Fordjuping i hestefag s. 4 - Utdanningsforbundet

vg1 - Naturbruk med fordjuping
natur og friluftsliv
Er du interessert i friluftsliv? Då er
naturbruk med fordjuping innan
natur og friluftsliv eit spennande val.
Denne retninga inneheld programfag
og fordjupingsfag som er retta mot
natur og friluftsliv. I tillegg kjem dei
obligatoriske fellesfaga.
Programfaga gjev deg ei innføring i
naturbruksyrke med vekt på natur
og friluftsliv. Vi fokuserer på det
særeigne ved naturbasert produksjon
og aktivitet, og dannar grunnlag
for at du skal kunne arbeide i slike
framtidsretta næringar. Her får du
innsikt i prosessar som inngår i
naturbasert produksjon og aktivitetar,
samstundes som du utviklar dine
praktiske evner.
Naturbaserte aktivitetar lærer deg å
planleggje, gjennomføre og vurdere
aktivitetar knytt til bruk av naturen
med tanke på både tradisjonelle og
nye næringar. Eksempel kan vere
kano- og kajakkpadling, overnattingsturar,
laksefiske og klatring. Her
lærer du òg å leggje til rette for ulike
typar naturbasert turisme. Du deltek
i pedagogisk tilrettelegging av aktivitetar,
og dessutan utvikling av nye
produkt og tenester som er vinkla
mot natur og friluftsliv.
Naturbasert produksjon tek for seg
grunnleggjande arbeidsoppgåver
og yrkesutøving innan naturbruksproduksjonar
vinkla mot natur og
friluftsliv. Du får òg delta i produksjon
av tradisjonelle landbruksprodukt,
og dessutan stell av husdyr
på skulen sitt område.
Denne studieretninga krev at du
likar å vere ute i all slags vêr. I tillegg
må du kunne tileigne deg teoretiske
fag. Øksnevad vidaregåande skole
er kjend for ”læring i samspel med
naturen”. Det betyr rikelege mengder
med frisk luft og ei rekkje varierte,
praktiske utfordringar som krev god
fysikk og positiv haldning.
Etter fullførd Vg1 og Vg2 kan du
velje Vg3 Landbruk og husdyrhald
eller Vg3 studieførebuande naturbruk.
Kva du vel, kjem an på om
du ønskjer å gå vidare til studiar på
høgskular og universitet i inn- og
utland. Bakgrunn frå naturbruk vil
vere ein stor fordel i forbindelse med
vidare utdanning innan ”grøne fag”
på høgskule- og universitetsnivå.
Eksempel på dette er naturforvalting,
husdyr- og landbruksfag, naturfag,
idrett og friluftsliv, veterinær og
lærarutdanning.
tilrettelagt opplæring
Øksnevad vidaregåande skole har
eiga avdeling med Tilrettelagd Individuell
Opplæring (TIO). Her er det
plass til ca. 16 elevar fordelt på fire
klassar. Elevane blir tekne inn på
særskilt grunnlag, og får undervisning
etter individuelle opplæringsplanar.
Hovudmålet med undervisninga i
TIO er å sørgje for at du som elev
skal oppnå kompetanse som gjer deg
kvalifisert og attraktiv i arbeidslivet.
Ein viktig del av opplegget er at vi
jobbar aktivt for at våre elevar skal få
utplassering i arbeidspraksis ved ein
ekstern arbeidsplass.
Sidan Øksnevad vidaregåande skole
er ein naturbruksskule med eit
eige, stort gardsbruk, legg vi undervisninga
opp rundt dette. På timeplanen
har vi gartnarfag, husdyrfag,
hestefag, butrening, allmennfag,
formingsfag, kroppsøving, friluftsliv,
traktorfag, tre- og tekniske fag.
Arbeidstrening og utplassering i
bedrift er både eit mål og eit viktig
element i undervisningsopplegget
ved skulen. Vi har gode erfaringar
med dette, og prøver å leggje til
rette for at elevane skal få utplassering
i arbeidspraksis ved ein ekstern
arbeidsplass, i første rekkje i den
enkelte sitt nærmiljø. Dei fleste av
TIO-elevane er utplassert ein dag i
veka allereie frå andre skuleår.
TIO har to års erfaring med omsyn
til opplegg, tilrettelegging og drift av
ein eigen ungdomsbedrift. På skulen
sitt område har vi ein liten gardsbutikk
der vi sel våre eigne produkt.
TIO-klassene har felles ekskursjon
kvar månad. Då dreg heile avdelinga
ut på tur. Ansvaret med opplegget
for turen går på rundgang i klassene,
og varierer difor frå gong til gong.
Av populære tema kan vi nemne
fisketurar, fjellturar, strandturar,
museumsbesøk, osb.
Majken sevheim
YRKE - juni 2008 • 9
tema: Naturbruk
Skal overta sin egen slektsgård på
tomatøya Finnøy. Men det er ikke
tomater hun skal ”dyrke”. Gården har
35-40 kyr og leverer 220 000 liter melk
pr år. Dessuten har de 16 000 broilere.
Broilerne får de noe timer gamle og
forer dem opp i 32 dager. Da er de slakteklare.
– Et flott liv, bare spise, drikke
og sove, synes Majken. Hun går nå på
Vkll Agronom som er den siste klassen
som blir uteksaminert etter ”gammel
ordning”.
tommy Høines
Tommy er ansatt på Øksnevad som
fagarbeider. Han har vært ansatt i 2
år etter at han selv tok eksamen som
agronom. – Jobben er alt mulig som skal
gjøres på et stort gårdsbruk, fra høyonn
til melking, fra vedlikehold til skogsdrift.
Jeg er en god gammeldags gårdsdreng,
og det stortrives jeg med, sier Tommy.
Han fant jobben gjennom å jobbe som
avløser første året på skolen. Han bor på
gården og har dessuten funnet kona si
her, så for Tommy er ikke Øksnevad bare
et arbeidssted, det er hele tilværelsen.