Plan Estratéxico de Xuventude 2010-2013 - Xuventude.net - Xunta ...

86
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
ao Espazo Europeo de Educación Superior. No
marco deste proceso adaptativo, o Goberno
galego está traballando tamén nun novo plan
de financiamento do Sistema Universitario Galego
no que se atenda, de xeito prioritario, á
equidade e eficiencia do sistema universitario.
Os galegos contamos con dúas linguas e esa
é unha riqueza da que temos que estar orgullosos
e que debemos aproveitar. Así, o III Plan estratéxico,
Xuventude 2013: unha estratexia para
a mocidade galega, recolle accións específicas
destinadas tanto á potenciación do uso da lingua
galega como á dinamización e ao fomento
e reforzo da súa competencia.
Así as cousas, a Galicia do futuro debe dar
resposta a unha das principais eivas coas que
se atopan os alumnos e alumnas galegas, a
aprendizaxe e dominio do inglés. A adquisición
dun coñecemento efectivo en lingua(s) estranxeira(s)
é, polo tanto, obxecto de intervención
a través de diferentes medidas, como as axudas
á realización de actividades de inmersión lingüística,
o plan de seccións bilingües ou o programa
CUALE.
Por último, hai que sinalar que o Informe do
Consello de Educación ao Consello Europeo, do
14 de febreiro de 2001, sobre os futuros obxectivos
precisos dos sistemas de educación, recolle
a mellora da calidade e a eficacia dos sistemas de educación e de formación como un dos obxectivos
que cómpre acadar. Un sistema educativo de calidade pasa pola introdución das novas tecnoloxías no
ensino, este é o obxectivo do proxecto Abalar, co que se pretende acadar unha dobre finalidade:
• Que toda a comunidade educativa poida sacar o máximo proveito das tecnoloxías da información
e da comunicación mediante o desenvolvemento de accións formativas para o profesorado e a
posta en marcha dun portal web para que, tanto profesorado como alumnado o os seus pais e
nais, poidan ser partícipes en todo momento do proceso educativo.
• Que o alumnado dos últimos cursos de primaria e os de secundaria conten con ordenadores para
un mellor desenvolvemento dos seus estudos, non só dentro do ámbito das aulas, senón tamén no
seu fogar, promovendo así o emprego das novas tecnoloxías da información e da comunicación
nos diferentes eidos da vida cotiá.
Á marxe destes compromisos, dende a Administración galega considérase un obxectivo fundamental
o apoio á educación non formal da mocidade como complementaria da educación regrada, para
contribuír á aprendizaxe permanente, incluso fóra das aulas, mediante a animación xuvenil e o uso das
novas tecnoloxías. Como vimos anteriormente, a educación regrada ten que vir acompañada dunha
formación transversal e dunha educación non regrada, ou tamén chamada informal, que facilite a conexión
entre o sistema educativo e a sociedade.
Este tipo de formación concrétase a través das medidas e actuacións relacionadas coas novas tecnoloxías,
igualdade de oportunidades, apoio ao uso da lingua galega, educación ambiental, educación
para o consumo, educación viaria, educación para a saúde, promoción cultural...
O III Plan estratéxico de xuventude, Xuventude 2013: unha estratexia para a mocidade galega, no seu
eixe primeiro e baixo a rúbrica de educación, incorpora todo o que, máis aló da formación regrada, se
vincula ao desenvolvemento das habilidades e capacidades complementarias ao desenvolvemento
persoal e social da xuventude, a través do emprego de recursos ou metodoloxías tamén complementarios
ao sistema educativo. Doutro xeito, pretender integrar a cantidade de actuacións que se dan para a regulación
do ensino e potenciación da súa calidade sería practicamente imposible, xa que estariamos a
entrar en ámbitos que dificultarían a súa incorporación ao plan. Non obstante, consideramos importante
destacar que, tal e como se desprende das verbas anteriores, entendemos o proceso educativo como