41 от 20 октября 2022 (25953)

№41 (25953)
2 2022-тӥ ар 20-тӥ коньывуон
ВАЛТӤСЕЗ
Мобилизация
Юрттэмед потэ ке
Шаерамы мынэ мобилизованнойёслы
но соослэн семьяоссылы
юрттэт сётон.
Мобилизованнойёслэн
семьяоссылы маин
ке юрттэмды потэ?
Шуом, бакча, юртъер
котыразы кыӵе ке ужез
быдэстэмды? Котькуд
адями пыриськыны
быгатэ #МЫВМЕСТЕ
акцие. Солэн штабъёсыз
ужало Ижысь Восточной
урамысь 42а номеро
юртын, Ижысь техникая
кун университетын,
Удмурт кун университетын.
Та вакытэ отысь
волонтёръёс юрттыны
мылкыд карисьёслэсь
куриськонъёссэс куто.
Отчы ик семьяос вазиськыны
быгато, юрттэт
курыса. Жингыртоно
8-800-200-34-11
яке 8 (3412) 93-02-21
номеръёсъя. Ивор шедьтыны
луоз мывместе.
рф сайтысь но.
Со сяна, шаерамы
азинтӥське «ПоддЕРжка»
проект. Со пыӵаны
кутскиз вал 2020-тӥ
арын пандемия вакытэ
«Огъя Россия» партилэн
Удмурт ёзэзлэн секретарез,
Тӧро Александр Бречалов
кичӧлтэмъя. Таяз
радэ юрттэт сётӥськоз
мобилизованнойёслы но
соослэн семьяоссылы.
Шаерамы радъямын
военнослужащийёслы
уксё бичан. Но сак луэ:
военнойёслы юрттэт
сётыны мылкыд карисьёс
понна Удмуртиын
юнматэмын одӥг гинэ
фонд — «Сообщество».
Со пыр люкам уксё кошкоз
мобилизованнойёслы,
семьяоссылы. Тае
чакласа возе Александр
Бречалов. Фондлэн
кивалтӥсез Александр
Михайлов арнялы быдэ
ивортылэ, кӧня муртлэсь
кӧня коньдон люкаськиз,
кӧня адямилы
юрттэт сётэмын.
Та фонд сярысь пырпочгес
тодыны луоз
фондсообщество.рф
сайтысь. Уксё келяны
луоз Сбербанке таӵе
реквизитъёсъя (пусъёно
«Благотворительное пожертвование»
шуыса):
ИНН: 1841072661
КПП: 184101001
ОГРН: 1171832017499
БИК: 049401601
К/с: 30101810400000000601
Р/с: 40703810068000001441
________
Сергей ЗАХАРОВ
Армие берытскизы
Удмуртиысь уноез мобилизованнойёс
дышетско
Обороная министерстволэн
Ваньбуръя но техникая
военной академиезлэн
Вольск городысь
ёзаз. Та нуналъёсы Тӧро
Александр Бречалов
отчы вуылӥз.
Шаерысьтымы мобилизованнойёс
дышетско ни 20 нуналлэсь
ятыр. Воргоронъёс дышетско
беспилотной, озьы ик
мукет техникаен ужаны, связез
радъяны, сӧсырмемъёслы
нырысетӥ юрттэт сётыны, волято
ыбылӥськыны быгатонлыкъёссэс.
Соосты нодъяло
ожъёсы пыриськем, бадӟым
опыт люкам инструкторъёс.
Александр Бречалов эскериз,
кытын ортчо тренировкаос,
кытын воргоронъёс шутэтско,
кӧло, мае сиё.
— Пиосты ческыт сюдо,
тусьтые сиёнэз тросэн тыро,
сӥльзэс уг жаляло. Военнослужащийёсмылэсь
сиён вылэ
ӝожтӥськемзэс ӧй кылы, —
ивортӥз Тӧро. — Нимаз верасал
улон условиоссы пумысен.
Угось социальной сетьёсын
Кылем арняе шаермы
пыр ортчиз «Фин-угор
транзит» фестиваль.
Калык творчестволы но
искусстволы сӥзем ужрад
Россиын радъяське 2008-тӥ
арысен. Со ортче эстафета
амалэн. Туэ фин-угор транзитэз
мытӥзы Марий Элын.
Фестиваль азьланьтӥськиз
Удмуртиын. Со понна асьме
шаерамы вуизы Марий Элысь
куноос — «Воштончыш» калык
театр.
Туэ фестиваль сӥземын вал
театр постановкаослы. Уго сюанъёс,
вӧсяськонъёс, сэбедъёс,
солдат пи келянъёс но мукет
обрядъёс — со ваньмыз сцена
вылэ вуымтэ спектакльёс.
Соин та ужрадлы дасямын
вал фотоосын нимысьтыз
адӟытон — пӧртэм фин-угор
улосъёсысь калык театръёслэн
постановкаосысьтызы суредъёс.
Аслэсьтыз «3 сюан гур»
моноспектакльзэ возьматӥз
удмурт актриса но режиссёр
Ольга Александрова.
«Фин-угор транзит» фестивальлэн
бадӟым концертэз
радъяськиз Калык творчествоя
элькун юртын. Ужрадэз
усьтӥз Пичи Пурга ёросысь
фольклоръя «Зарни шеп» калык
ансамбль. Со «Сьӧрлось
гуртэ шудыны» программазэ
мыным трос ӝожтӥськонъёс
вуо, асьме пиос бусыын, палаткаосын
уло шуыса. Тазьы
верасьёслы осконо ӧвӧл. Ас
синмыным эскери казармаоссэс:
отын 21-23 градус шуныт,
югыт, котькудӥзлэн нимаз валесэз,
небыт миндэрез но шобретэз.
Вань телевизоръёссы,
мисьтаськон машинаоссы но
мукет кулэ луись техниказы.
Котькуд воргоронлы военной
форма сётэмын, со шуныт,
сӥзьыл куазьлы тупамон.
Мобилизованнойёсын пумиськон
дыръя Тӧро котькудӥзлэн
тодаз уськы тӥз:
уждунзы борды элькун бюджетысь
ватсаса висъяськоз 50
сюрс манет. Сое басьтоз 21-
тӥ сентябрьысен мобилизовать
карем котькудӥз воргорон.
Уноез Тӧролы ивортӥзы,
счётъёсазы выплатаос вуизы
ни шуыса. Арня пумозь уксё
вуоз элькунысьтымы вань мобилизованнойёслы.
Со сяна,
Тӧро военнослужащийёслы
люкылӥз кнопкаосын телефонъёс
— угось сенсорнойёссэ
кутыны лэземын ӧвӧл.
— Кузпалъёсты, анай-атайёсты,
нылпиосты сярысь эн
«Фин-угор транзит»
Сям-йылолъёс — театр
Пичи Пургаысь «Зарни шеп» ансамбль.
возьматӥз. Марий Элысь
«Воштончыш» театр пор калык
выжыкылъя крезьгуро
спектакль пуктӥз. Яркыт вал
кырӟанъя но эктонъя «Айкай»
театрлэн программаез.
— Бадӟым тау Удмуртиысь
Культурая министерстволы
но Калык творчествоя элькун
юртлы фестивалез радъяны
юрттэмзы понна. Тӥтэк ми ӧм
адӟысалмы республикалэсь
кырӟан-веран шыкыссэ но, ӧй
луысалзы таӵе паймымон пумиськонъёс
но, — мылкыдзэ
вераз Россиысь фин-угор культурая
центрлэн кивалтӥсезлэн
воштӥсез Лилия Чупрына.
Фестивале пыриськон уката
бадӟым кузьым луиз Марий
Элысь «Воштончыш» калык
театре ветлӥсьёслы. Соослэн
сюлмаське: соосын кусып
возиськом, котькуд куронзэс
быдэстӥськом. Ми семьяостылы
юрттом. Нош тӥ Атыкай
музъеммес кышкатэк уте,
быдэскын берытске, — воргоронъёслы
сӥзиз Тӧро.
Мобилизованнойёс Александр
Бречаловлы куронъёссэс
веразы. Кин ке юртъер
котыраз кенер пуктыны, пу
дасяны вуттымтэ, мукетыз
пиналэзлы нылпи садэ путёвка
шедьтон сярысь сюлмаське,
куинетӥезлэн кузпалызлы
ужен юрттоно вал... Нош Ува
палъёсысь Леонид мылкыд
кариз Татьяна кузпалзэ вордскем
нуналэныз ӟечкыланы:
Александр Бречаловен ӵош
видеое пуксиз, кузпалызлы
шуныт кылъёссэ, яратэмзэ вераз.
— Соослэсь котькуд куронзэс
аслым гожтыса кельтӥ.
Кудзэ ке час куспын быдэстыны
луоз, мукетызлы кӧня
ке дыр кулэ луоз. Котькудӥз
вазиськон эскеремын луоз, —
кыл сётӥз Тӧро.
________
Елена ТУГАШОВА
Иже вуылэмзы ӧй вал на. Удмуртиын
улӥсьёслы асьсэлэсь
творчествозэс возьматэм
сяна, артистъёс выль мылкыд
басьтӥзы Ижысь музейёсын,
пумиськонъёсын.
Удмурт шаерен люкиськемез
бере «Фин-угор транзит»
кошкоз Карелие. Нош
бадӟым йылпумъясь концерт
луоз Пермь крайын.
Татысь Кудымкар городын
21-тӥ-23-тӥ октябре возьмало
Удмуртиысь куноосты но.
Асьме калыкмылэсь кырӟанэктонъёссэ
бускельёсмы доры
нуоз Дэри ёросысь Подшивалысь
«Пинал даур» фольклор
коллектив.
________
Елена СКВОРЦОВА
Калык творчествоя элькун юртлэн «ВКонтакте» бамысьтыз
Дуннеын
Иранлы пумит
Америка Иранлы
пумит выль санкциос
кутӥз.
Европаез но Америкаез
онгромытӥзы
Россилэн «Герань-2»
беспилотникъёсыз.
Улӥетӥ лобамысьтызы,
ПВО-системазы соосты
уг шӧды. Дронъёс капчиен
ортчо 200 иськемез
но пуштыто кулэ
объектэз.
«Герань-2» тупа Иранысь
Shahed-136 дронлы,
соин ик Америка
малпа, та аппаратъёсты
Россия Иранысь басьтэ
шуыса. Таин валче санкциос
улэ Иранысь
11 бадӟым огазеяськонъёсты
пыртӥз, соослэсь
Европаысь счётъёссэс
«кынтӥз».
________
Россиын
Калык
утемын луоз
Россилэн 4 улосъёсаз
— ДНР-ын,
ЛНР-ын, Запорожской
но Херсонской
областьёсын — военной
положение
ялэмын.
Владимир Путин та
сярысь вераз 19-тӥ
октябре. Таин валче
губернаторъёс быгатозы
улосъёсазы ватсаса
ужрадъёс кутыны
калыкез кышкытлыклэсь
утён понна. Со
сяна, Президент ӵектӥз
отын обороная штабъёс
кылдытыны. Тау кариз
спецоперацие пыриськись
ожгарчиослы но
шуиз, частязы вуэм мобилизованной
рядовойёс
толэзьлы быдэ 195
сюрс манет басьтозы.
________
Удмуртиын
Герӟет вань!
Туэ 52 гуртэ мобильной
связь
кыскемын.
Та сяна, Вотка, Дэри, Ува
но Якшур-Бӧдья ёросъёсысь
16 гуртъёсы но
сад-бакчаосы 4G Интернет
вуттэмын. Операторъёс
ужало «Сельсовет»
проект улсын. Отчы
пыриськыны быгатэ
котькуд гурт, улӥсез
100-ысен 500-озь вань
ке. Со понна 12-тӥ
ноябрёзь куара сётоно
gosuslugi.ru/inet
сайтын.