Book 1a Swa Maa Ed 1a 2013 - Empuaan

Maambukizi ya VVU
VVU huishi kwenye mwili wa mtu aliyeambukizwa. Virusi huishi kwenye
majimaji yaliyoko kwenye:
1. Shahawa
2. Majimaji ukeni
3. Damu
4. Maziwa ya mama
Kwa hiyo shahawa, majimaji ukeni, damu na maziwa ya mama ni
hatari kuambukiza VVU.
Majimaji mengine mwilini kama mate, machozi, jasho na mkojo havina
virusi vingi vinavyoweza kuambukiza. Kwa hiyo mate, machozi, jasho na
mkojo siyo hatari kwa kuambukiza VVU.
Njia pekee ya kuambukiza VVU ni kutoka kwenye shahawa, majimaji
ukeni, damu au maziwa ya mama ameshaambukizwa na kuingia kwenye
damu ya mtu mwengine.
Njia zifuatazo zinaambukiza VVU:
1. Kujamiiana na mtu mwenye VVU bila kutumia kondom.
Kujamiiana bila kondom ni njia kuu ya kuambukizwa
VVU.
2. Kushirikiana sindano, wembe, visu vya kukata mwili, mswaki na
vyombo vingine vinavyoweza kuwa na damu yenye VVU.
3. Mwanamke anaweza kuambukiza mtoto wake akiwa tumboni,
wakati wa kujifungua au wakati wa kunyonyesha.
9 KISWAHILI