei fleste
aldri har vore publiserte tidlegare.
Isflaket side | 62