Plan Estratéxico de Xuventude 2010-2013 - Xuventude.net - Xunta ...

10
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
Isto é, seguindo o informe Bases para una
política de juventud do Consello da Xuventude
de España (2005), pódese definir a mocidade
como unha construción histórica que transcende
o fenómeno demográfico e que evolucionou
notablemente nas últimas décadas. É
coa consolidación das sociedades industriais
cando este concepto cobra peso, deixando de
ser un mero tránsito á idade adulta e constituíndose
como “un espazo de produción e reprodución
social que xera os seus propios
referentes culturais, políticos e sociais... é un
feito multisectorial” (CXE, 2005:8).
Con esta idea, facemos referencia a que non
obviamos que os mozos e mozas presentan
diferenzas entre si, non obstante, ao mesmo
tempo, enfróntanse ás mesmas circunstanciais
sociais, culturais, económicas etc., polo
que este goberno considera tanto a especificidade
como a diversidade do colectivo no
momento de poñer en marcha este documento.
Este goberno asume que a evolución cara á
idade adulta é cada día menos lineal e máis dilatada
no tempo, debido a diferentes causas:
existencia dun modelo de socialización prolongado,
a educación, a formación e as dificultades
de acceso ao mercado de traballo.
A consecuencia diso é o atraso na emancipación, ademais da necesidade de redefinir as necesidades
da mocidade nun intervalo de idades que comprende dos 14 aos 30 anos.
A Xunta de Galicia non é allea á necesidade de investir na mocidade e de capacitar a esta para que
sexa posible aproveitar ao máximo o seu potencial:
– Investir nas persoas mozas significa aumentar os recursos para desenvolver os ámbitos das políticas
que afectan a mocidade na súa vida cotiá (a educación, o emprego, a vivenda...).
– Pola súa banda, a capacitación da mocidade oriéntase a promover o potencial da xente nova
para renovar a sociedade e facer factible así o acceso a maiores oportunidades.
Esta premisa que inspira o III Plan estratéxico de xuventude, Xuventude 2013: unha estratexia para
a mocidade galega, diríxese a todas as persoas mozas en xeral, pero con especial incidencia, por razóns
de solidariedade, ás máis desfavorecidas e ás que teñan menos oportunidades. Deste xeito,
establécense estratexias territoriais implícitas en cada medida, tendo en conta dende cada programa
e recurso a distribución territorial da mocidade á que vai dirixida.
Polo seu contido, o plan defínese polo seu carácter transversal e global, con intervención activa
de todos os órganos de goberno e doutros axentes sociais con representación institucional na Xunta
de Galicia, onde se desenvolven as principais políticas públicas dirixidas á mocidade galega, co propósito
de promover as condicións óptimas para que a mocidade poida desenvolver as súas capacidades,
aproveitar o seu potencial e participar directamente na sociedade. É por iso que
metodoloxicamente podemos afirmar que o plan estratéxico de xuventude, Xuventude 2013: unha
estratexia para a mocidade, é a consecuencia da aposta por un “método aberto de coordinación”
para a elaboración conxunta deste plan.
Dende a Xunta de Galicia pártese dunha serie de premisas e liñas políticas en materia de xuventude
que establecen a base sobre a que se enmarca este plan. Así, as actuacións deste plan establecéronse
garantindo a participación activa dos distintos sectores sociais, mediante un proceso de consulta e
información á mocidade e ás entidades prestadoras de servizos a mozos e mozas. Por unha banda,
realizouse unha campaña de comunicación do acceso público ao documento a través da información
a 20.000 mozos da base de datos da Dirección Xeral de Xuventude e Voluntariado, a 300 asociacións
e entidades prestadoras de servizos á mocidade, a todas as oficinas municipais de información xu-