36 от 15 сентября 2022 (25948)

№36 (25948)
№36 (25948)
10 ТӦР ШОРЫН
ТӦР ШОРЫН
23
2022-тӥ ар 15-тӥ куарусён
2022-тӥ ар 15-тӥ куарусён
udmdunne.ru
+7 951 195 37 65
94 пиналлэн анаез
Надежда Иванова.
Элькунамы искусствоосъя нылпи школа-интернат кылдэм
дырысен туэ 35 ар тырме. Берло 13 арзэ соин кивалтэ Надежда
ИВАНОВА. Пыдлось гуртъёсысь удмурт усточи нылпиосты
утча-вае, соослы та улонын сюрес усьтэ. Со сяна,
Удмурт кун университетын удмурт фольклор сярысь лекциос
лыдӟе. Йылолъёсты эскерон но историе кельтон вылысь
ёросъёсы экспедициосы пота. Надежда Иванова — музыковед-фольклорист,
искусствоведениея кандидат, Удмуртиысь
культура удысысь дано ужась. Ӟеч кадръёсты будэтэмез
понна уно таукаронъёсын но грамотаосын пусъемын.
— Надежда Петровна, кин
тӥледыз, Ижын будэм муртэ,
удмуртлык пала берыктӥз?
— Удмурт калык. Ижын
улӥмы ке но, мамае-папае куспазы
удмурт сямен вераськемысь
ӧз дугдылэ. Монэн но
сузэреным ӟуче выжылӥзы, городын
милемлы капчигес мед
луоз шуыса. Но каникулъёсты,
шутэтскон нуналъёсты ми Ува
но Вавож ёросъёсысь песянайёсмы
дӥньын ортчытъямы.
Ӵемгес — Ува-Тукляын. Вераськем
потэ, нош кыл уг мыны.
Урамысь нылпиос пӧлын, ӝыт
пуконъёс дыръя арлыдоосын
ӵош анай кылмес, культурамес,
йылолъёсты сюлэмам пыӵатӥ.
Ми дорысь куноос ноку ӧз бырылэ
— кырӟанъёсын, мадёсъёсын
пӧлэстӥськем шулдыр вакытъёс
вал со. Папа ачиз но туж
чебер кырӟалляз. Со тепловозын
машинист луыса ужалляз, мама
бухгалтер вал, кыксы но улонэз
мур валаллязы. Жаляса верано,
вазь кошкизы. Аръёс ортчемъя
золгес валаськод: уг тырмо.
— Куке малпады-а, улон вапумдэс
крезьгурен герӟалоды
шуыса?
— Мон весь шуисько вал: врач
луо. Но мамаен папа монэ крезьгуръя
школае келязы. Папалэн
туж потэ вал, мон пианиноен
шудыны мед дышетско шуыса.
Но школаын воксё но та инструментсы
ӧй вал, озьы монэ хоре
гожтӥзы. Мамалы, папалы пумит
уд мыны — калыклэсь кепыранме
пушкам зӥби но кырӟаны
кутски. Ачим но ӧй вала крезьгурез
яратыны кутскемме. Крезьгуръя
школаез йылпумъякум,
шуак малпай: кызьы мон табере
гуръёстэк? Крезьгуръя колледже
пыроно кариськи. Тае тодыса,
папа вожомыса ик шуиз: экзаменъёстэ
сётыны медад быгаты.
Врач, пе, луод. Но мынам калыкез
крезьгурен эмъяме потӥз.
Колледжез горд дипломен
йылпумъяй. Кытчы табере? Казане,
Екатеринбурге?.. Петрозаводскысь
консерваториын финугор
фольклористъёсты люкало
шуыса кылӥ. Сумкаме бичай
но отчы шонтӥ. Вуи но городлы
синмаськи. Консерваторие
пыри капчиен. Петрозаводске
сюрыса, фин-угор дуннеысь
ачим кадь студентъёсын пумиськыса,
уката но дунъяны
кутски удмурт луэмме, культурамес,
крезьгуръёсмес. Асме
но дунъяны ӧдъяй. Ӝыныез
дышетӥсьёсмы Санкт-Петербургысь
вал. Соос ик наука котыре
монэ кыскизы. Дышетскытозям
нылпи но вайыса вуттӥ.
Мыным паймо вал, кызьы тон
табере дышетскод? Вормо,
котьмае вутто, шуи. Картэ но
Ува-Тукляысь Петрозаводске
лыктӥз. Мон дышетскыкум, со
утиськылӥз, нош уйёсы ужалляз.
Москваысь Гнесинъёслэн
музыкая академиязы аспирантураын
тодон-валанме муромытыкум
но, картэ зол юрттӥз.
Гуртъёсысь сям-йылолъёсты
эскерыса, экспедициосы ӵем
поталляй. Гуртъёсын сюресъёс
ӧй вал, нюлэс ворттӥсьёс сьӧры
но куриськылӥсько вал. Зуркыт,
ачим кӧто. Но котькуд гуртын
песянайёс капчи сюлэмын пумиталлязы.
Соос монэн котьку
шара вал. Соин ик диссертациме
но дыраз гожтыны быгатӥ.
Нялтас вераса, пиналъёсы
пичиысен крезьгур дуннеын
будӥзы. Пие ас вакытаз ветлӥз
«Италмас» ансамбль бордысь
эктон школае. Ижысь техникая
кун университетэз йылпумъяса,
лэсьтӥськон удысэ кошкиз — папаезлэн
сюрестӥз. Нылы — виолончелист,
солы мынам яратонэ
паласькиз.
— Сомында тодон-валанэн
берытскем муртлы котькыӵе
ӧсъёс усьтӥськемын вал,
дыр...
— Культурая министерствоысь
кадръёсъя специалист Алевтина
Русских монэ весь чакласа
возиз. Со ик, оло, улон сюресме
но радъяз. Огпол кабинетаз ӧтиз
министр Аверьян Христофоров,
министерствое ужаны ӧтиз.
Отын 5 ар ӵоже ужан мон понна
бадӟым опыт люкан вал. Вань
культурая учреждениосын тодматски,
ужзэс радъяны юрттылӥ.
Нош школа-интернатэз кутыны
курыса, кема сюлворизы. Азьвылэз
директор Нина Михайловна
Устюгова весь шуэ вал: тӥледлы,
Надежда Петровна, мон интые
лыктоно, тӥляд пӧрмоз. Оло аслым
осконэ юнмамын ӧй вал на,
оло пиналъёсы пичиесь вал на,
нырысь пумит луи. Школа-интернатын
90-лэсь ятыр нылпиос,
соос понна кыл кутон бадӟым, соослы
саклык но тросгес кулэ, асладъёсызлы
сярысь. Министерствоын
уже но кельшылӥз. 2-3
ар ортчыса гинэ, валай: дась ни.
Школа-интернат син азьысьтым
ӧз ышылы: солэсь ужзэ радъян-чаклан
понна кыл кутылӥ,
собраниосазы ветлылӥ, документъёссэс
нуыны юрттылӥ.
Вань ужасьёсты, дышетӥсьёсты
тодӥсько вал ни. Соин директоре
пуксьыны соглаш луи.
Ми али ке но со командаен
ик ужаськомы. Ваньзы ас ужзэс
умой тодо. Зэм, кин ке сомында
ар ӵоже пенсие но кошкыса
вуттӥз ни...
— Мар бордысен кутскиды
уждэс?
— Октябре лыктӥ, нош феврале
учебной заведенилы аккредитация
пыр потоно вал. Быдэс
пакет документъёс дасяно.
Коть уйбыт эн изьылы. Огпол
йырсазьме но ыштӥськем — сокем
сюлмаськымон вал та уж.
Школа вылӥ категоризэ нош ик
юнматӥз. Отӥяз законъёс но, куронъёс
но выльдӥськизы — вань
дышетон программаосмес быдэсак
воштӥмы.
Али мышкам учкисько но,
13 ар интые, 5-7 ар гинэ ортчиз
кадь йӧтэ. Та дыр ӵоже трос
лэсьтэмын ни. Но тужгес зол
данъяськисько, духовой оркестр
кылдытыны быгатӥмы шуыса.
Духовой инструментъёсын
тунсыкъяськись нылпиос трос,
нош специалистъёс шаерамы
ӧжыт. Ӵем чузъясько кларнет,
саксофон, флейта, нош фагот,
гобой, валторна, тромбон кадьёсын
шудӥсез шер пумиськылэ.
Нош оркестр кылдытытэк,
кызьы дышетод? Кема утчамы
дышетӥсьёсты. Кӧня ке толэзь
нылпиосты дышето но кошко,
уг чидало — секыт. Ог 5 ар талэсь
азьвыл асьме выпускникмес
ик, Алнаш ёросысь Михаил
Исаковез, пӧламы кутӥмы
но, югдур кыӵак воштӥськиз.
Со ачиз тромбонэн быгатыса
шудэ. Ас вакытаз Казаньысь
консерваториез йылпумъяз.
4 выпускникез колледже пыриз
ни. Классэз юн. Оркестрмы туннэ
зол чузъяське.
Нялтас вераса, ужаммес адӟо
гуртоос но, кивалтӥсьёс но. Туэ
«Культура» нацпроектъя милемлы
17 миллион манет висъязы
крезьгуро инструментъёсмес
выльдыны. Ог 6 миллион манет
тыр духовой инструментъёс
басьтӥмы. Анай-атайёс гобой,
фагот басьтыны уз ворме — туж
Пичи дыръяз ик сабырлы вал.
дуно. Кылсярысь, фагот 1 миллион
манетлэсь ятыр сылэ. Инструментъёс
чиляло, куаразы
ӟеч. Нылпиослэн эшшо золгес
дышетскемзы, выль вормонъёс
басьтэмзы потоз шуыса оскисько.
Калык инструментъёсъя
оркестрмес но юнматӥмы: балалайка,
домра, баян, арган
но мукетсэ басьтӥмы. Со сяна,
пианино вуттӥмы. Та бадӟым
проектмы куашканы но быгатысал.
Дуннеын югдур лэчытомемен
валче феврале вань
дунъёс шуак ӝутӥськизы. Котькуд
поставщикен вераськоно
вал, дунъёссэ мед кутоз, контрактъёсмы
медаз быре шуыса.
Жаляса верано, грантъёсын
выреммы уг луы — казённой
учреждение лыдъяськиськомы
бере, киосмы думылэмын. Но та
ласянь но ужаломы, со выль луонлыкъёс
ук.
Нылпиос дорамы уен-нуналэн
уло бере, соослы татын мед
кельшоз кадь потэ. Ремонт лэсьтыны,
мебель выльдыны трос
пӧртэм амалъёс утчано. Ужасьёсмы
но кисточка кутыны ноку
пумит уг луо, тау соослы. Кылем
арын азбарамы пуксизы удмурт
фольклоръя пулэсь вӧлэм скульптураос.
Али со нылпиослэн яратоно
шутэтскон интызы.
— Уксё курыны, валэктыны
но быгатыны кулэ ук...
— Милям кадь школаос элькунамы
ӧвӧл ни. 95 процентэз
выпускникъёсмы крезьгуръя
колледже пыро. Искусствоосъя
мукет школаосын, шуом, 20 пинал
пӧлысь 1-ез-2-ез отчы сюре.
3-тӥ-5-тӥ классъёсы нылпиосты
люкакумы, валэктӥськомы:
татын дышетскыса, тӥ асьтэды
та удысэн ик герӟаны кулэ, со
тӥледыз сюдоз-вордоз.
Усточи нылпиос вань, адӟыны но анай-атайёсынызы вераськыны
гинэ кулэ. Угось ӵемысь эке-дыдызэс лэземзы уг поты,
пичи каро, мӧзмоз, бергес, пе, келяломы. Но бергес — со бер
ни.
— Асьсэос нылпиос валало-а
та школалэсь кулэлыксэ?
— Бӧрысь валало. Тросэз
адскыны вуыло. Татын
соослэн дорзы ук — мӧзмо.
Нылпиосын пумиськылонъёсы
дано выпускникъёсмес
но ӧтчаськомы. Кылсярысь,
ми дорын кыдазы Удмурт
театрысь режиссёр Алексей
Ложкин, симфонической оркестрлэн
дирижёрез Андрей
Гордеев, филармонилэн директорез
Алексей Фомин,
Операя но балетъя театрысь
солист Иван Ардашев... Нылпиос
шоразы учко но, эшшо
золгес дунъяны кутско школазэс,
дышетӥсьёссэс, валало,
асьсэды та улонын шедьтозы.
40 процентэз выпускникъёсмы
шаерысьтымы культура
удысын ужало, со сяна, дышетон
удысэ кошкемъёс но вань.
Мукет улосъёсын кизили сямен
но ворекъяло. Кылсярысь,
Казаньысь, Екатеринбургысь
оркестръёсын шудо.
Суредасьёсты но будэтӥськомы.
Наталья но Василий Морозов
художникъёс нылпиосты
кыско искусство удысэ. Пиналъёс
выпускной ужъёссэс утьыку,
шаерысьтымы дано художникъёс
котьку вылӥ дунъяло произведениоссэс.
Архитектор, дизайнер,
суредась, искусствовед
луыса ужало.
— Самой секытэз, дыр, сомында
гурт нылпиос пӧлысь
94 усточиосты шедьтыны?
— Эшшо тросгес муртэ кутысалмы,
но интыос ӧвӧл. Азьвыл
ёросъёсысь автобусъёсын
экзаменъёсы лыкто вал. Ми
доры пырон понна конкурс туж
бадӟым вал. Али культура шоры
но сокем оскыса уг учко ни, ёрос
центръёсын но искусствоосъя
школаос кылдӥзы. Но со школаосы
райцентр котырысьгес
пиналъёс сюро. Соин ик ужпум
пуктӥ: ар ӵоже тросгес пыдлось
гуртъёсы потано. Нылпиосмес
но сьӧрамы кутӥськомы. Соос
асьсэды сцена вылын возьмато,
нош гуртоос быгатонлыкъёссэс
адӟо, паймо. Сыӵе концертъёс
дыръя ик анай-атайёсын
кенешиськомы, нылпиоссэс
кылзӥськомы, учкиськомы.
Ӵемгес потаны тыршиськомы со
ёросъёсы, кытысь ӧжытгес нылпиос
ми дорын дышетско: Шаркан,
Балезино, Дэбес, Кез, Юкаменск...
Усточи нылпиос вань,
адӟыны но анай-атайёсынызы
вераськыны гинэ кулэ. Угось
ӵемысь эке-дыдызэс лэземзы уг
поты, пичи каро, мӧзмоз, бергес,
пе, келяломы. Но бергес — со бер
ни. Милемлы нылпиосты ичизэ
5 ар дышетоно. Лыктэ, учке, кызьы
улӥськомы, шуисько. Кин ке
гуртысь пиналзэ дорамы сётэ ке,
соя мукетъёсыз но кыстӥсько.
Одӥг семьяысь 4-тӥ нылпизы ми
дӥньын дышетске ни, бадӟымез
крезьгуръя колледжез но йылпумъяз,
али школаямы ужа.
Кин ке шуэ но, дыр, малы
удмурт нылпиосты гинэ дорады
кутӥськоды. Удмуртъёслы
Василий Морозов художникен нылпиослэн адӟытоназы.
луонлык сётоно. Школаямы удмурт
кылэз дышетӥськомы.
Воспитательёсмы удмурт произведениосты,
мадёсъёсты пиналъёслы
ӝытъёсы лыдӟыло.
Дышетӥсьёсмы но удмуртъёс.
Удмуртъёс пӧлын нылпиослы
капчигес. Зэм, нырысь-валысь
мӧзмыса бӧрдо. Шуисько: медпунктэ
ветлы, витамин сётозы, со
мӧзмонлэсь эмъялоз. Эмез-юмез
куддыр та ик луэ.
Воспитательёсмы
анай интыын
ни. Мынам уже
— пиналъёслэсь
улонзэс радъяны.
Нылпиос
шонер сюрес вылтӥ мед мынозы
кадь. Татын мон соос понна кыл
кутӥсько ук. Котькудӥз аслам пиналы
кадь потэ.
— Эшшо ке УдГУ-ысь студентъёслы
анай луиськоды
на...
— УдГУ-тэк мон уг быгатӥськы.
Татын мон 25 ар ужасько
ни. Этномузыковед луисько
бере, калык фольклорлы
дышетӥсько. Кадръёсты котыр
ласянь дасяны кулэ. Студентъёсы
ми дорын ик куддыр практика
но ортчо, усточи нылпиосты
шедьтыны юртто. Кивалтӥсь,
дышетӥсь сяна, эш луыны тыршисько.
Экспедициосы потакумы,
сюлэм вӧсь луыса, адӟисько:
фольклормес ыштӥськомы, со
музейысь экспонатлы ӝоген
укшаны кутскоз ни. Ми мукет
калыкъёслэсь висъяськиськомы
шуыса ӧм валалэ ке, культурамес
капчиен ыштомы, нош
берыктыны... Фольклор ансамбльёс
но, ог-огзылэсь адӟем
карыса, огвыллемесь луо ни
кырӟан манерен но, дӥськутэн
но. Инкубаторын поттэм чипыослы
кельшыны кутскиськомы.
Асьме сям-йылолъёсмес
утён сярысь ум сюлмаськиське
ни — туала мода сьӧры уйиськиськом.
Соин но нылпиосмылы
удмуртлыкез гажан мылкыд
пыӵатыны тыршиськом.
Василий Морозов — суредъёс
пыр, Юлия Павлова — «Шудон»
ансамблез пыр. Мон косӥсько
гуртъёсысьтызы песянайёссылэсь
кырӟанъёссэс гожтыса
вайыны. Ачим ик расшифровкаен
вырисько. Можга, Алнаш,
Пичи Пурга палъёсын обрядовой
кырӟанъёсты быдэсъяло
на. Нылпиос соосты кыло.
Дышетӥсько люкам материалзэс
нотаосы выжтыны, чакласько,
кӧня куараен кырӟало,
кыӵе дыре, мар сярысь. Реестре
пыртыны дасяськомы. Та
ужлы но кадръёсты дасяно ук,
колледжъёсын дышетскыкузы,
пиналъёс со эскеронъёссэс
паськытатозы. Оскисько: традиционной
культурамес гажасьёс,
валасьёс луизы ке, кысыны
кутскыса но, со выль сямен
улонын воректыны быгатоз. Со
понна реестрез узырмытоно.
— Та ужпумез тӥ «Удмурт
Кенеш» огазеяськонлэн исполкомаз
но ӝутъяськоды...
— Сюлэм висе ук. Шыпыт
пукид ке, нокыӵе ужпум интыысьтыз
уз вырӟы. «Кенешчиос»
радын мон вазенгес ни.
Огазеяськонлэн тӧроеныз Татьяна
Ишматоваен кусыпъёсмы
котьку умоесь вал. Конференциос
радъяллямы. Удмурт
калык понна ужаськомы ук.
Маин быгатӥсько, юрттӥсько.
Дышетэм нылпиосмы но будыса,
оло, «Удмурт Кенеше»
пыриськозы ай.
Искусствоосъя школаысь устооссэ пиналъёсты Кун Кенешын сӥлы карон.
— Асьтэос мар сярысь
кырӟаськоды?
— Мылкыдъя. Ӵемысь — шулдырзэ.
Кырӟасько ас поннам
гинэ. Улонын котькыӵе вакытъёс
луо ке но, тыршисько
асме киям возьыны. 1-2 нунал
бӧрдод но выльысь азьлань
вамыштод. Уж но мылкыдэз
уськытыны уг сёты.
Уже ик бурдъя но. Нылпиос
асьсэос кужым сёто ук. Пичи
шормуӵамы коммунизм лэсьтомы
пыр шуисько. Валасько,
дышетӥсьёсмы но жадё. Таӵе
ӝог вамышъёсын ортчись улонын
жадён ӝог кылдэ. Кудогез
2-3 ужын но тырше, выль
проектъёсын вырыны дырзы
уг тырмы ни. Но котькуд вормонзы
понна премия тырыны
выриськомы. Ог-огмес дунъяса
но валаса ужаны тыршиськомы.
Али юбилеймес ортчытон сярысь
малпаськиськомы ни. Концертъёслы
дасяськоно. Нылпиос
понна тросгес ӟеч уж лэсьтоно.
Асьсэды та улонын шедьтӥзы ке,
со ми понна бадӟым шуд ни.
— Азьвыл, песянайёсмы,
мамамы, папамы улэп дыръя
ай, арлы быдэ гужем юонэ
трос семьяосын шур дуре
люкаськылӥм. Воргоронъёс
чорыг кутылӥзы, нылкышноос
лым пӧзьтылӥзы. Со сямез
малпаса, сузэреным араз огпол
ке но вань родняосмес люканы
тыршиськом. Песянаймылэсь
гуртысь юртсэ выльдӥмы, отчы
бертаськомы, отын гужембыт
улӥськомы. Со выль кужым
басьтон интые. Бакчаын берган,
нюлэскытӥ поръян сямен жадён
тӧлӟе. Инкуазь бордын ик шуд
шуыса валаськод.
________
Елена САРАМАТОВА
Надежда Ивановалэн архивысьтыз