Sin domovine - August Cesarec

August Cesarec: Sin domovine
TREĆI PURGAR: Zakaj? Pak su valda čuli da su denes najstrasneše proti Švabi i
Mađarom graničari! A vidiju, pred kratki čas je mimo mene prošel jen graničar i čul sem
ga drugomu reči da bi on ves za Kvaternikovo predlaganje bil gda bi to bilo ispeljivo! I to
je ono, vište! Gospon Kvaternik bi štel da bi se naša Horvatska čisto othaklala od Beča i
Budimpešte i bila slobodna kak... no kak on vrabec na krovu! Metemtega, če sem ja,
rečemo, za vas dveh zahaklan, kak se ja od vas othaklati morem ako mi vi, gospoda, to
ne dopuščate, a ja proti vas dveh preslab jesem?
PRVI PURGAR: A kaj ste vi, gospon, ribič, ter mislite da se cela jedna zemla za drugu
zahaklati more kak belica na udicu?
TREĆI PURGAR: Ja sem šnajder, a od mesec-dva takajše pek...
PRVI PURGAR: Šnajder i pek? Se mi vidi, i vi ste jeden od onih novatorov i gladušov
koji naše stare cehovske regule rušiti hočeju i slobodu meštrije iščeju...
DRUGI PURGAR: Ja kakti da sem vre čul za tu vašu pripovest...
TREĆI PURGAR veseo: Čuli ste? Ondak vendar znate da mi je vumrl brat, pek i vdovec,
ostavivši meni pun koš dece, tak da ja sad v njihovo ime i pekariju voditi moram! Ali,
gospoda, njih dva mi niš otpovrnula na moje pitanje nesu, najmre kak bi se Horvatska
othaklati mogla...?
DRUGI PURGAR: Nu kaj oni sami ob tomu misliju?
TREĆI PURGAR: Kaj ja mislim? Znaju, ogleda se, on isti graničar i ob tomu svoje mnenje
je imal, pak sem ga čul reči da bi se to se samo na jeden način spelati moglo, spusti glas,
da se zdigne buna, revalucija...
PRVI PURGAR ogledao se također: To su ga čuli reči? Nu, če se prav zeme... khm, v tomu
more biti i puno istine! Je, istinu bum vam i ja povedal, također spustio glas, kak god da je
gospon Kvaternik v svojoj reči danes rekel da buna nî potrebna, ja za stanovito znam,
nekak sem od samoga njega našnofal, ter se on zdignuti bunu bojal ne bi. Ne
pripovedaju zahman da ju je on vre vani v fremtu štel pri nas zdiči pomoču Rusov i
Talijanov!
DRUGI PURGAR isto spustio glas: Je to i do mojih vuh došlo! Al povečte, kak si on to
misli, gdo bi se zdigel i bunil vun morebiti nekuliko graničarov? Bute se vi?
PRVI PURGAR glasnije: A bute se vi?
DRUGI PURGAR isto glasnije: Čast domovini, no ja se ne bum! Z bunom samo v rešt
dojdeš. A baš sem si tak lepo hižu prefarbal, mesnicu preuredil...
PRVI PURGAR: A ja... Ni leto dan kak sem se po drugi put oženil, ne bi pošteno bilo
dopelati v hižu mladu ženu i napuščati ju za nekakovu meglu... Nego, gospon šnajder i
pek su se još najviše zabrinuli kak bi se othaklali, pak si ja mislim, gotovo surovo trećem
purgaru... vi bi se buniti morali!
TREĆI PURGAR izvadio je burmuticu, prepao se: Ja buniti se? Kaj vami pada na pamet,
gospon? Bunu dela samo bokčija, kak oni zagorski kmeti za Jelačića bana, a ja, ja... nu
gospon, tu i ja velim, čast domovini...
Iz kanala se uspeo GRADSKI TEŽAK, seljak iz podgorske zagrebačke okolice, star, smežuran,
prljav od zemlje i s krampom u ruci.
14