36 от 15 сентября 2022 (25948)

№36 (25948)
8 2022-тӥ ар 15-тӥ куарусён
ЛУЛЧЕБЕРЕТ
«Пичи чеберайёс но батыръёс — 2022»
Маин узыр калыке?
«Удмурт нылкышно
кенеш» огазеяськон
ялӥз «Пичи чеберайёс
но батыръёс — 2022»
конкурс сярысь. Туэ
отчы пыриськыны
быгатозы нылпи садъёсы
ветлӥсьёс но покчи
классъёсын дышетскисьёс.
Конкурсэ пыриськыны
быгато Удмуртилэн палэнысьтыз
удмурт кылын вераськись
нылпиос но.
— Трос аръёс ӵоже конкурс
ортче вал нылпи садэ
ветлӥсь пиналъёс пӧлын
гинэ. Кылем арын нырысьсэ
со паськытгес радъяськиз,
отчы школаын дышетскись
покчиос но пыриськыны
быгатӥзы. Озьы лэсьтэмын
вал анайёслэн, воспитательёслэн
куремзыя, — пусйиз
«Удмурт нылкышно кенеш»
огазеяськонлэн кивалтӥсез
Елена Миннигараева. — Со
сяна, кылем арын нимысьтыз
номинациос вал Удмуртилэн
палэназ улӥсь пиналъёс понна.
Татарстанысь, Башкортостанысь
воспитательёс талы
туж шумпотӥзы. Соин ик туэ
но палэнын улӥсь удмурт
нылпиос понна нимысьтыз
номинация чакламын. Конкурс
герӟаськемын луоз калыкъёслэн
культурая узырлыксылы
сӥзем арен.
«Удмурт нылкышно кенеш»
ивортэмъя, конкурсэ
пыриськон понна 10-тӥ октябрёзь
заявка келяно ни
(конкурслэсь положенизэ
огазеяськонлэсь «ВКонтакте»
бамысьтыз учконо). Бӧрысь
25-тӥ ноябрёзь келяно
Якшур-Бӧдьяысь Маргарита Радионова но Никита Загребин
кылем арын «Пичи чеберайёс но батыръёс» конкурсын
вормисьёс пӧлын вал.
чаклам ужъёсты. (Сак луэ:
конкурсэ пыриськон сярысь
заявка келямтэ адямиослэн
ужъёссы уз кутӥське.) Вожвылъяськонэ
пыриськись
нылпиос таӵе ужъёс дасяно
луозы:
• «Мон но мынам калыке».
Верано ачид но калыкед
сярысь. Маин тынад калыкед
тунсыко? Маин со
данъяськыны быгатэ?
(3 минутозь).
• «Мынам творчествое».
Возьматоно аслэсьтыд
быгатонлыкъёстэ. Луоз
удмурт кылын кылбур
лыдӟыны, кырӟаны, сценка
пуктыны. Яке, шуом,
маке суреданы но со сярысь
мадьыны. Тыршоно,
видеоын пинал удмурт сямен
тросгес мед вераськоз
шуыса. (2 минутозь).
• «Калыклэн узырлыкез».
Пинал мадьыны кулэ:
мар бордын калыклэн
культурая узырлыкез.
(3 минутозь).
Конкурсэ вуэм ужъёсты
эскерыку, лыдэ басьтӥськоз
пиналлэн удмурт сямен
Туспуктӥз Максим ЕГОРОВ
валаса дӥсяськемез, удмурт
кылын чебер, эркын вераськемез,
камера азьын ассэ
воземез но мукет.
Вань ужъёсты видеое
гожтыса келяно луоз. Конкурсэ
пыриськисьёс арлыдзыя
2 группалы люкемын луозы.
Нырысетӥяз луозы 5-7
аресъем нылпиос, кыкетӥяз
— 1-тӥ-4-тӥ классъёсын дышетскисьёс.
Сояз но, таяз но
группаосын быръемын луозы:
Лымшор Чеберай но Батыр,
Шор Чеберай но Батыр,
Уйпал Чеберай но Батыр,
Город Чеберай но Батыр.
Нош Удмуртилэн палэнысьтыз
пыриськисьёс пӧлысь
вормись нылаш но пияш
басьтозы «Покчи кылчи»
ним. Со сяна, оглом 40 пала
пиналэз пӧртэм номинациосын
пусйыны чакламын на.
Конкурсэ пиналэз ӵемысь
быдэс семьяен, нылпи садэн
дасяло. Куд-ог ёросъёсысь
«Удмурт Кенеш», «Удмурт
нылкышно кенеш» огазеяськонъёслэн
ёзъёссы асьсэ
ёросазы чебераез но батырез
быръёзы на. Озьы нылпиос
ёросазы но, элькун
ӵошатсконын но асьсэды
эскерыны быгатозы.
Республикаын ортчись
конкурсэ котькуд нылпи
садысь, школаысь быдэн
одӥг ныл но одӥг пи гинэ
кутӥське.
Конкурслэн 2-тӥ люкетаз
— финалэ — потозы
вормисьёс но пӧртэм номинациосын
пусъемъёс. Финалэ
потэмъёс понна Ижысь
Эшъяськон юртын шулдыр
праздник радъяськоз. Ваньзы
соос кузьымъёсын, дипломъёсын
пусъемын луозы.
Со сяна, Эшъяськон юртын
ужрад дыръя вань вормисьёс
но пусъемъёс пӧлысь
быръемын луоз Элькун Чеберай
но Элькун Батыр.
Конкурс сярысь пырпочгес
тодыны луоз «Удмурт
нылкышно кенеш» огазеяськонлэн
«ВКонтакте» группаысьтыз.
Яке жингыртоно
Эшъяськон юртэ 8 (3412) 63-
10-88 телефонъя.
________
Светлана ВАСИЛЬЕВА
Адӟытон
Выль интыын
Реклама
Шарканысь шаертодонъя музей выль интыын ужзэ
мытӥз.
Музей выжиз Зонов купецлэн юртаз но «Усто артэ»
адӟытонэн (0+) ужзэ мытӥз.
Калык азе поттэмын ёросын вордскем 18 суредасьёслэн
ужъёссы. Соос пӧртэм амалъя быдэстэмын. Кылсярысь,
адӟытонэ поттэмын Санкт-Петербургын улӥсь Женя Радостевалэн
нылпиослы суредъёсыз. Чайковский городысь крезьгуро
училищеын суредаськонъя но живописья урокъёсты нуись
Анна Безукладникова инкуазен суредъёссэ ыстэм.
Озьы ик тунсыко учкыны Шарканысь искусствоосъя нылпи
школаез йылпумъям пиналъёслэсь ужъёссэс. Москваысь
университетын дышетскись Наталья Москаленколэн, Санкт-
Петербургысь вузъёсын тодон-валан люкась Светлана Перевозчиковалэн,
Мария Трониналэн но трос мукетъёсызлэн
ужъёссы синэз мальдыто. Шарканлэн палэназ улӥсьёс сяна,
ёрос центрын но гуртъёсын улӥсьёс суредъёссэс, киужъёссэс
калык азе поттӥллям.
________
Валентина КУТУЗОВА
АУК УР театр «Айкай» ОГРН 1021801667865