Plan Estratéxico de Xuventude 2010-2013 - Xuventude.net - Xunta ...

140
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
> Zona.Net: espazos dotados cos medios técnicos
(coa colaboración da Secretaría Xeral
de Modernización e Innovación) para a formación
e manexo de recursos relacionados
coas novas tecnoloxías.
> Programa de animación. Programa de dinamización
xuvenil que fomentará a participación
e potenciará a información xuvenil
entre a mocidade.
A través do desenvolvemento destes programas
preténdese acadar os seguintes obxectivos:
1.- Facer máis visibles as políticas en materia
de xuventude de todos os departamentos
da Xunta de Galicia, poñendo en valor recursos
públicos xa existentes ao vinculalos
a un territorio máis amplo.
2.- Traballar a creatividade, as novas tecnoloxías
e a participación xuvenil como ferramentas
para conseguir unha maior implicación
da mocidade.
3.- Facer dos espazos Quérote + un servizo
de asesoramento integral, ampliando a súa
oferta dunha a seis temáticas e achegando
as súas prestacións de sete a dezaoito oficinas.
4.- Poñer en marcha un programa de dinamización
transversal, que promova activida-
des e actuacións en materia de xuventude, incidindo nas que teñan como obxectivo a educación
non formal a través da información e da participación.
Para poder achegar os ditos servizos á mocidade galega, cóntase coas seguintes instalacións:
> Centro Xuvenil LUG: situado en Lugo.
> Casas da xuventude nos concellos de Noia, Carballo, Betanzos, Pontedeume, Curtis, Viveiro, Vilalba,
Chantada, Ourense, Lalín, Vilagarcía e Tui.
> Espazo Quérote +: este espazo busca asesorar a toda a mocidade galega naqueles temas do seu interese,
ofrecendo información sobre bulling, drogas, novas tecnoloxías, afectivo-sexual, imaxe corporal
ou seguridade viaria. Atópanse en Santiago de Compostela, Lugo, Ourense, Burela, Vigo,
Ferrol, A Coruña, na súa maioría integrados nas casas da xuventude. As vilas de Noia, Carballo, Betanzos,
Pontedeume, Curtis, Viveiro, Vilalba, Chantada, Lalín, Vilagarcía e Tui en breve tamén contarán
con este servizo.
> Oficinas transfronteirizas de Tui e Verín.
> Oficinas de información xuvenil da Dirección Xeral da Xuventude.
De especial relevancia neste punto é a posta en marcha do programa de acceso ás novas tecnoloxías
que vai fomentar a adquisición de ordenadores e a conexión de banda ancha para que a mocidade faga
uso das novas tecnoloxías tanto no terreo estudantil ou laboral como no uso diario, aumentando as
súas competencias neste ámbito.
Noutra orde de cousas, dende o Goberno galego estase a desenvolver a tramitación e aprobación
parlamentaria da Lei de xuventude, co fin de establecer un novo marco lexislativo máis acorde e
adaptado ás novas necesidades da xuventude, mediante a execución eficaz das políticas integrais
relativas á mocidade.