Plan Estratéxico de Xuventude 2010-2013 - Xuventude.net - Xunta ...

132
XUVENTUDE 2013:
UNHA EXTRATEXIA PARA A MOCIDADE GALEGA
8.5 EIXE 5: SAÚDE E DEPORTE
8.5.1 Introdución
III PLAN ESTRATÉXICO DE XUVENTUDE
A saúde (da palabra latina salus, que significa
‘salvación’), segundo a Organización Mundial
da Saúde, é o estado de completo benestar físico,
mental e social, e non só a ausencia de
infección ou enfermidades. O deporte (da palabra
latina disportare, que significa ‘subtraerse
ao traballo’) ou exercicio físico facilita a mellora
da función mental, a autonomía, a memoria,
a imaxe corporal e a sensación de benestar,
producíndose unha certa estabilidade persoal
e social.
A maioría da mocidade galega considera que
ten un bo estado de saúde; non obstante, aspectos
como o estrés, unha mala alimentación,
a falta de exercicio físico, o sexo sen protección,
o tabaco, o alcohol ou o consumo de
drogas poden facer que a súa saúde se debilite
tanto a curto como a longo prazo.
O Goberno da Xunta de Galicia, a través do
Sergas, establece co Plan de saúde un marco
de referencia de todas as actuacións neste ámbito,
co obxectivo da procura dunha saúde
óptima entre a cidadanía galega. Así mesmo,
existen plans integrais, como o Plan de Galicia
sobre Drogas, con especial incidencia na xu-
ventude, por constituír un grupo de especial risco no que a consumo de drogas se refire. Igualmente,
dende a Secretaría Xeral para o Deporte estase a perfilar o Plan galego para o fomento da actividade
física, Galicia Saudable, unha planificación integral, multidisciplinar e estratéxica para lle dar unha
resposta integral ao sobrepeso e ao sedentarismo, pensado para toda a poboación, dende a infancia,
pasando pola xuventude e ata os nosos maiores, xa que se considera que o deporte constitúe un
aspecto importante na mellora da calidade de vida na mocidade e é importante que mozos e mozas
dediquen unha parte do seu tempo libre e de lecer á realización de exercicio físico, que facilite o seu
benestar físico, psicolóxico e social.
Complementariamente a estes instrumentos, o III Plan estratéxico de xuventude, Xuventude
2013: unha estratexia para a mocidade galega, pretende achegarlle á mocidade unha educación
para a saúde baseada no fomento da práctica do deporte e relacionada con condutas responsables
cara ao seu propio benestar físico, psíquico e social, á vez que se establezan medidas formativas,
sociais e informativas acordes ás súas necesidades e demandas. Así, establécese a creación do Observatorio
da Práctica Deportiva e a Alimentación Saudable que permitirá sentar as bases que promovan
a posta en marcha dos mecanismos necesarios para mellorar a saúde física e psicolóxica da
mocidade, a través do fomento de hábitos de vida saudables e da promoción da actividade deportiva,
co fin de previr enfermidades como a obesidade, alteracións no sono, lesións, enfermidades crónicas,
problemas respiratorios...
O Goberno galego, a través dos centros Quérote, vai ampliar as liñas de traballo en relación coa
prevención, ofrecendo, ademais de información afectivo-sexual, a sensibilización noutros ámbitos
como a seguridade viaria, os trastornos da alimentación...
Dende a Administración apóstase pola realización dunha actuación coordinada dos profesionais
do ámbito da educación, dos servizos sanitarios e dos propios servizos dirixidos á mocidade, como
mecanismo que permita o fortalecemento mutuo das actuacións dirixidas á prevención e á promoción
de condutas e hábitos saudables, xa que se parte da premisa de que só dende unha sistemática de
actuación coordinada se poderá abordar de xeito integral, e con perspectiva de xénero, a problemática
de saúde xuvenil en materia de hábitos alimenticios, consumo de drogas e saúde sexual e reprodutiva,
fomentando o desenvolvemento de habilidades sociais e de autoestima.