Descarga en formato PDF (9,4 MB) - Centro Ramón Piñeiro para a ...

A fixación do relato histórico nacionalista. 1886-1937
539
non coinciden con outros relatos tradicionais posteriores. Nunha pasaxe que non
cre posterior ó século VIII, aparecen os Fir Bolg como un pobo que, sen abandonar
Irlanda, exportaba terra da illa en recipien tes de coiro cara a Oriente, onde os
gregos a estendían en torno ás súas cidades como protección contra os réptiles
velenosos. Segundo as noticias que MacNeill extrae do texto non publicado de
Mac Fir Bhisigh [sic], este “Bag-folk” era só unha parte da antiga poboación
precéltica. Pero pensa que hai probas abundantes de que a denomina ción fose
xeneralizada despois da conquista a todos os pobos non gaélicos, quizais como
modo de amosar desprezo por eles, dado que a manufactura destas bolsas para
cargar terra polas que eran identificados non debía de ser unha actividade moi ben
considerada. 819
MacNeill obtén noticias dun conxunto de grupos de poboación precélti ca
recorrendo a outras fontes de información, as da tradición literaria da época
heroica. 820 Trátase de comunidades que, neste caso, perdurarían como tales
seguindo outro tipo de profe sións máis nobres, como sucedía coas que se dedicaban
ó traballo das armas. Entre elas, selecciona os Tuath Tabhairn, tribo á que a
tradición facía pertencer ó heroe Cu Chulainn, ou a dos Fir Domhnann, da que
formaba parte o seu nobre rival no relato épico do Ulster, Fear Diadh, grupo que
tamén aparece entre os debedores de tributos na relación antes citada. Esta tamén
nomea os Luaighni, dos que lembra MacNeill que no Tain constitúen a principal
forza militar dos reis de Leinster e que no relato da revolta dos pobos vasalos
contra a opresión da nobreza gaélica, antes citado, proporcionan o líder que se
convertería en rei de Irlanda durante dúas décadas. Nesta mesma orde, cítanse os
galios (“Galians”), loados como “espléndidos soldados”, dos que os contos épicos
destacan a bravura en diversas ocasións, e que tamén aparecen citados nas relacións
de comunidades sometidas. Desta estirpe son os heroes Fionn, Oisin e Oscar.
E aínda recolle o autor nomes doutra serie de castas definidas pola ocupación
dos seus membros, relacionadas co arado, co carro, coa herba, coa balanza, coa
liñaza, etc. 821 En todos estes casos, así como nos anteriores, da enumeración que
se fai non se deprende con claridade que fosen considerados por MacNeill todos
eles como descen dentes de pobos diferenciados xa no período precélti co. Os seus
escritos manteñen unha certa ambigüidade a este respecto, sen precisar se o que
el chama “sistema de castas” non constitúe senón unha especialización posterior
819 Di MacNeill que “it was probably out of contempt that the name Fir Bolg was extended to the whole
conquered population by the Celtic ascendancy”. PIH, p. 78.
820 PIH, pp. 79-82.
821 PIH, p. 82.