Book 1a Swa Maa Ed 1a 2013 - Empuaan

Maambukizi ya VVU kupitia kwenye damu
Kumbuka: Njia kuu ya kuambukizwa VVU ni kujamiiana bila
kutumia kondom.
Lakini VVU pia inaweza kuambukizwa kutoka damu ya mtu aliathirika
kuingia kwenye damu ya mtu mwengine. VVU inaweza kupitia njia
zifuatazo:
• Kushirikiana sindano
• Kushirikiana nyembe
• Kushirikiana visu vya kukata mwili (pamoja na visu au wembe ya
kutahiri)
• Kushirikiana mswaki, kwa sababu inaweza kuwa na damu.
• Kushirikiana vitu vyovyote vya kupenya mwilini vinavyoweza
kuwa na damu ya mtu mwengine.
• Kufanya shughuli yoyote enye damu nyingi ya mtu mwengine,
kwa mfano kuzalisha au ajali, bila kutumia glavu / mpira mkononi
kwa sababu damu inaweza kuingia kwenye jeraha kwenye ngozi
ya mwili.
• Pia VVU inaweza kuambukizwa kwa kuongezewa damu
hosipitalini. Siku hizi hii siyo shida kwani damu kupimwa kabla
ya kutumika na damu ya mwathirika haitumiki hospitalini.
Ngozi ya mwili ni ngumu sana na VVU haiwezi kupitia. VVU inaweza
kupitia kwenye jeraha tu. Uwe mwangalifu na damu ya mtu mwengine,,
lakini kumbuka kwamba njia kuu ya kuambukizwa VVU ni kujamiiana
bila kutumia kondom.
41 KISWAHILI