Plan Estratéxico de Xuventude 2010-2013 - Xuventude.net - Xunta ...

1.- PRESENTACIÓN
Dende a Xunta de Galicia, en nome
do presidente da comunidade autónoma
e tamén en representación
da Consellería de Traballo e Benestar,
cómpre expresar a necesidade de reactivar
a operatividade da Comisión Interdepartamental
de Xuventude co propósito de pór en marcha
un novo plan estratéxico de xuventude
que abranga toda a lexislatura, xa que no plan
que se elaborou no ano 2004 non se considerou
a oportunidade de redefinir a política de
mocidade dende unha perspectiva global e interdepartamental.
É por iso que, ao sermos conscientes de que
a xente nova é o futuro de Galicia, debemos
favorecer a consolidación do protagonismo
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
deste colectivo na vida política, económica, social e cultural da nosa comunidade autónoma, facilitándolle
as condicións para o exercicio dunha cidadanía activa, tendo presente en todo momento
que lles corresponde aos poderes públicos instrumentar, fomentar e propiciar as condicións de
aprendizaxe, oportunidade e experiencia que aseguren e faciliten o desenvolvemento do seu coñecemento,
habilidades e competencias para xogar un papel activo tanto na sociedade civil como no
mercado de traballo.
Neste contexto, o novo plan estratéxico de xuventude, Xuventude 2013: unha estratexia para a
mocidade galega, eríxese, pois, como un compromiso deste goberno a prol dos máis de 534.661 1
mozos e mozas da Comunidade Autónoma galega, cara á consecución dun instrumento no que, material
e formalmente, se recollan as accións políticas da Xunta de Galicia dirixidas á mocidade.
Cómpre destacar aquí que este documento base non está pechado, este é un plan flexible, aberto
a alegacións e propostas de mellora, que pretende adaptarse á realidade de cada momento. Xuventude
2013: unha estratexia para a mocidade galega nace con capacidade de retroalimentación,
co fin de mellorar en si mesmo e de lles ofrecer aos mozos e mozas da nosa comunidade autónoma
unha resposta actualizada ás demandas cambiantes da sociedade. A través da Comisión Interdepartamental
vaise promover a actualización deste plan en tempo real e tendo en conta as achegas dos
diferentes axentes sociais implicados no seu desenvolvemento, dende agora mesmo ata o 2013.
Conceptualmente, a definición de mocidade como grupo de idade determinada é unha cuestión
que suscita discusión entre a meirande parte de sociólogos e expertos na materia, aínda que existan
condicións e comportamentos que, en función da idade, se lle poden atribuír a todo o grupo.
En termos xerais, a mocidade defínese tradicionalmente como unha etapa da vida, unha fase ou
ciclo vital con características máis ou menos específicas de preparación ao tránsito ao mundo adulto. 2
1. Fonte: nstituto Nacional de Estadística ( NE). 2009
2. Jóvenes, derechos y ciudadanía. Fundamentación teórica y análisis cualitativo de una nueva frontera
de derechos para los jóvenes
9