Plan Estratéxico de Xuventude 2010-2013 - Xuventude.net - Xunta ...

20
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
materia de xuventude 2010-2018, establecendo
como prioridade o emprego da mocidade.
As tarefas que se van desenvolver en materia
de xuventude durante a presidencia do trío
(España, Bélxica e Hungría) establecéronse ao
longo das reunións mantidas dende o ano
2008 ata o 2010. Como resultado destas elaborouse
un plan de traballo onde se establecen
as prioridades de traballo no contexto actual
e os obxectivos a longo prazo, así como
as cuestións concretas que abordará o Consello
da Unión Europea nos próximos 18 meses.
Cada un dos membros do trío adoptan un
tema específico para o seu período de mandato:
o tema de España é a inclusión social.
En relación con isto, na última reunión do Consello
(22 de abril de 2010), relativa á inclusión
activa da mocidade –loita contra o desemprego
e a pobreza–, determináronse os seguintes
obxectivos:
• Facilitar o acceso da mocidade ao mercado
laboral e ofrecer oportunidades de
maior seguridade no emprego en condicións
de non discriminación.
• Ofrecer un acceso mellorado a unha educación de calidade e facilitar unha transición sen obstáculos
ao mercado laboral dende a ensinanza e a formación profesional ou dende o desemprego
e a inactividade.
• Facilitar a conciliación da vida privada, familiar e laboral.
• Previr a pobreza e a exclusión social da mocidade, así como a perpetuación destes problemas
dunha xeración a outra.
Para iso márcanse dous ámbitos de actuación específicos, como son a educación e a formación e
o emprego e o espírito empresarial, aspectos que se ven recollidos no III Plan estratéxico de xuventude,
Xuventude 2013: unha estratexia para a mocidade galega, a través dos seus eixes de acción,
tanto de forma específica no eixe da educación, o emprego e a creatividade e espírito empresarial
como nas actuacións propias da Dirección Xeral de Xuventude e Voluntariado.