KONCEPTI PËR PËRPILIMIN E LIBRIT METODOLOGJIA ... - Unicef

Libri ka marrë vend të rëndësishëm në procesin edukativomësimor
dhe paraqet mjet themelor dhe integral për
nxënien e njohurive dhe për njohjen më të lehtë të nocioneve
dhe informatave. Roli i tij kryesorë është që në mënyrë
didaktike ti klasifikojë përmbajtjet mësimore dhe shkencore,
në pajtim me kërkesat pedagogjike dhe funksionin
edukativo- arsimor të shkollës.
Në këtë drejtim nënkuptojmë se libri është burim i njohurive
dhe mjet mësimor i cili përdoret për arritjen e qëllimeve
edukativo-arsimore në mësim dhe të mësuarit. Libri i
mundëson nxënësit ti arrijë standardet e njohurive dhe
ta nxisë zhvillimin e aftësive: në lëmin kognitiv ( nga të
kuptuarit, zbatimin e njohurisë, analizës, sintezës deri
te vlerësimi ), në lëmin afektiv ( nga zhvillimi i aftësive
për pranimin dhe marrjen e vlerësimeve deri te formimi
i qëndrimeve ) dhe në lëmin psikomotorik ( nga nxitja
e librit me aktivitete të paramenduara deri te përfitimi i
shkathtësive manipuluese dhe vlerësimi individual i punës
praktike ).
Varësisht nga natyra e lëndës mësimore mund të ofrohet
vetëm libër ose, komplet didaktik, i përbërë prej më shumë
pjesëve (libër, fletore pune, praktikum, respektivisht
ushtrime ose mjete tjera mësimore ), në pajtim me natyrën e
procesit mësimore dhe të mësuarit.
Në praktikën bashkëkohore përveç librit rekomandohet që
të jepet edhe doracak metodologjik për mësimdhënësin.
Libri duhet të ketë karakter multimedial, i bazuar në
ndryshimet më të reja informatike dhe teknologjike në botë,
të cilat paraqesin faktorin plotësues për formësimin më të
plotë, më interesant dhe më bashkëkohor të përmbajtjes,
si dhe për plotësimin e aftësive të nxënësve (kahe digjitale
të informatave, monografive, fjalive etj). Libri duhet të jetë
i strukturuar në pajtim me konceptin multidisiplinar të
mësimit dhe kushteve reale në të cilat realizohen programet
mësimore.
Koncepti për librin i definon kushtet e përgjithshme për
përpilimin e librit për arsim fillor dhe të mesëm ku çdo
nxënës duhet:
``
``
të jetë në lidhje të ngushtë me qëllimet e definuara të
programit mësimor për lëndë të caktuara mësimore dhe
ti plotësojë qëllimet konkrete dhe ato të përgjithshme të
çdo tërësie tematike;
ti përcjellë të arriturat bashkëkohore nga lëmia e
caktuar shkencore dhe terminologjisë së pranueshme
(përkatëse) shkencore dhe të jetë sintezë e më shumë
elementeve pedagogjike, psikologjike, metodike dhe
didaktike, raporti reciprok i të cilave është korrelativ,
komplementar dhe dinamik;
` ` të shprehet në moshën e nxënësve (ti përcjell
karakteristikat zhvillimore të nxënësve , ndërsa stili dhe
gjuha të jenë të qarta dhe të kuptueshme);
``
Ta përforcojë komponentën edukuese, raportin pozitiv
ndaj diturisë, zhvillimin e identitetit qytetar dhe
nacional, kulturat e shumta, barabarësinë gjinore etj.
13