You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Enkoitoi narrip enkerai eitanaketai olkina<br />
Ore isikitok o kule olkina naa endaa naret osesen lenkerai naa keretoki<br />
arrip osesen lenkerai pee metum imueyiaritin elototo e nkoshoke e lopare o<br />
kulie mueyiaritin torrok osesen. Kake ore enkitok naata VVU naa ketum<br />
erishata nabaiki 15% (15 te 100) naitasurie enkerai ena kata eitanakita. Ore<br />
enyamali sapuk enkitasuroto enkerai eitanakitai na teneata enkerai<br />
enkidonda te nkoshoke arashu te nkutuk. Ore enkerai nemeata<br />
enkidonda te nkoshoke arashu te nkutuk netum embiotisho osesen<br />
teneishori kule olkina o sikitok e ng’otonye nemelelek pee etum<br />
enkitasuroto e VVU.<br />
Ore enkerai pee eishori enkare, kule olkina liai kitok, kule e kulie tokitin<br />
(ing’uesi), eng’orno, inkuruon, intona oo lkeek, eilata, modiok o nguesi,<br />
arashu ai toki neme isikitok arashu kule olkina le ng’otonye ake, neidim<br />
anoto inkidondani teleleki te nkoshoke. Naa ketum enkerai VVU naayim<br />
atua inkidondani aajing’ atua osarge lenkerai.<br />
Ore enkoitoi sapuk narrip embiotisho osesen lenkerai naa teneitanaki<br />
isikitok o kule e ng’otonye ake, nemeishori ai toki katukul, ometabaiki<br />
enkerai ilapatin ile (6). Ore pee eitabaya enkerai ilapatin ile (6) neidimayu<br />
pee enya enkerai inkulie daiki tenebo o kule olkina le ng’otonye. Kake<br />
tadamu ajo: ore erishata nanaku enkerai kule olkina le ng’otonye nenya<br />
inkulie daiki naa enkata torrono natumie enkerai VVU.<br />
Ore pee eyiolo enkitok ajo eitasuroki VVU nelo sipitali asioki pee etum<br />
eutakinoto enaiko teneitoti enkerai enye. Ore tenemeyiolo enkitok ajo<br />
eitasuroki arashu eitu eitasuri naa keidimayu pee eretoki enkerai enye<br />
tenesuj iutarot naijo kuna naasujo:<br />
• Teneisho enkerai isikitok o kule olkina lenye ake, ometabaiki<br />
enkerai ilapatin ile (6).<br />
• Tenebaki imueyiaritin oo lki arashu inkidondani naatii ilki aasioki.<br />
• Tenebaki inkindondani naatii enkutuk enkerai aasioki.<br />
• Teneasishore kondom te nkata pookin erepa (enkitiamakino) ena<br />
kata eitanakita enkerai olkina.<br />
MAA 48