Sin domovine - August Cesarec

August Cesarec: Sin domovine
PRVI PURGAR s prezirom: Vse je to bilo samo sim pak tam... kakova pobeda! Se več vse
zna, im stoji v novinah! Zdiglo se par sto graničarov, pa su se čez dva-tri dana opet
rastepli čim su se samo na pravu soldačiju namerili! Vendar se i to zna da su Kvaternika
i one njegove druge bedake, nekakvog Rakijaša i Bacha, sami njegovi ludi vubili, a
pripoveda se, i orobili! Hm, se more biti, puno je još rauberije v našem puku, pa bil on
krščenik ovakov ili onakov!
DRUGI PURGAR vrti glavom: Kuliko greha, kuliko žrtev! Se pripoveda da je sva sila
graničarev osujena na štrik i postrelana, a su valda čuli, opet spušta glas, da i tu pri nas v
Zagrebu ima sila nih zaprtih... si Starčovići, nekakov Matasić, dijaki... Uzdahne.
PRVI PURGAR: Čul sem to i vse nih meni nî niš žal! Kad su si prostrli, tak si nek ležiju!
Prav-zaprav, vsi ti stekliši, i Starčević ž njimi, nigdar mi se dopadali nesu! Jih prosim
lepo, več je čisto sed, bel kak mleko, a ostal je, baš kak on Kvaternik, bogec, bez službe,
bez imetka, pravi proletarijuš! Je, pak nek mi rečeju, gdo sebi niš privrediti i steči ne zna,
kaj taj i za domovinu steči more? Zmutnju delati, rovariti, kak su prav novine pisale,
suprot opčinskoga reda i segurnosti, baš kak oni pariški petrolerci ovega leta, je, to ide,
to bokčija jedino i more. To je, ja sudim, više neg se drugo, Kvaternika baš i otpelalo v
Rakovicu!
DRUGI PURGAR: Pripovedaju da se tam samo fort v kučiji pelal, kak največi gospon,
pak da su ga v kučiji i vubili!
PRVI PURGAR: Morbiti! Nu je, ali i to ti je buna, v kojoj se v kočiji pelaš kak da pira ideš
slaviti! Navek je on tog Jelačića špotal, pokazuje spomenik, kaj je caru pomogel proti
Mađarom, i je istina da nî onak baš za nas Horvate se zišlo kak je Jelačić govoril! Al sem
ja bana Jelačića tu na Harmici videl gda ga inštalirali jesmo! Tak nigdar tu prelepu
spodobu zaboravil ne bum: na kojnu, baš kak ga i sad tam na spomeniku videti moreju, s
sablom v zraku, još živ kak zlit iz železa! Je, za takvim su graničari mogli ponoreti da su
za njim kak cujzleki bežali... A on Kvaternik, onak siten... no kaj vi vzdišete tuliko,
gospon Glistić?
DRUGI PURGAR zbilja je uzdahnuo i jer je iza njega prošla jedna starija žena sa zaplakanim
djetetom, povukao je drugog purgara u stranu: Nu tak, znaju, v poverenju vam bum rekel, za
sina se svojega bojim, jurista. Toliki juristi su denes starčovićanci, pak je i moj, a znaju,
naj med nami ostane, je ves nor zarad takvog strašnog konca Kvaternika i rešta
Starčovića! Veli da su to jedini naši pravi ludi koji Horvatski dobro hočeju, i ja se bojim
da i nega morbit još ne pripreju!
PRVI PURGAR: Ti naši dijaki su zbilam takajše čisto obnoreli! Znam ja to, dohađaju oni
k meni v bertiju, politiziraju tam, pak su nejenkrat i mene na svoju stran povleči šteli! Al
kaj se mene dotikavle, ja sem bil i budem za našu narodnu stranku! Je, i vidiju, to je ono
kaj me srdi! Tak smo lepo ovoga leta na izborih pobedili, zebrali v celoj zemlji i pri nas v
Zagrebu same naše zaufane lude, Mrazovića, Vončinu, se dobre prijatele našeg
Štrosmajera. I baš kad se najlepše pokazalo da bu predi ili kasneše moralo biti onak kak
Horvati hočeju, ondak puf najenput on Kvaternik v Rakovicu, pokaži Mađarom i
Švabom kaj nemreš a ne kaj moreš, je l' to hasnovito za domovinu biti more?
DRUGI PURGAR radi novog prolaznika, jednog muškarca, još više povukavši drugog purgara u
stranu: Naj mi oprostiju, gospon Štingl, no ne vidi se vami da iz cele te naše pobede v
izborih i opet niš zišlo ne bu za nas Horvate? Vidiju, ja sudim tak, ban je već po drugi
put sabor odgodil pak bi ga opet raspustiti mogel...
78