ISFLAKET - Ishavsmuseet Aarvak
ISFLAKET - Ishavsmuseet Aarvak
ISFLAKET - Ishavsmuseet Aarvak
Create successful ePaper yourself
Turn your PDF publications into a flip-book with our unique Google optimized e-Paper software.
ein underleg flat stein med to heilt ulike sider<br />
som eg tek med heim som eit minne frå denne<br />
“Brandalsbukta”. Kan hende er eg den einaste<br />
nesten-brandalingen som har vore der.<br />
Ut på ettermiddagen går vi i land igjen, denne<br />
gongen på Sydkap, på neset mellom<br />
Nordvestfjorden og sjølve Scorsbysund. Her<br />
står det 6 små hytter med mykje fiskeutstyr og<br />
mykje rot rundt veggane. Moskusskallar over<br />
alt og fiskegarn som ligg til tørk utover<br />
lyngmarkane. Ute i sjøen ligg fleire<br />
fortøyingsbøyer. Så dette er tydeleg eit mykje<br />
brukt terreng både for jakt og fiske.<br />
Vi er i land på Sydkap i fleire timar og eg har<br />
aldri sett tundra med slike haustfargar, og eg<br />
har sett mykje tundra i mitt liv. Gul polarvier,<br />
grøn og knall raud polarbjørk, nokre så høge at<br />
vi neste snubla i dei og djup raud blåbærlyng.<br />
Lyng, mose og lav i alle fargar. Dette er<br />
uverkeleg vakkert. Folk ligg langflate og<br />
fotograferer. Eg og.<br />
Det bles opp til ein liten vind og vi får eit lett<br />
regnver, men likevel avsluttar vi endå ein topp<br />
dag med BBQ på akterdekk.<br />
Frå Ittoqqortoormiit/Scoresbysund<br />
Ittoqqortoormiit/Scoresbysund er den siste<br />
hamna vår på Grønland denne gongen. Den<br />
nordlegaste inuittbusettinga på Nordaust<br />
Grønland. Ikkje store plassen, med eit par små<br />
utbygder og ein flyplass. Her lever folk ennå<br />
delvis på gamlemåten. Dagen før vi kom inn<br />
hadde lokale jegerar drepe to minkekvalar.<br />
Kadavera og alle innvolane låg ennå i fjøra litt<br />
innfor busettinga for å lokke til seg isbjørn, og<br />
mens vi var der var folk ute og jakta på ein<br />
bamse som var sett i nærleiken.<br />
Eg er eigentleg på jobb, og får alt for liten tid<br />
til å utforske byen, men eg rekk å få med meg<br />
det vesle museet, butikken, kyrkja, der ei<br />
myndig dame forbyr oss å fotografere inne<br />
(men det var fyrst etter at eg alt hadde teke eit<br />
bilde), og turistkontoret, og det er der eg får<br />
meg ei skikkeleg overrasking: “Kan du ta med<br />
deg ein liten presang heim til Ivar Ytreland?”<br />
spør den unge og vakre danske kvinna bak<br />
disken, Karina, som den naturlegaste ting i<br />
verda. “Ja, visst” svarar eg. “Sjølsagt.” – Ein<br />
liten presang?! Fram frå sideromet kjem ho<br />
med ein diger moskus-bog, 15 kg! (Eg fekk no<br />
med heile bogen heim, og eit par dagar etter<br />
heimkomsten vart det moskuskarbonader med<br />
mykje godt tilbehør heime hos Gerd og Ivar<br />
oppe på Skorkeberget.)<br />
Ittoqqortoormiit var siste stoppestaden vår på<br />
Grønland. Dagen etter, tirsdag 7. september,<br />
var vi ute i Stretet igjen, i regn og tåke og<br />
dønning. Om kvelden var det Captain‟s<br />
Farewell Dinner og ikkje før hadde vi gått til<br />
køys før ekspedisjonsleiaren vekkjer oss alle<br />
over høgtalaranlegget: “Nordlys! Kom på<br />
dekk!!” – Så fekk dei oppleve det også, ekte<br />
Aurora Borealis. Den siste natta om bord.<br />
–Og i morgon tidleg er vi i Reykjavik. Og eit<br />
eventyr er over.<br />
Drøbak 30.08.2011<br />
Hallvard Holm<br />
( Eg har hatt god hjelp av Peter Schmidt<br />
Mikkelsens bok “Nordøstgrønland 1908-1960.<br />
Fangstmannsperioden” då eg skreiv dette, og<br />
Ivar Ytreland har lese korrektur. HH)<br />
Isflaket side | 57
Change language