Book 1a Swa Maa Ed 1a 2013 - Empuaan

Enkoitoi naitaa kiti enkitasuroto e VVU
enkata erepa (enkitiamakino)
Ore pee erepap (enkitiamakino) iltung’anak kumok (arashu eata
eleng’ata ino ilang’at, o eata olpayian lino arashu enkitok ino) ilang’at
kumok, naa enkoitoi sapuk te nkata erepa (enkitiamakino) to ltung’ani
oatasuroki VVU. Naa ore sii tenintaa kiti lang’atisho naa keitong’orr
enkata enkitasuroto te erepa (enkitiamakino) oltung’ani oata VVU.
Teniata endototo te lewaisho arashu te nking’opi (olpayian lino arashu
enkitok ino) o teniata kulie mueyiaritin erepa (enkitiamakino), merepapa
(mintiamakinono) te nkata nitoduaa ajo eata ndotot arashu mueyiaritin
erepa (enkitiamakino), ore pee idol ajo iata entasioi entaduare oldakitari
te kiliniki o te sipitali, pee itum embaata tesiokinoto nepalipala pii erepa
(enkitiamakino) oinchiu
Tenaa elang’ata arashu elang’ata obo ake iata iyie ena kata erepa
(enkitiamakino) naa entai ake pokira are nimintokiki arepare (aitiamaki)
kulie tung’anak, nimiatata tena kata pokira are VVU, nimitasuroto ntai
VVU tenirepapa (tenintiamakinono) pokira.
Ore olpayian o nkituaak enyanak pee erepa (eitiamakino) nemetii nabo
ti atua nalo erepa (enkitiamakino) ang’ata, nemetii enaata VVU,
nemitasuro VVU te nkata erepa (enkitiamakino).
Ore enkoitoi naserian oleng’ namerr enkitasuroto e VVU naa erepa
(enkitiamakino) oltung’ani obo ake: to olpayian lino o enkitok ino. Ore
olpayian teneata inkituaak kumok nemeata pookin VVU, tenerepa
(teneitiamakino) oopeny ake, meitasuro VVU teneitu erepare (etiamaki)
kulie tung’anak le ang’ata.
Tenirepare (tenintiamaki) iltung’anak oolus ti obo naa indim
aibooi openy VVU o nena lang’at ino teniasiasa erepa
(enkitiamakino) naserian too nkatitin pookin erepa
(enkitiamakino). Ing’ora embolunoto 18 ‘Enkiteng’ena erepa
(enkitiamakino) naserian’.
MAA 16