Descarga en formato PDF (9,4 MB) - Centro Ramón Piñeiro para a ...

A formación do modelo nacionalista da historia en Irlanda. 1845-1881
323
veces proclamados no vello xornal que un día dirixira sobre a necesidade de superar
as barreiras da diversidade relixiosa no país e integrar os membros todos da sociedade
nunha única nación, sinalando o compromiso no servizo a Irlanda –quer dicir, a
asunción das posicións políticas nacionalistas– como o só requisito, imprescindible
e suficiente, para gozar da condición da nacionalidade. 432 Repite así a teima dos
Young Irelanders de acoller os que non profesan a fe católica na nación, aínda que
xa se viu ata que punto constituía unha posición enganosa, que agachaba, baixo a
retórica integradora, a esixencia de renunciar a poboación non católica ás súas
tradicións culturais e mesmo á súa propia historia, en canto os protestantes irlandeses,
como comunidade, eran presentados como os responsables inmediatos do mantemento
da opresión que padecían os católicos do país, figurados estes como os nacionais
orixinarios, aqueles que non precisan de ningún engadido máis como confirmación
dunha identidade irlandesa que se lles dá por suposta.
Conserva Duffy, ademais dos seus principios ideolóxicos esenciais, a fe da
Young Ireland na efectividade do labor educativo como motor primeiro da
transformación emancipadora do país, como amosan as abundantes referencias á
teimosía coa que aquel movemento traballara no seu propósito de difusión das
ideas nacionalizadoras, en canto a educación, en por si, se lles figuraba ós seus
compoñentes como o mellor instrumento para a consecución da liberdade. 433 Tantos
anos despois, sentíndose continuador daquel nobre esforzo no que participara
activamente na súa mocidade, 434 aínda considera Duffy que o primeiro paso para
a liberación de Irlanda debe consistir na recuperación da propia estima e na
asunción do espírito da nacionalidade polos propios irlandeses, desbotando os
estereotipos creados por séculos de deformación interesada por parte dos
dominadores ingleses, tan efectivos na súa tarefa como para convencer da
veracidade das súas imposturas ós mesmos que eran ridiculizados por elas. 435
432 “Ireland must aim to be Irish, not Anglo-Irish; [...]. But Irish non longer mean Celtic; from whatever
stock they sprung, Celtic, Norman, or Saxon, if men loved and served the country they were Irish”.
Charles Gavan Duffy, Young Ireland, pp. 155-6.
433 “Let them get knowledge; knowledge and tyranny could not long exist together. [...] Educate that you may
be free”, reafirmaba Duffy as palabras do Nation e lembraba que o grupo desempeñara a transcendental
tarefa buscando o auténtico senso da palabra educación: “This pursuit of knowledge was incited not
with the zeal of a schoolmaster but with the fervour of a lover”. Charles Gavan Duffy, Young Ireland,
p. 156.
434 “If the fate of the nations depends on the education of the young, Davis and his friends were engaged
in no ignoble task”. Charles Gavan Duffy, Young Ireland, p. 676.
435 “These habits and practices told fatally on the people themselves. Sayings circulated among them which
accepted the assumption of their enemies that they were an inferior race, such as ‘an Irishman must
have leave to speak twice’ [...]. They greatly misjudged themselves. [...] they only saw their visage in
the mirror presented by their enemies”. Charles Gavan Duffy, Young Ireland, pp. 71-2.