Plan Estratéxico de Xuventude 2010-2013 - Xuventude.net - Xunta ...

8.4 EIXE DE ACCIÓN 4: VIVENDA
8.4.1 Introdución
É deber das administracións favorecer o acceso
da cidadanía ao dereito, constitucionalmente
garantido, dunha vivenda digna e adecuada.
A xuventude é un dos grupos de poboación
con maiores dificultades para o acceso á vivenda,
motivadas por cuestións como a prolongación
do seu período de formación e a consecuente
incorporación máis tardía ao mercado
laboral, o que vai en detrimento das posibilidades
de independencia económica, condición
sine qua non o acceso á vivenda se complica.
Segundo os últimos datos ofrecidos polo Observatorio
Xove de Vivenda en España (OBJOVI),
a taxa de mozos e mozas galegos emancipados
(porcentaxe de persoas que viven fóra do fogar
de orixe respecto do total de persoas da súa
mesma idade) é unha das máis baixas do Estado,
só por diante de Cantabria e Asturias. Non obstante,
con respecto á media nacional, podemos
apreciar que, dende o ano 2007, se van acurtando
as distancias neste sentido.
Esta dificultade de acceso á vivenda por parte
da xente nova viuse acentuada pola evolución
dos prezos da vivenda que se produciu durante
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
os últimos anos, moi por encima da evolución xeral dos prezos e, sobre todo, dos salarios e do poder
adquisitivo.
A Xunta de Galicia levou a cabo, en relación coas políticas de acceso á vivenda, as seguintes accións:
• Rebaixa á metade dos impostos para lles facilitar o acceso á vivenda á mocidade e ás familias numerosas.
• Sinatura co Ministerio do Plan de vivenda 2009-2012, co que se prevé facilitarlle, á cidadanía en
xeral e á mocidade en particular, o acceso a unha vivenda digna a través da construción de novas
vivendas protexidas, por medio de axudas para a adquisición de vivendas ou para a rehabilitación
das xa existentes, así como a través do desenvolvemento de solo residencial destinado á construción
de vivenda protexida.
• Presentación do Plan Aluga, co que a Administración recuperará a xestión das axudas ao alugamento
con medios propios, reducindo á metade os custos de xestión e permitindo o alugamento de 4000
vivendas.
• Posta en marcha dunha serie de medidas fiscais en materia de vivenda consistentes en rebaixas selectivas
de impostos dirixidos principalmente a:
– Facilitar o acceso á vivenda
– Reactivar a actividade económica no sector inmobiliario.
O Goberno galego no desenvolvemento das súas políticas e programas ten presente que o horizonte
vital inmediato da xuventude se establece na emancipación, para iso tense presente tanto a importancia
da consecución dunha estabilidade laboral como a importancia de crear oportunidades reais de acceso
á vivenda. Con esta finalidade, preséntanse as medidas sinaladas anteriormente, así como a firme intención
de continuar traballando a prol do desenvolvemento de recursos e accións que permitan a
emancipación da mocidade galega.
Así, o III Plan estratéxico de xuventude, Xuventude 2013: unha estratexia para a mocidade galega, ten
presente o reto de ofrecer alternativas suficientes para que os mozos e mozas poidan ter un proxecto
autónomo de vida para unha efectiva emancipación, facilitando a súa mobilidade para o acceso a un
maior nivel de formación e a posibilidades de emprego, de acordo co seu proxecto persoal e profesional.
129