Plan Estratéxico de Xuventude 2010-2013 - Xuventude.net - Xunta ...

138
XUVENTUDE 2013:
UNHA EXTRATEXIA PARA A MOCIDADE GALEGA
EIXES ESPECÍFICOS: XUVENTUDE
E VOLUNTARIADO
III PLAN ESTRATÉXICO DE XUVENTUDE
A Dirección Xeral de Xuventude e Voluntariado
é o órgano directivo integrado na Consellería
de Traballo e Benestar que está encargado
de levar adiante todos aqueles programas e
proxectos destinados á mocidade galega.
É a responsable da política sobre o voluntariado
que se quere impulsar dende a Xunta de
Galicia, co obxectivo de deixar atrás antigos tópicos
sobre o voluntariado e que busca un novo
xeito de canalizar as aspiracións e a participación
de moitas mulleres e homes que desexan construír
unha sociedade galega máis xusta e harmoniosa.
Todas as accións realizadas dende esta dirección
son realizadas baixo tres premisas básicas:
a participación de toda a mocidade, a resposta
aos problemas reais da mocidade galega e a reformulación
do actual concepto de políticas de
voluntariado para adaptalo ás novas demandas
da sociedade.
O Decreto 335/2009, do 11 de xuño, polo que
se establece a estrutura orgánica da Consellería
de Traballo e Benestar, recoñece no seu artigo
35.1) a Dirección Xeral de Xuventude é Voluntariado
como o órgano directivo integrado na
Consellería de Traballo e Benestar a través da Secretaría Xeral de Familia e Benestar, atribuíndolle as seguintes
funcións:
• A xestión en coordinación coa Secretaría Xeral de Familia e Benestar das actuacións en materia de
xuventude, así como das políticas xuvenís de carácter interdepartamental e de apoio ao desenvolvemento
da actividade xuvenil, así como o fomento da participación da xuventude na vida social.
• Coordinar e supervisar o funcionamento dos centros, tanto propios como dependentes doutras
entidades, e prestarlle a asistencia técnica necesaria para o correcto desenvolvemento da súa actividade,
sen prexuízo da que lle corresponda a outros órganos do departamento.
• O fomento das relacións e da cooperación con outras comunidades autónomas e intercambios co
estranxeiro en materia de xuventude e dos programas de turismo para a mocidade.
• A xestión e funcionamento do Observatorio Galego da Xuventude.
• O seguimento na xestión da Rede Galega de Información e Documentación Xuvenil, a súa promoción
e desenvolvemento en coordinación con centros de información do Estado español e das comunidades
autónomas; a coordinación das funcións informativas e de documentación do conxunto dos
servizos da rede e a coordinación dos servizos prestados nas casas de xuventude propias.
• A xestión, en coordinación coa Secretaría Xeral de Familia e Benestar, das actuacións en materia de
voluntariado, a elaboración e o seguimento do Plan galego de fomento e promoción da acción voluntaria,
a xestión do sistema de rexistro autonómico das entidades de acción voluntaria e todas
aquelas segundo o disposto na Lei 3/2000, do 22 de decembro, do voluntariado de Galicia.
No exercicio das súas funcións, que lles son atribuídas por decreto á Dirección Xeral de Xuventude e
Voluntariado, o III Plan estratéxico de xuventude, Xuventude 2013: unha estratexia para a mocidade galega,
dedica os seus últimos eixes, pero non por iso menos importantes, ás medidas competenciais
propias desta dirección xeral.
8.6 EIXE 6: INFORMACIÓN E FORMACIÓN
8.6.1 Introdución
A información, a formación e a mocidade teñen un papel relevante nunha sociedade onde a ac-