Descarga en formato PDF (9,4 MB) - Centro Ramón Piñeiro para a ...

522 A nacionalización do pasado irlandés, 1845-1937
de España, e do seu enorme faro, que miraba cara á Gran Bretaña, e dos que dicían
que Irlanda estaba no camiño entre aquela e a península Ibérica, a cal, á súa vez,
era visible desde o promonto rio surirlandés xunto á desembo cadura do río Scena:
Bregon/Breogan –que parece ser un nome verdadeiro irlandés– queda relacionado,
así, con Brigan tia; Irlanda é visible desde esta –pois está máis próxima a ela que
Gran Bretaña, que el interpretara que se podía ver desde España; e a viaxe termina
en “Inbhear Scéine”, lugar inexistente na realidade, que MacNeill di que non é
senón a tradución do ostium Scenae orosia no. 755 A conclu sión non pode ser outra
que a falsidade do relato: “The fact is that the whole story of the origin of the Gaels
in Scythia or in Armenia, their wanderings by land and sea, their settlement in
Spain, and their landing in Ireland, is an artificial product of the schools, and does
not represent a primitive tradition. It must have displaced the popular tradi tion”. 756
En canto ás datas da chegada da raza milesia, que o relato converte no pobo
que domina de modo lexítimo o enteiro espazo irlandés, MacNeill somete á crítica
a fixación da antigüidade da súa presenza na illa. A tendencia, segundo cre, foi a
levar cara a atrás no tempo a colonización nas sucesivas re-escrituras, co dobre
obxectivo de reforzar o prestixio de Tara e de achegar a tradición irlandesa o máis
posible á cronoloxía bíblica. 757 En consecuen cia, debe atribuírse a condición de
poemas históricos máis antigos a aqueles que establezan unha fecha máis tardía
para esta chegada fundacio nal, que oscila, segundo as versións, entre os puntos
extremos do século IV a.C. e do século XVI a.C. A datación que se xeneralizaría,
a que sitúa o acontecemento 1.600 anos máis alá da Era cristiá, sería, polo tanto,
a última das propostas, revelando este distanciamento temporal progresivo a
consolida ción da doutrina central que inspira desde un principio a formulación da
narración.
Aínda máis, MacNeill cuestiona dun modo completo a tradición da raza de
Mil, ó negar a realidade da chegada á illa dun pobo coas súas características. Se
ben na primeira redacción dos artigos que despois recolle ría en Celtic Ireland
sostiña a tese da existencia dunha colonización céltica desde Gran Bretaña,
coinciden te coa ocupación da gran illa veciña polos exércitos de Roma, e que
relacionaría coa chegada fabulada na forma milesia, pronto se apartaría dela. 758
755 PIH, pp. 93-5.
756 PIH, p. 95. A xenuína tradición nativa das orixes dos gáelicos cre MacNeill que podería ser unha que os
considerase os descendentes dunha raza divina (os Tuatha Dé Danaan) chegada a Irlanda desde o norte
europeo.
757 CI, p. 36.
758 “ This hypothesis of a very Celtic colony or group of colonies, to which I thought to attach the story of Mil
and the spurious name ‘Milesian’, I have long known and professed to be untenable. [...] Apart from the
‘Milesian’ thesis, worthy to be forgotten [...]”. CI, “Preface”, p. XIII.