Plan Estratéxico de Xuventude 2010-2013 - Xuventude.net - Xunta ...

5.- ÁMbITO DE APLICACIÓN
OIII Plan estratéxico de xuventude,
Xuventude 2013: unha estratexia
para a mocidade galega, resulta de
aplicación a dous ámbitos que podemos
clasificar en:
- Ámbito de aplicación prioritaria ou primaria
- Ámbito de aplicación secundaria
Con ámbito de aplicación prioritaria ou primaria
estamos a referirnos ao colectivo de persoas
destinatarias directas do plan e as súas
accións: a mocidade ou, para ser máis exactos,
falaremos das mocidades, recalcando a heteroxeneidade
deste colectivo. Pola súa banda,
o ámbito de aplicación secundaria fai referencia
a aqueles grupos de persoas ou institucións
que, pola súa natureza, están vinculadas á xuventude
e, por extensión, tamén poden con-
XUVENTUDE 2013:
UNHA EXTRATEXIA PARA A MOCIDADE GALEGA
III PLAN ESTRATÉXICO DE XUVENTUDE
siderarse beneficiarios do plan, dada a súa relación directa con este colectivo: estamos a referirnos
aos/ás profesionais que acotío están a traballar a prol da xuventude e ás institucións ou organizacións
que, nos distintos niveis territoriais, loitan pola defensa dos dereitos da xente nova, así como pola
promoción de maiores oportunidades en todas as áreas que afectan o proxecto vital da mocidade.
A continuación pasamos a afondar, de xeito extenso, nas características definitorias de cada un
dos ámbitos de aplicación do III Plan estratéxico de xuventude, Xuventude 2013: unha estratexia
para a mocidade galega, previamente sinalados.
A) ÁMbITO DE APLICACIÓN PRIORITARIA OU PRIMARIA
O ámbito de aplicación prioritaria ou primaria do plan vén dado pola mocidade, pero... que é a mocidade
ou quen é a xente nova? Existen diferentes perspectivas dende as cales podemos dar unha
definición ou clasificación do que é a mocidade. Por exemplo, as Nacións Unidas definiron a xuventude,
dende un punto de vista cronolóxico, como a idade que vai dende os 14 aos 25 anos, entre outras.
Non obstante, existen outras clasificacións que sitúan a xente moza entre os 14 e os 29 anos ou entre
os 14 e os 30 anos. Por outra banda, dende outras perspectivas que non se limiten á idade, a xuventude
pode clasificarse ou definirse como:
- Unha etapa de desenvolvemento afectada por grandes cambios físicos e psicolóxicos.
- Unha fase de integración social, como a etapa relacionada coa formación e o ingreso no mundo
laboral e na cal a xente nova se involucra como axente social activo.
- Un dato sociodemográfico, como unha forma de clasificar a sociedade por grupos (nenos e nenas,
xente nova, persoas adultas e persoas maiores).
Con carácter xeral e polo que respecta ao ámbito de aplicación do plan e as súas medidas, entenderase
por mocidade as persoas físicas comprendidas nun intervalo de idade entre os 14 e os 30
anos, 4 sen prexuízo das especificacións que poidan realizarse para cada programa ou actuación concreta.
É precisamente esta diferenciación o que nos vai levar a imprimir un pequeno matiz no que se
4. Segundo a normativa en vigor na Comunidade Autónoma galega, considérase xuventude a poboación de ata 30 anos (De
creto 50/2000, do 20 de xaneiro).
57