11 от 25 марта 2021 (25872)

udmdunne.ru
+7 951 195 37 65
Книга ӝажы
УДМУРТЛЫК
№11 (25872)
2021-тӥ ар 25-тӥ южтолэзь 29
Медаз ышы пичи принц
Дуннеысь литератураысь
произведениос
пӧлысь ичиез гинэ удмурт
кылэ берыктэмын.
Та нуналъёсы удмурт литература
узырмиз эшшо
одӥг книгаен — «Удмуртия»
издательство удмурт кылын
поттӥз Антуан де Сент-
Экзюперилэсь «Маленький
принц» повесть-сказказэ.
Со нырысьсэ поттэмын
вал 1943-тӥ арын Нью-
Йоркын англи но француз
кылъёсын. Нош удмурт кылэ
1989-тӥ арын берыктӥз писатель
Николай Байтеряков.
Печатласькиз со «Дась лу!»
газетын. Нош али ини нимаз
книгаен поттыны юрттӥз
Швейцариысь Лозанна городысь
коллекционер Жан-
Марк Пробст — со уксё висъяз
1 сюрс 500 экземплярлы. Одӥг
гинэ курон пуктӥз: та книгаез
вӧлмытоно дунтэк, мед луоз
со нимаз адямиос киын но,
шаерысьтымы библиотекаосын
но. Н. Байтеряковлэсь
берыктэмзэ электрон амалэ
выжтӥз но тупатъяз Москваысь
венгер культурая центрысь
валтӥсь специалист,
удмурт кылъя курсъёсты нуись
Ольга Урасинова.
«Пичи принц» книгаен
тодматскон ортчиз Удмурт
кун университетлэн библиотекаяз.
Отчы люкаськизы
студентъёс, университетысь
О. Урасинова тодматэ А. Сент-Экзюперилэн
«Пичи принц» книгаеныз.
дышетӥсьёс, тодосчиос, удмурт
литератураен тунсыкъяськисьёс.
— Зэмзэ вераса, «Пичи
принц» книга — пандемилэн
емышез, — ужрадэз усьтыса,
шуиз О. Урасинова. — Мыным
гожъяны кутскизы дуннелэн
пӧртэм сэрегъёсысьтыз
адямиос, удмурт кылэн
тунсыкъяськисьёс. Пӧлазы
вал Жан-Марк Пробст но. Кытысь
ке шедьтэм «Дась лу!»
газетлэсь «Пичи принцен»
бамъёссэ — соослэсь туспуктэмъёссэс
(скан). Ойдолэ, пе,
сое нимаз книгаен поттом.
Жан-Марк Пробст дуннеысь
тужгес узыр 3 коллекционеръёс
пӧлы пыре. Солэн
Туспуктӥз Максим ЕГОРОВ
коллекцияз утиське 5 сюрс
839 книга — со ваньмыз Антуан
де Сент-Экзюперилэн
пӧртэм кылъёсын «Пичи
принц» произведениез.
— Туэ мыным 65 арес тырмоз.
Политикаын но бергай,
ужбергатонэн но выри, — шуиз
Жан-Марк Пробст видеотрансляциын.
— 25 арескам
дуннеез котыръяно кариськи.
Япониын одӥг киоскысь
синйылтӥ япон кылын «Пичи
принцез». Та ик луиз коллекциысьтым
нырысетӥ книгае.
Та бӧрсьы мукет кылын потэмъёссэ
но люканы кутски.
Жан-Марк Пробстлэн
юрттэменыз «Пичи принц»
поттэмын ни 27 кылын, 28-
тӥез луиз удмурт кыл. Нош
ваньзэ-ӧвӧлзэ та произведение
поттэмын 455 калыкъёслэн
кылъёсынызы.
— Кылем арын якут кылын
поттӥм. Туэ бурятъёс печатланы
чаклало. Азьланяз Пасха
шормуӵысь но Амазониын
улӥсьёслэн кылъёсынызы
поттыны малпаськом, — шуиз
коллекционер.
Ма бордын «Пичи принцлэн»
кужымез, маин со ас
бордаз кыске пӧртэм вакытъёсысь
лыдӟисьёсты?
Библия бӧрсьы со тужгес
лыдӟымон книга луэ. Жан-
Марк Пробст шуэ: Пичи
принц пӧртэм лэчыт юанъёс
пуктэ, но одӥгезлы но меӵак
валэктон уг сёты, Антуан де
Сент-Экзюпери лыдӟисьлы
малпаськыны сюрес гинэ
возьматэ.
— Николай Байтеряков но
Антуан де Сент-Экзюпери
кыкназы но оже пыриськемын.
Малпасько, соослэн
дунне, яратон, улон шоры
учконъёссы огкадесь, муресь
вал. Жаляса верано,
«Удмуртия» издательствоын
туэ нылпиослы одӥг книга
но (чеберлыко литература)
поттыны чакламын ӧвӧл.
Жан-Марк Пробст кадь ӟеч
сюлэмо адямиослэн юрттэмзы
туж иназ. Антуан де Сент-
Экзюпери книгаезлы суредъёс
ачиз лэсьтӥз вал. Соос ик
пыризы ми дорын поттэм
книгае но. Но уката но ӟечгес
луысал, книгаысь суредъёс
калык шӧмо луысалзы
ке. Шуом, удмурт дэремен
принц. Якутъёслэн, шуом,
якут дӥсен, — мылкыдзэ
усьтӥз «Удмуртия» книгапоттоннилэн
кивалтӥсез Юрий
Кузнецов.
Ужрадэз йылпумъяса, Ольга
Урасинова сӥзиз: пушкысьтымы
медаз ышы пичи принц
— арлыд люкамъя но мед
быгатомы покчи мурт кадь
шумпотыны, улонысь чеберзэ
адӟыны, нош кулэ дыръяз, сюлэм
курыку, пичи мурт кадь
бӧрдыны…
________
Елена НИКИТИНА
Фотомарафон
Вакытлэн тусыз — туспуктэмын
Балезино ёросысь Кернюра гуртысь А. Корепанова,
1969-тӥ ар. Туспуктэмез келяз Л. Князева.
«Удмурт нылкышно.
XX даур» фотомарафонлы
йылпумъянъёс
лэсьтэмын. Кыӵе ёросъёсысь
вуэм туспуктэмъёс
тужгес но вырӟытӥзы
мылкыдэз но сюлэмез?
Фотомарафонэ 230 вашкала
туспуктэм вуиз. Котькудаз
шӧдӥське вакытлэн
шокамез, удмурт нылкышнолэн
воштӥськемез. Соку ик
пусъёмы, марафон — со конкурс
ӧвӧл. Угось вашкала туспуктэмъёс
пӧлысь туж секыт
бырйыны тужгес тунсыкозэ,
вакытэз ӟеч возьматӥсьсэ. Со
кулэ но ӧвӧл, дыр.
Шумпотӥськом, фотомарафонлы
луыса тросгес
адямиос асьсэ историенызы,
выжыенызы тунсыкъяськыны
кутскизы. Кин ке кинлэн
ке вашкала пуктэм фотографиысьтыз
тодмаз аслэсьтыз
пичи дыр эшъёссэ, ӵыжывыжыоссэ,
нош кин ке — егит
дыръяз анайзэ.
Нимысьтыз тау кариськом
марафонэ пыриськем библиотекаослы:
Балезино ёросысь
Маркогуртысь (Эркешево),
Пичи Пурга ёросысь Учаысь
(Ильинское), Абдэс-Урдэсысь,
Яр ёросысь Юдчиысь, Ува ёросысь
Жужгесысь, Кизнер ёросысь
Безменшурысь. Шумпотымон,
тӥ гуртлэсь историзэ
туспуктэмъёс пыр утиськоды
шуыса!
Тау кареммы потэ культурая
юртъёслы но. Тужгес но
мыло-кыдо пыриськизы Шарканысь,
та ёросысь ик Вортча,
Эгра ёросысь Лозолюк, Ува
ёросысь Жужгес, Чистостем
гуртъёсысь культура юртъёс.
Озьы ик пусйысалмы Эгра
ёросысь Алевтина Молчановичез,
Диана Шкляеваез,
Шаркан ёросысь Надежда
Перевощиковаез, Вавож ёросысь
Лариса Зайцеваез, Нэлли
Поповаез, Гракысь Нина
Пономарёваез, Сьӧлта ёросысь
Маргарита Трофимоваез,
Ижысь Ира Ивановаез,
Ксения Собинаез, Ольга Александроваез,
Кияса палъёсысь
Нина Андрияноваез, Людмила
Коконоваез, Кизнерысь Людмила
Щербаковаез, Глазовысь
Марина Наговицынаез, Сюмси
ёросысь Людмила Банкееваез
но трос мукетъёссэ.
«Удмурт нылкышно. XX
даур» фотомарафон мартозь
гинэ чакламын вал. Но,
калыклэсь мылкыдзэ лыдэ
басьтыса, малпамы сое эшшо
нуйтыны. Озьыен, кин ӧз вутты
на ортчем дауре лэсьтэм
тунсыко туспуктэмъёссэ пуктыны,
эн сюлмаське. Пуктэ
соосты «ВКонтакте» вотэсысь
асьтэ бамады. Со сяна, келялэ
«Удмурт нылкышно кенеш»
группае. Вань вуэм фотографиосты
пуктом группаямы
усьтэм нимысьтыз альбоме.
Та альбоме ик люкамын ни
марафонэ ыстэм вань туспуктэмъёс.
________
Елена МИННИГАРАЕВА