Plan Estratéxico de Xuventude 2010-2013 - Xuventude.net - Xunta ...

172
XUVENTUDE 2013:
UNHA EXTRATEXIA PARA A MOCIDADE GALEGA
8.9 EIXE 9: MObILIDADE
8.9.1 Introdución
III PLAN ESTRATÉXICO DE XUVENTUDE
A mobilidade é unha oportunidade de ampliar
os coñecementos sobre outros idiomas, culturas
e métodos de traballo, favorecendo a innovación
no posto de traballo e unha maior flexibilidade
e adaptación cara ao emprego e o desenvolvemento
persoal.
Para facilitar a participación da mocidade en
programas de mobilidade, é importante o apoio
conxunto entre as institucións públicas e outros
organismos que teñan relación coas persoas
novas. Isto acádase coa posta en marcha de diferentes
medidas encamiñadas a cumprir coas
demandas e expectativas dos mozos e mozas
en materia de mobilidade.
En relación coa mobilidade, a Fundación Galicia
Europa e a Dirección Xeral de Xuventude e
Voluntariado, en colaboración co Instituto Portugués
da Xuventude e a Consellería de Educación
e Ordenación Universitaria, realizaron unha
consulta sobre o Libro Verde da Comisión Europea
Fomentar a mobilidade na formación dos
mozos e mozas. Desta consulta podemos resaltar
os seguintes retos que atopamos para potenciar
a mobilidade entre a mocidade:
1. Informar de maneira clara, concisa e diná-
mica, facendo uso das redes sociais para difundir a información e a través da organización de workshops,
debates, sesións informativas...
2.- Recoñecer a mobilidade por parte do mundo empresarial, fomentando a relación universidadeempresa
e estruturando os novos graos cunha orientación cara á mobilidade.
3.- Transmitir as experiencias de mobilidade, a través de redes de apoio, que permitan unha maior
acollida dos mozos e mozas.
4.- Solucionar os atrancos burocráticos relacionados coas normativas de cada un dos países, os
permisos de viaxe...
5.- Fomentar o coñecemento de idiomas e apoiar programas de mobilidade non formal.
6.- Facer que os recursos financeiros sexan máis dispoñibles e áxiles.
7.- Incentivar a titorización e facer un seguimento e valorización da titorización.
8.- Fomentar a mobilidade non formal entre os máis desfavorecidos (sen recursos económicos, mobilidade
reducida, deficiencias cognitivas e/ou físicas, inmigrantes...).
9.- Solucionar os problemas de validación ou recoñecemento das aprendizaxes formais e non formais.
10.- Animar o sector empresarial a solicitar Extended Erasmus Charter.
11.- Fomentar a participación en diferentes programas que posibilitan a aprendizaxe ao longo de toda
a vida como, por exemplo, e-Twinning (intercambios virtuais), shadowjobs (compartir o traballo
de dúas persoas de dous países diferentes)...
Co fin de afrontar estes retos, tanto Galicia como o Norte de Portugal, dende hai uns anos, están a
participar e fomentar programas de cooperación transfronteiriza ao abeiro dos fondos estruturais
como, por exemplo, o Espazo Xuvenil.
Ademais, a Xunta de Galicia trata de poñer Europa ao alcance da mocidade galega a través da posta
en marcha de medidas e recursos deseñados e orientados para este colectivo. Tal posibilidade ábrese
coa oferta de programas que permiten as estadías no estranxeiro, a posibilidade de prácticas laborais
en países estranxeiros, os intercambios para o coñecemento de novas linguas e o establecemento de
lazos e relacións que enriquecen as experiencias vitais da xente nova, a través da participación da mocidade
galega en programas europeos como: