Plan Estratéxico de Xuventude 2010-2013 - Xuventude.net - Xunta ...

tualización de coñecementos e o intercambio
de información é constante. Isto leva consigo
que os sistemas educativos e formativos,
tanto no eido formal como non formal, teñan
que adaptarse constantemente ás necesidades,
prioridades e esixencias da sociedade.
Dende a Dirección Xeral de Xuventude e
Voluntariado, co fin de lle dar as mesmas
oportunidades a toda a xuventude, poñemos
en marcha unha serie de medidas encamiñadas
a favorecer o acceso á formación formal
e non formal e á actualización constante dos
coñecementos culturais, ambientais, tecnolóxicos,
democráticos, en hábitos saudables
e sociais, así como o establecemento de sistemas
de información accesibles a toda a mocidade
encamiñados a mellorar as súas condicións
persoais, sociais e laborais.
O sistema de información e formación artéllase
a través da Rede Galega de Información
e Documentación Xuvenil regulada no
artigo V do Decreto 50/2000, do 20 de xaneiro,
polo que se refunde e actualiza a normativa
vixente en materia de xuventude. Estrutura
de carácter territorial destinada a
coordinar os esforzos e iniciativas promovidas
polos organismos públicos e entidades
privadas sen ánimo de lucro, para a presta-
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
ción de servizos de información e asesoramento á mocidade galega. Esta rede está constituída
polos seguintes servizos:
> Centro Coordinador de Información: centro neurálxico da Rede Galega de Información e Documentación
Xuvenil, que forma parte da Rede Estatal de Centros de Información Xuvenil. Sitúase en Santiago
de Compostela e dende el distribúese a información aos diferentes servizos de información
xuvenil existentes en Galicia.
> Oficinas municipais de información xuvenil (OMIX): estrutura informativa de carácter municipal que
lle presta servizos de información á xente moza do seu concello. Na actualidade, a mocidade conta
con 255 OMIX distribuídas da seguinte forma nos concellos de Galicia: 81 concellos na Coruña, 52 en
Lugo, 67 en Ourense e 55 en Pontevedra.
> Puntos municipais de información xuvenil e puntos de información xuvenil: servizos de información
que poñen directamente á disposición do público materiais informativos derivados, na súa maioría,
do Centro Coordinador de Información ou das oficinas municipais.
Paralelamente á Rede Galega de Información e Documentación Xuvenil nace o Espazo Xove, Rede
Galega de Centros da Xuventude que conta con equipamentos e servizos adaptados ás demandas da
sociedade actual. O Goberno galego pretende, a través da posta en marcha desta rede, o desenvolvemento
dunha xestión integral e transversal dos diversos recursos e medios que, en materia de mocidade,
ten a Xunta de Galicia.
O Espazo Xove conta cos seguintes servizos:
> Oficina Territorial de Información Xuvenil: que contará cunha zona de emancipación diferenciada,
destacando as accións de vivenda (Aluga) e de traballo (Plan de emprego xuvenil).
> Celeiro de Creatividade: espazo destinado á promoción da creatividade xuvenil onde se dispoñerá
de espazos asociados ás novas tecnoloxías, zonas para desenvolver accións formativas, salas de exposición...
> Espazo Quérote +: programa de asesoramento integral en temas de sexualidade, drogodependencia,
imaxe corporal, condución responsable, acoso e convivencia (bulling), uso responsable das novas
tecnoloxías...
139