41 от 20 октября 2022 (25953)

№41 (25953)
8 2022-тӥ ар 20-тӥ коньывуон ГАЗЕТ КОТЫРЫН
Газетэз вӧлмытон
Калыкен вераськыны яратэ
Пичи Пурга ёросысь Бобья-Уча почтамтын ог 8 арзэ ужа
ни Татьяна Севастьянова. Со 2 гуртъёсысь — Тылоысь но
Поӵышысь — калыклы гожтэтъёс, газет-журналъёс нуллэ.
Пичи Пурга ёросысь Тылоысь почтальон Татьяна Севастьянова
«Удмурт дунне» газетлы тросгес калыкез гожтӥськытыны тыршоз.
Туспуктӥз Максим ЕГОРОВ
— Туж вожъяськисько вал гуртысь почтальонмылы, со кадь
луэме потэ вал, — вера Татьяна Севастьянова. — Одӥг аре почтаын
инты бушаз но, монэ ӧтизы. Малпанэ быдэсмиз. Почта
юртмы Бобья-Учаын интыяськемын, нырысь отчы мынӥсько,
собере Поӵыше пырасько, Тылое вуисько. Гуртысь гуртэ машинаеным
ветлӥсько, сое магазин азе кельтӥсько но гурт кузя
пыдын ветлӥсько ни. Уже туж кельше, секыт ӧвӧл. Куазь гинэ
пӧртэм луэ: я лымыя, я зоре, соку сюрес быре, мылкыд усе.
Татьяна Васильевнаез гурт калык гажа, сямыз солэн капчи.
Вӧзтӥз чырткемъяськытэк, «кыӵе ужъёсыд» шуыса юатэк, уг
кошко. Ачиз Татьяна Васильевна пичиеныз но, бадӟыменыз но
огкыл шедьтэ, калыкен вераськыны яратэ. Почтальон — со котьку
калык пӧлын, та ик кышномуртлэн сюлмаз лякиське.
Тылоын но Поӵышын быдэн 100 мында адями улэ. Арлыдоослэсь
пенсизэс, коркась корка ветлыса, сётъяно луэ. Арняяз
кӧня ке пол гинэ усьяськись магазин ужа ке — пенсионеръёс
татчы люкасько.
— Газет-журналъёсты берло аръёсы ӧжытгес но ӧжыт гес басьто
ни, — вера почтальон. — Тросгес лыдӟисько пенсионеръёс,
нош егитъёс пиналъёссылы но журналъёс уг басьтыло ни, ваньзы
телефонъёсын пуко, лэся. «Удмурт дунне» газетэз 2 муртлы
гинэ нуллӥсько, гожтӥськыны дуногес шуо. Но кин басьтэ, соос
пятницаез возьмаса гинэ уло на, ку меда «Удмурт дунне» газетэз
ваёзы шуыса.
Та нуналъёсы Йӧскалык прессалэн юртэз почтальонъёс
куспын конкурс ялӥз: кинъёс удмурт газет-журналъёслы тросгес
адямиосты гожтозы, соослы бадӟым кузьымъёс дасямын. Татьяна
Васильевналы но та сярысь ивортӥмы, тыршом, шуиз.
________
Мария ВЕКШИНА
Конкурс
Кин шедьтоз тросгес лыдӟисьёсты?
Йӧскалык прессалэн юртэз
«Устоез почтальон»
конкурс ялэ.
Трос аръёс ӵоже «Удмурт
дунне» газет данъялляз шаерысьтымы
ӟеч ужась почтальонъёсты.
Нош табере милям
инвисъёсмы паськытало.
Йӧскалык прессалэн юртэз
быръёз сыӵе почтальонъёсты,
кин тужгес трос удмурт газетжурналъёслы
калыкез гожтоз.
Конкурслэн куронъёсыз
таӵеесь:
1. Вожвылъяськонэ пыриськыны
быгато вань почтальонъёс.
2. Калыкез гожтыны луэ
таӵе удмурт изданиослы:
«Удмурт дунне» но
«Иднакар» газетъёслы,
нылпиослэн «Ӟечбур!»
газетсылы, «Кизили» журналзылы,
литературалы
сӥзем «Кенеш» журналлы,
визьнодасьёслэн «Вордскем
кыл» но егитъёслэн
«Инвожо» журналъёссылы.
Ваньзэ тае поттэ
Йӧскалык прессалэн
юртэз.
3. Конкурсэ пыриськон сярысь
куриськонэз келяно
vekshina@udmdunne.ru
электрон адресъя 25-тӥ
толсурозь (декабрёзь).
Формаез сётэмын бамлэн
бур палаз.
4. Почтальонъёслэсь ужамзэс
дунъялоз жюри:
Йӧскалык прессая юртэзлэн
директорез, удмурт
газет-журналъёслэн
редакторъёссы, почтаын
ужасьёс но мукетъёсыз.
5. Почтальонъёслэсь
ужамзэс дунъяку, жюри
чаклалоз, макем трослы
йылӥзы удмурт газетжурналъёсты
лыдӟисьёс.
Со понна ӵошатӥськозы
2022-тӥ но 2023-тӥ аръёсы
гожтӥськисьёслэн
лыдзы. Озьы ик лыдэ
басьтӥськоз, макем ӟеч
быдэсъя ужзэ почтальон.
Гажано почтальонъёс, пыриське
конкурсамы! Милям
туж усто кузьымъёсмы дасямын.
Со пӧртэм магазинъёсы
сертификатъёс, концертъёсы
билетъёс, корка котырын
кулэ луись арбериос. Озьы
ик етӥз почтальонъёс сярысь
гожъяломы «Удмурт дунне»
но «Иднакар» газетъёсын.
Вань юанъёсын жингыртоно
8-951-195-37-65 телефон
номеръя яке Viber пыр
гожтоно.
«Устоез почтальон» конкурсэ
пыриськон понна куриськон
Ф.И.О.
ОПС
Гуртъёс, кытын ужа почтальон
Вордскем нуналды
Изданиос
«Удмурт дунне» газет
«Ӟечбур!» газет
«Иднакар» газет
«Кизили» журнал
«Инвожо» журнал
«Кенеш» журнал
«Вордскем кыл» журнал
Гожтӥськем адямиослэн лыдзы