Plan Estratéxico de Xuventude 2010-2013 - Xuventude.net - Xunta ...

4.- PRINCIPIOS REITORES
OIII Plan estratéxico de xuventude,
Xuventude 2013: unha estratexia
para a mocidade galega, en tanto
en canto se erixe como instrumento
regulador das políticas da Xunta de Galicia
no ámbito da xuventude, busca garantir
os dereitos da mocidade galega, desenvolver
a súa autonomía persoal e promover a súa
participación na vida social. Coa finalidade de
conseguir estes obxectivos, o plan baséase
en seis principios reitores complementarios:
información, integración e participación da
mocidade; promoción efectiva dos dereitos
de liberdade, igualdade e demais dereitos sociais;
discriminación positiva; coordinación e
colaboración; visión estratéxica e operatividade
e eficacia.
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
A continuación dáse conta do sentido que adquiren estes principios no conxunto do III Plan estratéxico
de xuventude, Xuventude 2013: unha estratexia para a mocidade galega.
4.1 INFORMACIÓN, INTEGRACIÓN E PARTICIPACIÓN DA MOCIDADE
A información é a base do coñecemento, propicia a integración da xente nova nun proxecto
común, que, en función da súa acollida, inspira a participación.
As motivacións do plan miran de fronte á mocidade, que esixe por dereito propio que as declaracións
de intencións teñan un reflexo visible das súas inquedanzas e reflictan a protección dos seus
dereitos. En coherencia, o plan incorpora como obxectivos estratéxicos a potenciación de canles
de comunicación e información xuvenil que favorezan a participación, en condicións de igualdade,
da xuventude nos eidos político, social, económico e cultural ou o aumento das posibilidades de
mobilidade xuvenil.
4.2 PROMOCIÓN EFECTIVA DOS DEREITOS DE LIbERDADE, IGUALDADE E DEMAIS
DEREITOS SOCIAIS
O equilibrio entre o exercicio da plena cidadanía e a autonomía persoal é a base na que se fundamenta
unha sociedade civil integradora.
O III Plan estratéxico de xuventude, Xuventude 2013: unha estratexia para a mocidade galega non
é alleo ás situacións de desigualdade e desequilibrio que afectan a xuventude no gozo dos seus dereitos.
Avalado polo texto constitucional, o Estatuto de autonomía de Galicia ou normativas específicas
que garanten dereitos concretos, como acontece coa Lei 3/2007 para a igualdade efectiva
entre mulleres e homes, que vela pola garantía do principio de igualdade efectiva entre ambos os
sexos, o plan incorpora de xeito transversal un enfoque integrador dende a planificación, execución
e avaliación das súas actividades para a promoción e pleno exercicio dos dereitos sociais da mocidade
galega.
51