11 от 25 марта 2021 (25872)

№11 (25872)
18 2021-тӥ ар 25-тӥ южтолэзь
«Шунды» огазеяськон
Шутэтсконо ӧвӧл — ужано!
«Шунды» огазеяськон 2
ар ӵоже ужамезлы йылпумъян
лэсьтон, выль
тӧро быръён конференцизэ
радъя. Таяз толэзе
ортчиз 16-тӥез таӵе
ужрад. «Шунды» усьтӥз
историезлэсь выль
бамзэ.
Культура но
политика
10-тӥ мартэ Эшъяськон
юртэ быдэс элькунысьтымы
«шундыос» люкаськизы, вуизы
Татарстанын улӥсь удмурт
егитъёс но.
Конференциез мытыса,
2018-тӥ-2021-тӥ аръёсы огазеяськонлэн
улон-вылонэз
сярысь вераз солэн тӧроез
Алина Чернова.
— Жаляса верано, пандемиен
сэрен 2020-тӥ армы
бездыт луиз, — вераз Алина
Чернова, — «Шунды» — со,
нырысь ик, улэп пумиськонъёс,
кенешонъёс, шулдыръяськонъёс.
Озьы ке но,
кызьы быгатӥмы, кусып возимы,
проектъёсмес онлайн
ортчытыны тыршимы.
Та аръёсы уж нуиськиз,
2018-тӥ арын кутэм резолюция
вылэ пыкъяськыса.
Озьы «Шунды» тыршиз
ужаны ёросъёсын: гуртъёсы
«Лаборатория Шунды» проект
потаз, Шаркан ёросысь
Зар-Вишур гуртын ортчылӥз
«Эру» шулдыръяськон, элькун
Гербер улсын шулдыртӥз
«Шундэктон» площадка,
ужась егитъёс понна Воткинск
котырын радъяськиз
«Юр-яр» турслёт...
Со сяна, егитъёс палэнын
улӥсь удмуртъёсын, финугор
ӵыжы-выжыосынымы
кусып возизы: Башкириын
ортчылӥсь «Усточикар» лагерьлэсь
ужзэ азьланьтӥзы,
Киров улосвылысь удмурт
выжыысь пиналъёсын
пумиськылӥзы, фин-угор
студентъёслэн калыккуспо
«Шунды» огазеяськонлэн выль кивалтӥсез В. Крестьянинов (шорысез)
но выль правление.
ИФУСКО конференциязы
пыриськизы.
Ӧз ыше арлы быдэ
радъяськылӥсь проектъёс:
«Шундыкар», «Тулкым», «Вамыш»,
«Егит тулкым» лагерьёс,
«Шудком» визьбур
шудон, «Шундыкуара» вожвылъяськон.
«Шунды» огазеяськонлэн
Можга ёросысь ёзэтэз
кылдытӥз удмурт модалы
сӥзем «Чильтыр-вальтыр»
школа. Отын кӧня ке толэзь
ӵоже дизайнеръёс, вуриськисьёс
уно тодон-валан
басьтӥзы, ог-огзылы дӥськут
коллекциоссэс возьматӥзы.
— Аслам улонэ «Шунды»
огазеяськонэн юн
герӟаськемын бере, удмурт
егитъёсын пумиськонъёс
мыным туж дуно пото, —
конференциын вераз «Удмурт
Кенеш» огазеяськонлэн
тӧроез, Кун Кенешысь
депутат Татьяна Ишматова.
— Шумпотымон, культура
удысын трос проектъёсты
улонэ пыӵало шуыса. Но
потэ, асьме егитъёс политикае
но мед кыстӥськозы,
бадӟым ужпумъёсты сэрттыны-пертчыны
вырозы. Соку
«Шундылэн» но, «Удмурт
Кенешлэн» но ужзы трослы
пайдаё луоз.
Воргорон кивалтоз
Алина Чернова ас интыяз
ӵектӥз Вадим Крестьяниновез.
Тросэзлы со тодмо
Chukinder (Чукиндэр) ӝӧк
выл шудонъёсты лэсьтэменыз.
2016-тӥ арысен ини
Вадим «Шунды» огазеяськонлэн
правленияз пыре,
пӧртэм проектъёсты улонэ
пыӵатэ.
Люкаськем калык Вадимлы
дурбасьтӥз.
— Шутэтсконо ӧвӧл — ужано,
— вераз Вадим, — туннэ
конференциын шараяськем
Туспуктӥз Марина СТЕПАНОВА
мылкыдъёсты лыдэ басьтомы,
соосъя ужаны кутскомы.
Тыршомы ӵемгес ёросъёсы
поталляны, гуртъёсын
туала удмурт лулчеберетэз
возьматыны. Йырам трос
малпанъёс пӧзё, малпасько
матысь 2 аре «Шунды» выль
проектъёсын узырмоз.
Вадимлы юрттоз командаез
— «Шундылэн» выль
правлениез. Отчы пыризы
пӧртэм ёросъёсысь егитъёс,
вузъёсысь но ссузъёсысь студентъёс.
— «Шундылэн» правленияз
пырыны дэмлазы но,
мон кема ик ӧй малпаськы,
— вераз УдГУ-ысь Удмурт
кылосбуръя, финно-угроведениея
но журналистикая
институтысь Елизавета
Кожевникова, — «Шунды»
огазеяськонлэн огаз проектаз
ке но пыриськылэмед
вань ке, огазеяськон соку ик
сюлмад кыле. Шумпотӥсько
но, кышкасько но: егитъёсын
ужан — со бадӟым кыл
кутон. Юртто «Шундылы»
ваньмыныз, маин быгато.
Выль малпанъёс
вордскозы
— «Шунды» — со бренд,
сое котькытын тодо, соин
ик секыт валаны, мар бордын
эшшо ужано, кыӵе выль
амалъёс малпано на, — вераз
йӧскалык политикая
министр Лариса Буранова.
— Оскеме потэ, туннэ кенешыса
«Шунды» азяз трос
выль ужпумъёс пуктоз.
Мар бордын ужалоз
«Шунды» матысь дыре? Та
сярысь кенешизы конференцилэн
2-тӥ люкетаз. Удмурт
егитъёс шуг-секытъёссэс
сэрттӥзы-пертчизы Йӧскалык
политикая министерствоысь
ӧнерчиен Юлия
Шахтинаен ӵош. Татын
вордӥськем малпанъёсты
лыдэ басьтыса, правление
программа кылдытоз, огазеяськонлэн
ёросъёсысь
ёзэтъёсыныз ӵош сое улонэ
пыӵатоз.
Кылсярысь, чакламын
ёросъ ёсты огазеясь проектъёс
ты улонэ пыӵатыны, «Артэкспедициез»
улӟытыны.
Озьы ик «Шунды» огазеяськонлэсь
ёрос ёзэтъёсызлэсь
лыдзэс будэтыны,
городъёсысь студентъёс
пон на но ячейкаос усьтыны.
«Шундылэн» выль правлениез
пусъе, мукет удмурт
огазеяськонъёсын кусып
юн гес возёно, валче проектъёс
кылдытъяно шуыса.
Егитъёс мӧзмыны вуизы
фин-угор ужрадъёслэсь но,
ӵыжы-выжыосынымы пумиськылыса,
ог-огмылэсь
дышетскиськомы но, ужаны
мылкыдмы но эшшо лӧптэ,
пе.
________
Мария ЕМЕЛЬЯНОВА
Арт-резиденция
Крезьгуран тыметэ зымозы
«Мурдала» крезьгуро лаборатория
— Ижкарысь
Арт-резиденцилэн выль
проектэз.
Со юрттоз егит удмурт
крезьгурчиослы асьсэ творчествозэс
азинтыны, ас туссэс
шедьтыны. Ӵектослэн кураторез
Дарали Лели верамъя,
проект кыстӥськоз 27-тӥ инвожоозь:
Егитъёслэн нуналазы
выль кырӟанъёс бадӟым
концертын чузъяськыны кулэ.
Арт-резиденцилэн Novart фестиваляз
котькуд ар удмурт
люкетэз луылэ. Кылем арын
ужрадэ пыриськизы Дарья Никитина
но Кирилл Кириллов,
post-dukes группа, Фин-угор
шаман оркестр. Туэ Ижкарысь
учкисьёс выль удмурт нимъёсты
возьмало.
«Мурдала» — со крезьгуран
тыметэ, удмурт сямйылолэ
зымон. Соин ик
радъясьёс эстрадалэсь палэнскыны
тыршо, андеграунд
пала кыстӥсько. Тымет но
заводъёс асьме крезьгурмес
мукет шӧмо каризы: городын
кылдӥз аспӧртэм, «технической»,
крезьгур. Туала кар
удмурт кырӟанлэсь но туссэ,
мылкыдзэ воштэ.
«Мурдалае» пыриськозы ог
10-15 коллективъёс но нимаз
артистъёс. Проект ӵоже соос
асьсэ образзэс-туссэс шедьтыны,
социальной вотэсын бам
усьтыны, нимзэс тодмо карыны
кулэ, выль кырӟан гожтозы.
Нош тужгес но устоосыз ӵыжвыль
клип поттозы. Валтӥсь
кузьым — бадӟым сцена вылын
кырӟаны луонлык.
Проектлы кулэ пӧртэм егит
ӧнерчиос: кылбурчиос, композиторъёс-аранжировщикъёс,
клип лэсьтӥсьёс, дӥськут вурисьёс,
туспуктӥсьёс, визажистъёс,
хореографъёс... Озьы
гинэ ӟеч емыш пӧрмоз. Егитъёс
заявкаоссэс «ВКонтактеысь»
Murdala.lab баме 1-тӥ оштолэзёзь
келяны быгато.
Заявкаос каллен вуо ни.
Кылсярысь, Денис Максимов
shoozymade но Marie Danic кемалась
Арт-резиденцилэн проектъёсаз
пырисько ни, «Юмок»
театре ветлэмын, «Мурдалае»
но лыктэмзы потӥз. Ульяна
Климкина «Шунды» огазеяськонлэн
ёзчиез луэ, Наталия
Сильвестрова «Чипчирган» ансамбле
ветлэ.
________
Резеда АРТАНОВА