Plan Estratéxico de Xuventude 2010-2013 - Xuventude.net - Xunta ...

60
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
ILUSTRACIÓN 5.2 - Clasificación das principais institucións e ou organismos, de distintos niveis territoriais,
con competencias nas materias relacionadas coa xuventude
a) NIVEL TERRITORIAL: AUTONÓMICO
INSTITUCIÓN / ORGANISMO FUNCIÓNS / COMPETENCIAS
Comisión Interdepartamental de Xuventude Regulada polo Decreto 50/2000, do 20 de xaneiro, polo que se refunde e actualiza da normativa
vixente en materia de xuventude, é o órgano colexiado a quen lle compete conseguir unha efectiva
coordinación de programas e dos departamentos da Administración autonómica nas súas actuacións
en materia de xuventude.
Segundo se establece no artigo 113 do referido decreto, son funcións propias da comisión as seguintes:
- O estudo, análise e informe dos problemas da mocidade galega.
- A elaboración de propostas para o Plan integral de xuventude.
- A coordinación e avaliación das actuacións relacionadas coa mocidade.
- O estudo dos proxectos e disposicións normativas relacionadas coa mocidade.
- Promover a articulación de accións para a mocidade. O fomento das actuacións dirixidas á
prestación de servizos á mocidade.
- Cantas outras actuacións lle encomenden as disposicións legais ou a Xunta de Galicia.
Adscrita actualmente á Consellería de Traballo e Benestar e presidida polo presidente da Xunta de
Galicia, a composición da comisión pode consultarse na “Ilustración 5.3 Composición da Comisión”
que se presenta deseguido.
Xunta de Galicia. Dirección Xeral de
Xuventude e Voluntariado (DXXV)
É o órgano directivo integrado na Consellería de Traballo e Benestar a través da Secretaría Xeral de
Familia e Benestar, que está encargado de levar adiante todos aqueles programas e proxectos
destinados á mocidade galega. Así mesmo, tamén é a responsable da política sobre o voluntariado que
se quere impulsar dende a Xunta de Galicia.