ud#37 (25847)

№37 (25847)
18 2020-тӥ ар 24-тӥ куарусён
Удмурт школьникъёслэн проектъёссыя офис
«Вуко» воштэ улонэз
Кызьы арня куспын
нылпиосты проект
гожтыны дышетоно?
Кызьы малпанэз улонэ
пыӵатоно? Тодмотэм
адямиосын кусып тупатоно?
Табере ваньзэ
тае тодо «Вуко» проектной
школае пыриськем
нылпиос.
Сюлмаськытӥсь
юанъёс
«Вуко» школа ортчиз 30-тӥ
гудырикошконысен 6-тӥ куарусёнозь
«Ёлочка» лагерьын.
Элькунысь 40 усто нылпиос,
конкурс пыр ортчыса, сюризы
татчы проектирование
сярысь выль тодон-валан
басьтыны. Пиналъёс вуизы
Ижкарысь, Глазовысь, Шаркан,
Алнаш, Дэри, Можга, Кез,
Пичи Пурга, Кияса, Вавож
ёросъёсысь.
Сменаез радъязы Ижысь
Кузебай Герд нимо гимназия,
Удмурт школьникъёслэн проектъёссыя
офис, юрттӥзы Удмуртиысь
Дышетонъя но наукая
министерство, Россиысь
егитъёслэн ужъёссыя агентство
(«Росмолодёжь»).
Мар со проект, али вераны
кулэ ӧвӧл ни. Нош пуштроссэ
валаны, ужпумъёссэ пуктыны,
ужан амалъёссэ тодыны
сыӵе ик капчи ӧвӧл. Со понна
мургес но, паськытгес но
учконо, малпаськоно. Проект
гожъяны дышетӥз Удмурт
Алнаш ёросысь Туймыйылысь Н. Пронев компьютерен
суредаськыны дышетске.
школьникъёслэн проектъёссыя
офислэн кивалтӥсез
Юлия Шахтина.
Нылпиос 6 командалы
люкиськизы, котькудӥз аслаз
проектэз бордын ужаз. Нылпиослэн
сюлмаськонъёссы
трос. Удмурт кылэз утён понна
соос малпазы виртуальной
удмурт алфавит. Удмуртилэн
культураеныз но историеныз
тодматскон понна нылпиослэн
ӝӧк выл шудон лэсьтэмзы
потӥз. Гуртын жуг-жаг медаз
куялэ шуыса, ортчытысалзы
стрит-арт акция.
Али батарейкаосты, нимаз
люкаса, переработкае келяны
луэ ке но, тросэз озьы уг каро,
нош батарейкаос, инкуазез
изъянтыса, костасько. Соин
нылпиос малпазы анимационной
видеоос лэсьтыны,
отын верамын, кызьы батарейкалы
2-тӥ улон сётоно. Та
югдур туж сюлмаськытэ Алнаш
ёросысь Туймыйыл гуртысь
Николай Проневез. Огаз
занятиын кулэ вал проектлэн
проблематикаез сярысь вотэс
бамъёсы пост дасяны. Колялэн
гожъякуз синкылиез ик вияз:
«Мон — батарейка. Монэ
куштӥзы музъем вылэ, бордысьтым
радиация вӧлмыны
кутскиз. Мыным вӧсь. Мон
пичи дырысеным малпасько
вал 2-тӥ улонэ сярысь. Нош
Туспуктӥз Наталья КЛАБУКОВА
пияш, кин дорын мон улӥ,
куштӥз монэ яблокпу улэ.
Мынам уз лу ни 2-тӥ улонэ…»
Нылпиос психологиен но
тунсыкъясько. Быдэ вуыны
кутскемъёслы куддыр секыт
луэ асьсэдыз шонер дунъяны,
валаны, мар соослэн потэ,
мар соослы кельше. Команда
малпаз тренингъёс, пумиськонъёс
ортчытъяны. Озьы
ик школаосын вӧлме исаськон,
ултӥян. Пиналъёслэн
возьматэмзы потӥз, маин ке
пӧртэм луись адямиосты курлано
ӧвӧл шуыса. Та темаез
басьтӥз Шаркан ёросысь Пороз
гуртысь Роман Горбушин.
— Мон трос лагерьёсы
ветлӥ ни, проектъёс гожъяй,
эшъёс шедьтылӥ, — вераз
Рома. — Татчы но шедьыны
мылкыды туж бадӟым вал,
малы ке шуоно проектлэн
кивалтӥсез Юлия Шахтина
куке но дышетон семинарен
ёросамы вуылӥз, мон
соку туж бурдъяськи. Лагерьын
туж трос дышетскимы,
ужамы, но мон жадёнэз ӧй
шӧдылы. Эшъёсын шулдыръяськыны
но вуимы. Али ваньмы
гуртъёсамы бертӥмы ни,
но ог-огенымы кусыпмес ӧм
ыштэ.
Вераськыны
быгатоно
Радъям-дасям проект сярысь
адямиослы ивортоно.
Спонсор, партнёр утчано.
Ӵапак со понна копирайтингъя
занятиосын мон
пиналъёсты дышетӥ шонер
но чебер текстъёс гожъяны,
тодматӥ SMM-менед жментэн.
Графической дизайнъя
урокъёсын пиналъёс Марина
Степановаен ӵош суредаськизы
компьютерной программаосын,
лэсьтӥзы ло готипъёс.
«Визуализация» ӧрын
видеоос лэсьтылӥзы, проектъёслы
видеопрезентация
дасязы. Талы дышетӥз Вадим
Крестьянинов.
Нош партнёръёсын но
спонсоръёсын одӥг кыл шедьтыны
пиналъёс дышетскизы
деловой шудон пыр.
Мастер-классъёс, шудонъёс,
удмурт мифологияя
квест нылпиослэсь дуннезэс
узырмытӥзы.
Гуртазы тэк уг пуко
Сменалэн пумаз быръемын
вал 12 мыло-кыдо нылпиос.
Соос пырозы Удмурт
школьникъёслэн проектъёссыя
офислэн резерваз. Быгатозы
кун но федерал проектъёсын
но программаосын
ужаны.
Смена быриз, нош уж —
ӧз на. Гуртъёсазы бертыса,
нылпиос проектъёссэс улонэ
пыӵатыны кутскизы. Со сярысь
вотэсын гожто.
________
Наталья КЛАБУКОВА
Мылкыдъёс
«Дистанционка» кышкатэ
Выль дышетскон ар кутскиз. Ӝыны ар доразы дышетскемзы
бере егитъёс нош вамыштӥзы кин школае, кин университетэ.
Кыӵе меда соослэн мылкыдъёссы?
Удмурт кун университетысь Историяя но социологияя институтысь
4-тӥ курсын дышетскись Евгений Бадретдинов:
________
— Университетын дышетсконлэсь туж мӧзми. «Дистанционка»,
мон малпамъя, самообразование выллем вал. Дышетӥсь
вераку, материалэз умойгес валаськод, нош ачид дась лекциез
лыдӟиськод ке, информация лад-лад йыре уг пуксьы.
Куд-ог дышетӥсьёс сокем трос дорысь уж сётъязы! Ми огзэ
лэсьтыса ум вуттӥське на, нош милемлы выльзэ сёто ни.
Али параосын ваньмы маскаосын пукиськомы. Мон талы
пумит ӧвӧл, тазалык понна сюлмаськоно. Нош ик «дистанционкае»
выжеме уг поты.
Ижысь медициная колледжысь 1-тӥ курсын дышетскись
Екатерина Эркишева:
________
— Коронавирусэн сэрен кылдэм югдур али но ӧз тупатскы
на. Субботаосы дистанционно дышетскиськомы. Туж трос
гожъяськоно луэ. Куд-ог дыръя быдэс нунал гожъяськыса
гинэ ортче. Шуг темаос воксё валатэк кылё. Нош классын
дышетскыса, практической заданиос быдэсъяса, ваньмыз
умойгес йыре пыре.
Алнаш черкогуртысь 10-тӥ классын дышетскись
Елизавета Корнева:
________
— Кылем дышетскон арлэн пумыз мыным туж секыт потӥз,
уката шуг, вӧзад валась, юрттӥсь мурт ӧвӧл ке. Трос дорысь
уж сётъязы, быдэс нуналъёсын дышетскыса пукылӥ кадь,
нош куд-ог нуналъёсы номыр лэсьтоно ӧй вал. Со но урод
потэ вал: котькуд нунал огвыллем мед радъяськоз кадь. Умой
— милемлы ОГЭ сётоно ӧз луы.
Кузебай Герд нимо гимназиысь 10-тӥ классын дышетскись
Кристина Чернова:
________
— «Дистанционка» мон понна шӧдтэк шорысь кылдӥз. Трос
пӧртэм ужрадъёсы пыриськылэменым сэрен мыным сотэк но
потэ вал, ӵош дышетскись эшъёсылэсь бере кылисько шуыса,
нош дорын дышетскон эшшо но секыт луиз. Малы ке но шуген
сётӥське вал математика, нош урокъёсын мыным со капчи
потылӥз. Собере веразы: 9-тӥ классэз йылпумъясьёслы экзамен
сётоно ӧвӧл. Мон пумозяз талы ӧй оскы, ялан дасяськи.
Туж оскисько, туэ таӵе шуг-секытъёсын ум пумиське ни
шуыса, мынам эшшо огпол «дистанционка» пыр ортчеме уг
поты.
________
Анна ЧЕРНОВА