You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GARDSREPORTASJE<br />
Lagvis: Rune Haugland legg det aller meste<br />
av graset i plansilo. Her demonstrerer han<br />
korleis slåttane ligg lagvis fôrdelt, med<br />
vårkveiten i eitt av sjikta. Haugland har gode<br />
erfaringar med heilsæd i fôret, og vil auka<br />
korndelen om kraftfôrprisane stig.<br />
– Eit enkelt og velfungerande fôrlager<br />
som til saman ikkje kosta meir enn<br />
200.000 kroner, fortel Haugland.<br />
Vårkveite<br />
I 2017 sådde han i 120 dekar med vårkveite.<br />
– Det synte seg å gå svært bra, trass<br />
i mykje regn og krevjande tilhøve. Eg vil<br />
faktisk hevda at kveiten klarte seg betre<br />
enn seksradsbyggen. Me stubba høgt og<br />
fekk dermed lite halm inn i fôret som vart<br />
lagt i plansiloen. Dyrkinga av kveite gir<br />
mykje lys i svoren og passar godt i kombinasjon<br />
med attlegg, held han fram.<br />
Slåttane blir lagt lagvis i plansiloen.<br />
Heilsæden av korn blir dermed eitt av<br />
laga. Han lesser grovfôret frå stuven med<br />
grabb over i fullfôrblandarar. Denne metoden<br />
betyr at fôringa blir lik frå dag til dag.<br />
– Om kraftfôret blir dyrare, tenkjer eg<br />
å kompensera med å auka delen av korn<br />
i grovfôret.<br />
Treng Timotei<br />
– Kva grasblandingar brukar du?<br />
– Det går mykje i Spire Surfôr Pluss<br />
90, men eg likar også blandingar som<br />
inneheld mindre raigras, kor eg kompenserer<br />
med å så i med raigras etter<br />
kvart som enga blir eldre.<br />
Haugland erfarer at Timotei, grunna<br />
smaken, er eitt nøkkelgrasslag i engblandingane.<br />
På garden har han alt frå<br />
moldrik morenejord, til leir- og myrjord.<br />
Omlaupstida på enga varierer.<br />
– Det kan vera frå tre år og utover. Eg<br />
har inga fast oppskrift, men ser enga an.<br />
Å pløya opp er ein betydeleg kostnad.<br />
– Korleis er planen denne våren?<br />
– Nett no ser det bra ut. Me har hatt<br />
ein del frost, medan ørlite snø har tilført<br />
viktig fukt i grasbotn.<br />
Haugland har hatt eit overskot av<br />
grovfôr, og har selt ein del til kollegar<br />
som ikkje har hatt nok også denne vinteren.<br />
Sommaren 2017 var vanskeleg, men<br />
Haugland var heldig.<br />
– Eg er nok litt i farten. Det høvde godt<br />
i fjor. Eg fekk hausta dei fire slåttane i løpet<br />
av dei korte vindauga som var med<br />
opphaldsvêr.<br />
Plansiloar: Dei to plansiloane på garden ligg nær driftsbygningen og målar 12 gonger 60<br />
meter. Dei er enkle, men funksjonelle. Samla byggekostnad var 200.000 kroner.<br />
Må fjerna overflatevatnet<br />
Grøfting og vedlikehald av desse, er viktig<br />
for bonden. Å leia vekk overflatevatnet<br />
for å unngå tilslemming og tetting av<br />
jorda har prioritet.<br />
– Eg lagar fysiske avløp med singel og<br />
opne «grøfter» i problemområde. Kummar<br />
av bildekk over drensrøyra fylt med<br />
singel fungerer fint, desse tåler ein trøkk<br />
med plogen og andre jordarbeidingsreiskap<br />
utan å bli øydelagde. Elles prøver<br />
eg å profilera terrenget med gravemaskinen<br />
for å unngå vassfloar.<br />
Sjølvmelding<br />
– Kva er du mest nøgd med i<br />
fôrdyrkinga?<br />
– Å få høve til å blanda korn inn i<br />
grovfôret gir moglegheiter. Dessutan<br />
er korndyrking svært interessant.<br />
– Kva kan bli betre?<br />
– Å stadig betra dreneringstilstanden<br />
blir viktig. Jorda treng å bli<br />
rusta for å handtera aukande nedbørsmengder.<br />
– Tips og råd til andre?<br />
– Det må vera å utnytta avlingspotensialet<br />
i jorda. Høge avlingar er<br />
nøkkelen for å auka inntektsgrunnlaget.<br />
14 Nr. 12 - 13. april 2018 BONDEVENNEN