Plan Estratéxico de Xuventude 2010-2013 - Xuventude.net - Xunta ...

16
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
- O título V regula a Comisión Interdepartamental
de Xuventude, que é o órgano colexiado
a quen lle compete conseguir unha
efectiva coordinación de programas e dos
departamentos da Administración autonómica
nas súas actuacións en materia de xuventude.
- O título VI recolle a normativa que regula a
Rede Galega de Documentación Xuvenil,
configurada como un servizo público para a
garantía do acceso á información da xuventude
galega, condición básica para a plena
participación deste colectivo na sociedade.
Na actualidade, estase a traballar no texto
do que será a futura lei de acción voluntaria
de Galicia. Non obstante, ata o momento, a
actividade do voluntariado social está regulada
pola Lei 3/2000, do 22 de decembro, do voluntariado
de Galicia (modificada posteriormente
pola Lei 3/2002, do 29 de abril, de medidas
de réxime fiscal e administrativo).
No ámbito dos plans e/ou programas, a Consellería
de Traballo e Benestar da Xunta de Galicia
vén de presentar o Plan de actuación social
de Galicia 2010-2013, e é a primeira vez que
un goberno galego pon en marcha un plan específico
pensado para a organización e o deseño
das políticas en materia social.
O Plan de actuación social de Galicia 2010-2013 desprégase mediante tres plans de actuacións
concretos:
- Aposta pola recuperación demográfica de Galicia. Busca a implicación de todo o Goberno
galego e da sociedade nun gran pacto pola recuperación demográfica de Galicia, a través de medidas
de impulso aos nacementos e da conciliación.
Así mesmo, indica as liñas que cómpre seguir para garantir unha posición activa da xuventude
como motor do futuro de Galicia. Neste sentido, o plan “aposta pola xuventude”, subscribe a visión
da Unión Europea para a mocidade: 3 investimento na xuventude e capacitación da xente nova,
sobre o cal sustenta a súa acción en cinco liñas xerais:
1.- Crear máis oportunidades para a mocidade na educación e no emprego.
2.- Mellorar o acceso á sociedade de toda a mocidade e a súa plena participación nela.
3.- Potenciar a solidariedade mutua entre a sociedade e a xente moza.
4.- Mellorar a calidade de vida da mocidade galega.
5.- Fortalecer os instrumentos de xestión.
Articula, así mesmo, as súas accións en tres eixes estratéxicos:
• Eixe estratéxico 1: correspóndese co cometido que nos ocupa, é dicir, o deseño e posta en
marcha do plan estratéxico de xuventude, Xuventude 2013: unha estratexia para a mocidade
galega
• Eixe estratéxico 2: desenvolvemento da Rede Territorial de Servizos para a Xuventude.
• Eixe estratéxico 3: impulso das políticas transversais de xuventude.
- Plan de promoción e atención ao benestar das persoas (Plan de benestar). O seu obxectivo é
articular unha resposta áxil, organizada, eficaz e adecuada ás necesidades das persoas, atendendo
á súa prevención e á súa atención. O plan recolle sete ámbitos: infancia e adolescencia, familia,
xuventude, promoción da autonomía persoal, atención a persoas con dependencia, colectivos
3. Unha extratexia da UE para a xuventude: investimento e capacitación. Un método aberto de coordinación renovado para
abordar os desafíos e as oportunidades da mocidade. Comunicación da Comisión ao Consello, ao Parlamento Europeo e
ao Comité das Rexións. Comisión das Comunidades Europeas, Bruxelas 27.04.2009. com (2009) 200 final