11 от 25 марта 2021 (25872)

№11 (25872)
2 2021-тӥ ар 25-тӥ южтолэзь
УЖРАДЪЁС
«Крым тулыс»
Италмас но кечсин сяськаос
огазьын
Крымез Россиен огазеям
дырысен 7 ар тырмонлы
сӥзем ужрадъёс Удмуртиын
арня ӵоже ортчизы.
2014-тӥ арын Крымын
Россиен огазеяськон сярысь
референдум ортчиз.
18-тӥ мартэ Россилэн Президентэз
В. Путин Крым
Россилэн огез улосэз луиз
шуыса документ гожтӥз.
Та нуналэз пусйыса, вань
мылкыд карисьёсты ӧтемын
вал вотэс бамъёсазы Крымын
шутэтскемзы сярысь #УдмуртияВКрыму
хештег улсын туспуктэмъёссэс
поттыны. Озьы
ик ялэмын вал Крым сярысь
кылбуръёс, произведениосысь
люкетъёсты лыдӟонъя
марафон. Лыдӟемез, видео
гожтыса, Интернетэ интыяны
дэмламын вал. Та сяна, тодмо
путешественникъёс, блогеръёс
Крыметӥ ортчемзы сярысь
веразы, уксёез шыръян
амалъёсынызы тодматӥзы.
Ужрадъёс борды итӥськизы
«Крым тулыс» фестиваль ортчиз
Ижысь Киров нимо паркын.
шаерысьтымы кафеос но ресторанъёс.
Отын Крым сиёнюонъёсын
гусъяськыны луиз.
Спорт
Пиос келязы, нылъёс вормизы
Шутэтскон нуналъёсы
Ижын ортчиз Россиысь
Геройлы Ильфат Закировлы
сӥзем 15-тӥез
дзюдоя первенство.
Нюръяськыны вуизы 25
улосъёсысь 400 пала 2005-тӥ
— 2007-тӥ аръёсы вордӥськем
спортсменъёс. Ӵошатскон
И. Закировлы юнме шорысь
сӥземын ӧй вал. Ильфат Индулисович
дзюдоя спортъя мастере
кандидат вал. Но та удысын
трос вормонъёс басьтыны
солы ӧз кылды — чечен войнае
кошкиз. 2000-тӥ арын март
толэзе, боевикъёслэсь опорной
пунктсэс пазьгыкуз, зол
сӧсырмиз. Озьы ке но кужым
шедьтӥз на тушмонъёсты
ыбылыны но эшъёссэ утьыны.
Та кышкыт учыр нокинлэсь
но сюлэмзэ вырӟытытэк
ӧз кельты: И. Закировлы Россиысь
Герой ним сётӥзы, солэсь
нимзэ нуллэ Ижысь урам
но 55 номеро школа. 2004-тӥ
арысен шаерамы ортчылыны
кутскизы та ожгарчилы сӥзем
ӵошатсконъёс.
Первенство быдэс нунал
кыстӥськиз «Планета спорта»
комплексын. Кин отчы вуыны
ӧз быгаты, ӵошатсконэз
Интернетын меӵак эфир пыр
Ижын ортчиз дзюдоя ӵошатскон.
учкиз. Удмуртилэн Тӧроезлэн
но Правительстволэн администрациенызы
кивалтӥсь,
шаерысьтымы Дзюдоя федерацилэн
кенешезлэн тӧроез
Сергей Смирнов люкаськемъёслы
вазиськиз:
— Та ужрад юрттэ егитъёслы
Атыкай музъемез
яратон мылкыд пыӵатыны.
Пиналъёс адӟем каро ожгарчиослэсь.
Нош соос туннэ,
жаляса верано, тросэз улэпесь
ӧвӧл ини. Соин ик пиналъёсмы
геройёсты йыразы
мед возёзы. Соос кадь ик
йӧноесь но кужмоесь луыны
мед тыршозы.
udmurt.ru
Туспуктӥз Ольга КОРЕПАНОВА
Арняез йылпумъяса,
Ижысь Киров нимо паркын
20-тӥ мартэ «Крым тулыс» фестиваль
ортчиз. Отчы пыриськиз
1 сюрслэсь ятыр адями. Соослы
шулдыр мылкыд кузьмаз
кырӟанъя но эктонъя «Италмас»
ансамбль. Со быдэстӥз
«Россия», «Ах, судьба», «Пумиськон
вальс», «Шедьтӥ
шудме» кырӟанъёсты, калыкез
эктытӥз такмакъёс улсын.
Сцена вылэ «италмасъёс»
юнме шорысь ӧз потэ: италмас
Удмуртилэн пусэз луэ,
нош Крымлэн — кечсин.
Люкаськем калык мыло-кыдо
пыриськиз Крым
сярысь юалляськонэ. Кылсярысь,
кыӵе киноос пуктэмын
отын, Крымысь потэм рокгруппа
но мукет.
Озьы ик кырӟаз «Шпроты»
коллектив, концертэз йылпумъяз
«Эктоника» группа.
Паркын нунал ӵоже радъямын
вал эктонъя ӵошатскон,
лымы вылын суредаськон,
нылпиос пӧлын хоккеен шудон
но мукет.
________
Сергей ЗАХАРОВ
50 килограммъем пиос
пӧлын «тушмонъёссэ» тыпыр-тапыр
погыръяз Нурлан
Исатаев. Пичи батырлы синмаськизы
ваньзы. Огъёзъёсыз
шуизы: та пияш — тыл, жадёнэз
уг вала, одӥг ӵошатсконысь
но медальтэк уг берты.
— Дзюдо сярысь мон номыр
но уг тодӥськы вал, — шуэ Нурлан.
— Но папае, телевизорысь
сюжетъёсты учкыса, гожтӥз
та секцие. Озьы дзюдо борды
сюлмыным но, мугорыным но
бурми. Валай, та удыс — мынам.
Берло дыре сюрес вылысь
уг пыраськы — ваньзэ-ӧвӧлзэ
100-лэсь ятыр ӵошатсконъёсы
пыриськылӥ ни. Сюлэмам
тужгес но кылиз Италия. Рим
город чебер вылэм, медале но
тузӥ вал — 1-тӥ интые потӥ.
Жаляса верано, Удмуртиысь
пиослы та ужрадын ӧз
удалты. Медаль басьтӥз Вотка
городысь Дмитрий Хвостов
гинэ. 90 килограмм категориын
3-тӥ луиз. Со понна
нылъёс шумпоттӥзы. Ваньзы
— Полина Исакина, Анна Колотова,
Анфиса Филатова, Валерия
Ермакова — туй медаль
басьтӥзы.
________
Ольга КОРЕПАНОВА
Дуннеын
Огкылэ ӧз вуэ
США-ысь Аляска
штатын пумиськылӥзы
Китайлэн
но США-лэн
делегациоссы.
Кенешизы Гонконг
город-кун пумысен:
отын бугыръяськонъёсты
ӝутӥсьёсты но
Китайлэн политикаезлы
пумит мынӥсьёсты табере
кыл кутонэ кыскыны
быгато. Таин сэрен США
Китайлы пумит санкциоссэ
юнматӥз вал.
Пекин соосты быдтыны
куриз. Но Аляскаын та
пумысен огкылэ вуыны
ӧз кылды.
________
Россиын
Капчиятонъёс
кулэсмизы
1-тӥ апрельысен
пыӵамысь дугдозы
пандемиен йырин
кутэм куд-ог капчиятонъёс.
Ужтэк кылемъёс учётэ
султыны уз быгатэ ни
онлайн амалэн: калыкез
уже интыянъя ёзъёсы
асьсэлы лыктоно луоз.
65 ареслэсь ортчем
ужась пенсионеръёслы
самоизоляциын пукон
понна больничной уз
сётӥськы ни. «Кредитъёсъя
каникул» программа
но йылпумъяське
— пунэмъёсты пытсанэз
берлолы кельтыны уз
луы ни.
________
Удмуртиын
Инкуазь
чылкыталоз
17 муниципал
кылдытэтъёслэсь
43 куриськон вуиз
свалкаосты быдтон
пумысен.
Инкуазез утёнъя но
инкуазь узырлыкъёсъя
министерство соос
пӧлысь бырйиз 23-зэ:
жуг-жаг куян интыосты
туэ быдтозы 10 ёросъёсын
— утялтэмын луоз
21 гектар музъем. Талы
висъяськоз 36 миллион
400 сюрс манет. Тужгес
трос свалкаос чылкытатэмын
луозы Каракулино
ёросын — 5, озьы ик
Алнаш палъёсын — 4,
Вотка но Дэри ёросъёсын
— быдэн 3.
«Экология» нацпроект
шаерамы 2 ар пыӵатозь,
быдтэмын ни 145 свалкаос.