Create successful ePaper yourself
Turn your PDF publications into a flip-book with our unique Google optimized e-Paper software.
№ 77 (<strong>25692</strong>)<br />
10 2018-тӥ ар 11-тӥ коньывуон ТӦР ШОРЫН ТӦР ШОРЫН<br />
№ 77 (<strong>25692</strong>) 15<br />
2018-тӥ ар 11-тӥ коньывуон<br />
Сомында адямиен пумиськоно на...<br />
Зинаида РЯБИНИНА<br />
Алигес Печатья но ивор<br />
вӧлмытонъя агентство<br />
ялӥз, кинэ туэ ар понна<br />
Правительстволэн литературая<br />
премиеныз пусйыны<br />
дэмла. Сыӵеос<br />
пӧлын - «Удмурт дунне»<br />
газетлэн валтӥсь редакторезлэн<br />
воштӥсез, кылбурчи<br />
но писатель Елена<br />
МИННИГАРАЕВА.<br />
- Кӧня ке ар талэсь азьло<br />
элькунысьтымы Правительство<br />
шаерысьтымы литератураез<br />
азинтон вылысь<br />
премия юнматӥз. Берло аръёсы<br />
зэмен но кӧня ке тунсыко<br />
произведениос кылдӥзы.<br />
Нош тонэ со вырӟытӥз-а?<br />
- Котькуд конкурс адямилы<br />
луонлык сётэ ассэ эскерыны.<br />
Правительстволэн литература<br />
удысын сётӥськись премиеныз<br />
дунъямзы - со произведенилы<br />
гинэ ӧвӧл, огъя творчестволы<br />
дунъет, дыр. Но мон понна со<br />
кыл кутон но. «Сьӧд сюлык» книгаям<br />
пыризы пӧртэм вакытъёсы<br />
гожъям веросъёс но повестьёс.<br />
Соос, нокыӵе конкурс сярысь<br />
малпатэк, мылкыды, сюлэмы<br />
курыса, ваньмон дыръя гожъямын,<br />
куд-огез - ог 10 ар талэсь<br />
азьло ни.<br />
Но творчество удысын конкурсъёслэн<br />
кужымзы зэмзэ но<br />
вань. Ог 3 ар талэсь азьло Нациосын<br />
ужан политикая министерство<br />
ялӥз удмурт егитъёслы<br />
но пиналъёслы чаклам произведениосъя<br />
нырысетӥ элькун вожвылъяськон.<br />
Отчы пыриськисьёслэн<br />
ужъёссы печатламын луыны<br />
кулэ ӧй вал. Озьыен, ӵыжаквыль.<br />
Озьыен, сое выльысь гожтоно.<br />
Тани та конкурс профессионалъёсты<br />
но али гинэ гожъяськыны<br />
кутскисьёсты вырӟытӥз.<br />
Мыным но со тунсыко вал. Озьы<br />
егитъёслы гожтӥ «69 ар ортчыса...»<br />
детектив шӧмъем фэнтези.<br />
Меӵак верасько: таиз уж ноку ӧй<br />
кылдысал, конкурс ке ӧй ортчысал.<br />
Шумпотӥсько, произведение<br />
Е. Миннигараева.<br />
нырысетӥ инты басьтӥз, сое «Удмуртия»<br />
издательствоын нимаз<br />
книгаен поттыны дэмлазы.<br />
- Тон гожъяськод кылбур<br />
но, роман но, публицистика<br />
но. Кудӥз тыныд матынгес,<br />
кинэн астэ золгес<br />
шӧдӥськод?<br />
- Улонам ваньмыз сӥен-сӥен.<br />
Школаын дышетскыкум ай,<br />
Пичи Пурга ёросамы ужаз «Пурга<br />
гуръёс» литобъединение. Али<br />
но тодам отысь дышетӥсьёсы -<br />
писатель Владимир Самсонов<br />
но «Маяк» газетын ужась Зинаида<br />
Титова. Тросгес гожъялляй<br />
проза. Быдэ вуон вакытам выжи<br />
кылбур дуннее. Ӧвӧл, яратон сярысь<br />
гинэ ӧй гожъя, малы ке<br />
тросгес - улон, дунне, адӟон, удмуртлык...<br />
Можга педучилищеын дышетскон<br />
вакытэ тупаз 1990-<br />
тӥ аръёсы удмурт движенилэн<br />
ӝутскеменыз. Со ӧре аспӧртэм<br />
романтизм мылкыдын мон но<br />
шеди. Шедем гинэ ӧвӧл, 1994-<br />
тӥ арын вань удмуртъёслэн 5-тӥ<br />
съездазы Можга ёрослэсь делегатэ<br />
бырйизы. Соку мон вал тужгес<br />
егитэз делегат. Тодӥсько на, кыӵе<br />
пушсы тырыса, вераськылӥзы<br />
сцена вылын адямиос, кыӵе йӧно<br />
но визьмо потӥзы мыным соку<br />
удмурт азьветлӥсьёс. Та бӧрсьы<br />
Можга педучилищеын «Удмурт<br />
Кенеш» огазеяськонлэсь ёззэ<br />
кылдытӥмы.<br />
Тунсыкъяськи удмурт историен,<br />
мифологиен, этнопедагогикаен.<br />
Стипендиме люкаса,<br />
басьтӥсько вал В. Владыкинлэсь,<br />
Л. Христолюбовалэсь, М. Гришкиналэсь,<br />
М. Ивановалэсь, Н.<br />
Кузнецовлэсь, А. Уваровлэсь соку<br />
гинэ потэм книгаоссэс. Со вал<br />
паймон, выль дуннеез усьтон,<br />
астэ валаны тыршон - со дыре ик<br />
со вал поэзия.<br />
Нош УдГУ-ысь удмурт филологияя<br />
факультетын дышетскон<br />
аръёсы матынгес вал прозалы.<br />
Татын мон аслым усьтӥ<br />
тодмо философъёсты, кунсьӧр<br />
литератураез, со вакытысь туала<br />
удмурт литератураез. Татын<br />
малпан кылдӥз С. Матвеевлэн<br />
«Шузи» романэзлы пумит<br />
«Мумы» произведениме кылдытыны.<br />
Угось мыным туж ӧз яра<br />
пиосмурт гожъясьлэн нылкышно<br />
шоры учконэз. «Мумы» книгаен<br />
потӥз 2008-тӥ арын. Но сое<br />
али но юасьёс вань. УдГУ-ын дышетскыкум<br />
ик, юнгес кыстӥськи<br />
публицистикае.<br />
«Удмурт дунне» газетэ лыктэме<br />
- со улонлэн воксё мукет тубатэз.<br />
Пуктӥзы политикая но экономикая<br />
отделэ. Кыӵе романтика?<br />
Татын лыдпусъёс, быръёнъёс,<br />
ВВП, законъёс... Но пушкад<br />
тэрисьтэм мылкыдэз кытчы<br />
ке кароно ук. Озьы кутски выль<br />
проектъёс борды, лыдӟись тужгес<br />
но яратэ вал «Тангыра» финугор<br />
баммес, дышетӥсьёс сое<br />
вандыса кельтылӥзы, урокъёсазы<br />
кутылӥзы. Чидасьтэм мылкыды<br />
выльысь кылбуръёсы<br />
кыстӥськиз. Мынам блокнотъёсы<br />
гинэ но 2 люкетлэсь вал: азьпалаз<br />
пресс-конференциос, мышсэ<br />
берыктӥськод но - кылбуръёс,<br />
эссеос. Пумен, 2010-тӥ арын,<br />
«Мон - улӥсько!» кылбур бичетэ<br />
потӥз.<br />
Но, тодӥськод-а, мон ведь<br />
ноку ӧй малпалля журналист луыны,<br />
ялан гожъяськи ке но. Школаын<br />
тужгес кельшылӥзы физика,<br />
химия но литература. Озьы<br />
мон огдыре ик «физик» но «лирик».<br />
Малпалляй, режиссёр яке<br />
дышетӥсь луо. Эшшо - тодосчи.<br />
Туж кельше вал кыӵе ке ужпумез<br />
эскерыны, йылаз-пумаз вуттыны.<br />
Ялан малпалляй, «Удмурт<br />
дунне» - со огдырлы гинэ. Нош<br />
али малпасько, «Удмурт дуннелы»<br />
луыса мон гожъяськонлэсь<br />
ӧй куштӥськы.<br />
Берло дыре кылбур дуннелэсь<br />
палэнски. Мар вераме потэ,<br />
верай ни кадь. Шуак йырам лыктэм<br />
чуръёсты но гожтыкум, малпасько,<br />
та сярысь кин ке куке вераз<br />
ни ук, мукет сямен гинэ. Мар<br />
мон выльзэ усьтом на? Александр<br />
Пушкин шуиз вал: «года к суровой<br />
прозе клонят...» Аръёс ортчемъя<br />
мынам но озьы-а, мар-а.<br />
Нош прозаын мынам трос вераме<br />
потэ на. Вот али тазьы шуисько<br />
но шӧдӥсько: кылбуратэк но уг<br />
быгаты ук...<br />
- Гожъяськыкуд адӟиськод-а<br />
аслэсьтыд лыдӟисьтэ,<br />
донге-а со тонэ азьлань,<br />
дугдытэ-а? Оскиськод-а, туала<br />
вакытэ книга малы ке дышетыны<br />
быгатэ на шуыса?<br />
- Лыдӟисьме адӟем гинэ ӧвӧл,<br />
шӧдӥсько, дыр. Тужгес но прозаын.<br />
Но куддыръя туж тунсыко<br />
пӧрме: «Мумыез» мон гожтӥ<br />
егитъёс понна, нош со книгаен<br />
потэм бере пумиськонъёсы, библиотекаосы<br />
ӧтчаны кутскизы<br />
арлыдоос. Туэ кӧня ке номерын<br />
потэм «Сайкатэ монэ, рай вуиз<br />
ке...» кузьмадёсэз юромо гожтӥ<br />
«Удмурт дуннеез» лыдӟисьёс<br />
понна, соосты вырӟытэм, «сайкатэм»<br />
потӥз. Трос вал жингыръясьёс,<br />
тау карисьёс, но вал<br />
одӥг пыкылон: малы, пе, сыӵе<br />
вакчи гожтӥды...<br />
Оскисько: книга адямиез воштыны<br />
быгатэ. Но туала вакытэ<br />
книга но пӧртэм луэ. Куд-ог<br />
гожтэмъёс адямиез сӧрыны быгато.<br />
Соин ик ки улэ шедьыны<br />
кулэ, нырысь ик, визьмо,<br />
малпаськытӥсь, адямилыкез<br />
улӟытӥсь книга. 19-тӥ дауре ай<br />
П. Вяземский критик шуиз: «Беда<br />
иной литературы заключается<br />
в том, что мыслящие люди<br />
не пишут, а пишущие не мыслят».<br />
Та гожтэм уж дурысь ӝӧк<br />
вадьсам но юнматэмын. Критик<br />
ӵапак асьме вакытмы сярысь верам<br />
ук: Интернетын, чагыр экранын<br />
али маиз но ӧвӧл, будӥсь пиналлы<br />
со куркуян пӧлысь туж<br />
шуг шедьтыны зэмос литератураез<br />
но искусствоез. Бен, чеберлыко<br />
литература жаг пӧлысь но<br />
вордӥськыны быгатэ. А. Ахматова<br />
гожъяз: «Когда б вы знали, из<br />
какого сора растут стихи, не ведая<br />
стыда...»<br />
Но зэмос гожъяськись со жугжаг<br />
пӧлысь утча но будэтэ ӟеч<br />
произведениез. Со аслэсьтыз<br />
лыдӟисьсэ гажа. Нош рифма<br />
понна гинэ, дан утчаса яке «макем<br />
валантэмгес, сокем визьмогес»<br />
шуыса гожъясьёсты мон уг<br />
гажаськы. Но, малпасько, соос но<br />
луыны кулэ. Ӟечезлэсь дунзэ валан<br />
понна-а, мар-а...<br />
- Улонын тон туж чурыт<br />
рамкаосын улӥсь адями,<br />
ваньмыз планъя радъямын.<br />
Нош творчествоын луэ-а<br />
планъя ужаны. Яке нимысьтыз<br />
кыӵе ке гожъяськон мылкыдэз,<br />
дартэз возьмаськод?<br />
- Чурыт рамкаослы монэ, дыр,<br />
улон дышетӥз ни. Пичи дыръям<br />
мон туж шаян вал. Фая эшелэн<br />
пересь мемеез монэ «шаян ныл»<br />
гинэ шуылӥз. Анае верамъя,<br />
Пичи Пурга ёросысь Сосновка<br />
посёлокамы тубамтэ писпуэ ӧй<br />
вал, 8 арескам пыдме чигтӥ но,<br />
эшъёсы гипсэн но писпу вылэ<br />
тубыны юрттылӥзы. Али но тодам<br />
на, писпуос вылын пукыса,<br />
кырӟалляммы. Кыӵе шудо<br />
вакыт вал со! Зэм, бӧрысьгес<br />
вынме но сузэрме чакласа улоно<br />
луиз. Сиён пӧраны туж вазь<br />
дыши, 5-тӥ-6-тӥ классысен<br />
ик школаысь бертӥсько гинэ,<br />
нырысетӥ, кыкетӥ блюдоен сиён<br />
пӧрасько, эшшо выныным ӵош<br />
мильым, печення пыжиськом,<br />
меню лэсьтӥськом, ӝӧкез чебер<br />
пуктӥськом - сыӵе яра вал. Анайатай<br />
бертытозь, ваньмыз дась<br />
мед луоз. Атай туж яратӥз, ваньмыз<br />
радызъя мед луоз шуыса, та<br />
ласянь мон солэн нылыз, дыр.<br />
Плантэк троссэ лэсьтыса уд<br />
вутты, ачид тодӥськод ук, редакциын<br />
чыры-пыры адскисьтэм<br />
ужъёс тырмыт, соос ик трос<br />
дырез басьто. Но, зэмзэ ке, мон<br />
туж уг яратӥськы рамкаосты -<br />
ӝоканы ӧдъясько. Соин ик, луонлык<br />
кылдэ ке, яратӥсько шуак<br />
кытчы ке вырӟыны: губияны,<br />
узы-борылы ветлыны. Городын<br />
но паркъёстӥ, инкуазетӥ ветлытэк<br />
улыны уг чидаськы.<br />
Творчествоын планъя улыны<br />
луэ но, кулэ но. Мон али уг вераськы<br />
кылбуръёс сярысь. Но прозаез<br />
тон нуналъёсын, арняосын,<br />
кытӥяз толэзьёсын малпаськод<br />
ук. Егитъёслы кузьмадёс гожтыкум,<br />
азям ужпум пуктӥ: 2 толэзь<br />
ӵоже, бер ӝытъёсы ужаса, произведениез<br />
гожтоно. Валамон ини,<br />
ваньмыз чакламъя ӧз пӧрмылы:<br />
тани пичиез пиналы висьыны<br />
усиз, кыӵе роман на? Сыӵе<br />
дыръя ваньзэ палэнтӥськод но<br />
шуиськод: нырысь ик мон - анай,<br />
нош творчество возьмалоз.<br />
Анай-атаеныз, мемееныз но выныныз.<br />
- Мар сётэ но мардэ тала<br />
тынэсьтыд газет?<br />
- Писатель Г. Перевощиков<br />
ялан куаретэ вал: малы тон астэ<br />
газетын быдтӥськод, газет кылэз<br />
кӧсатэ, дышем кабъёсъя гожъяськыны<br />
кутскод... Генрих Ксенофонтовичез<br />
мон туж вылӥ<br />
дунъясько, но озьы верамез туж<br />
ӧз яралля. Малпасько, ваньмыз<br />
адями бордысь потэ. Ас бордад<br />
ужад ке - кылыд уз кӧса. Кӧсам<br />
гинэ ӧвӧл, узырмоз. Угось редакциын<br />
пӧртэм ёросъёсысь нылъёс-пиос<br />
ужало, пӧртэм диалектъёсты<br />
кылыса, тынад песьтэред<br />
тырогес гинэ луэ.<br />
Нош Учаысь (Ильинск) школаын,<br />
тужгес но покчи классъёсын,<br />
мыным удмурт кыл капчиен<br />
ӧз сётӥськы, удмурт кылбуръёсты<br />
бӧрдыса но дышетэме<br />
вань. Угось нылпи садын<br />
милемын ӟуч сямен вераськизы,<br />
эшъёсы но ӟучгес вал. Ма,<br />
нырысетӥ кылбуръёсы но ӟуч<br />
сямен кылдӥзы ай, «Пионерская<br />
правда» газетэ гожъяськыны<br />
выри, пӧртэм учыръёс малпаса,<br />
эшъёсылы книгаос лэсьялляй.<br />
Но огпол классэн кивалтӥсьмы<br />
Виктор Алексеевич Иванов<br />
шуиз: малы, пе, ӟуч сямен гожъяськод,<br />
тон удмурт ук, тыршы<br />
ай удмурт сямен... Удмурт сямен?<br />
Кылбур? Мынам со йырам<br />
но ӧз лыктылы. Кӧня курадӟи<br />
тӧдьы дыдык сярысь чуръёсме<br />
удмуртэ берыктыны! Бӧрысь<br />
удмурт кылъя дышетӥсе Екатерина<br />
Владимировна Алексеева<br />
юрттӥз анай кылэлэсь чеберлыксэ<br />
усьтыны. Мон валай:<br />
кулэ кыл уд шедьтӥськы шуыса,<br />
удмурт кыл янгыш ӧвӧл, ачид<br />
янгыш - аслэсьтыд анай кылдэ<br />
умой уд тодӥськы шуыса.<br />
- Тынад журналистика<br />
но литература удысын трос<br />
вормонъёсыд ни. Нош кыӵе<br />
дунъет тон понна тужгес<br />
бадӟым луэ?<br />
- Финляндиысь М. Кастрен<br />
нимо огазеяськонлэн журналистика<br />
удысъя валтӥсь премиез,<br />
дыр. Та премиез нырысьсэ басьтэме<br />
дырысен ог 15 ар ортчиз ни, но<br />
мон туж умой тодӥсько на, кызьы<br />
милемыз Милитина Гаврилова-<br />
Решитько но Елена Виноградова<br />
журналистъёсын ӵош фин посольствоын<br />
данъязы. Нош сюлмыным<br />
тужгес матын Э. Батуев<br />
нимо премиен дунъямзы. Эшшо<br />
туж шумпотӥ, Москваысь «ЭТ-<br />
НОсфера» журналлэн конкурсаз<br />
уже устоосыз пӧлы пыртэмын<br />
но отын печатламын вал шуыса.<br />
Нялтас вераса, туж кельше<br />
вал удмурт культура, соку гинэ<br />
ӝужась этнотуризм сярысь гожъяны<br />
«Финно-угорская газета» издание.<br />
Таиз Саранскын потэ. Огвакытэ<br />
мон та газетлэн Удмуртияя<br />
собкорез луыса ужай.<br />
- Кыӵе писатель, публицист<br />
яке дышетӥсь тон понна<br />
адӟем карымон луэ?<br />
- Можга педучилищеын дышетскыкум,<br />
одӥгаз кабинетын<br />
борддор кузя интыямын вал<br />
дано выпускникъёслэн бадӟым<br />
туспуктэмъёссы: В. Владыкин,<br />
М. Иванова, Л. Христолюбова,<br />
Г. Никитина тодосчиос... Тани<br />
та адямиос ик мон понна вал<br />
зэмос дышетӥсьёс. Чебересь,<br />
йӧноесь, визьмоесь. Урок мынон<br />
вискын но мон шоразы учкылӥ,<br />
соос кадь луэм потэ вал. Литератураын<br />
дышетӥсьёсы вал,<br />
дыр, Р. Валишин, Г. Красильников,<br />
Г. Перевощиков, С. Матвеев,<br />
М. Федотов, В. Ар-Серги, Т.<br />
Чернова...<br />
3-тӥ курсын вал ни со, завуч<br />
доры ӧтизы. Лев Афанасьевич<br />
Смирнов шуиз: малпаськом, пе,<br />
тонэ Эстоние дышетскыны келяны,<br />
анай-атаеныд вераськы,<br />
дасяськы. Педучилищеез йылпумъятэк?<br />
Бен, йылпумъятэк...<br />
Мон понна со сокем витёнтэм<br />
«Удмурт дуннеысь» эшъёсын -<br />
Герберын, 2011-тӥ ар.<br />
вал. Кызьы мон яратоно педучилищеме<br />
кельтом? Уг мыны.<br />
Классэн кивалтӥсе Т. Иванова<br />
визь тыриз, али кадь ик пель<br />
сьӧрам верамез: «Лена, тыныд<br />
дышетскыны мыноно, всёравно<br />
вылӥ тодон-валан басьтоно,<br />
азьланяз адямилэсь аспирантура<br />
курозы ни...» Конечно, мынам<br />
туж потэ вал дышетскеме,<br />
но шуисько: мон семьяямы<br />
бадӟымез, бӧрсям эшшо 2 муртэ<br />
дышетоно. Анай-атаен вераськи.<br />
Соос сюлмаськыны ӧдъязы:<br />
бугырес 1990-тӥ аръёс, уждун уг<br />
тыро, странаямы бардак... Анай<br />
пумит луиз, атай - малпаськоно,<br />
пе. Но мыным анае жаль потӥз,<br />
ас поннам лушкем бӧрдӥ ке но,<br />
уг мыны, шуи.<br />
- Кузпалэныд кыкнады<br />
журналистъёс, Фёдор Миннигараев<br />
Кун Кенешлэн<br />
пресс-службаеныз кивалтэ.<br />
Огвыллем ужъёс-тунсыкъёс<br />
семья улонын юртто, дыр?<br />
- Шуг вераны. Кузпалэным<br />
ужан удысмы огвыллем ке но,<br />
ми туж пӧртэм адямиос. Мыным<br />
ваньзэ туж ӝог лэсьтоно,<br />
огдыре ик 2-3 ужез валтоно. Со<br />
гань-ганьгес, одӥгзэ йылпумъятэк,<br />
мукетыз борды уз кутскы.<br />
Кино ке, солы кулэ комедия,<br />
мыным - драма. Трос аръёс<br />
ӵоже со «Мынам Удмуртие» телерадиокомпаниын<br />
ужаз.<br />
Дорын ми уж сярысь шер<br />
вераськиськом. Кузпалы уж дураз<br />
ӵемысь берозь ӝегано луэ,<br />
куддыръя бертэмез бере уйёсы<br />
ужа на, куддыръя - шутэтскон<br />
нуналъёсы но. Ачим та<br />
удысын ӧй ке луысал, мон, дыр,<br />
керӟегъяськысал, солэсь ужзэ ӧй<br />
валасал. Али дыши ни. Вазьгес<br />
бертыны шедьтэ ке, нылы понна<br />
со бадӟым праздник. Тужгес<br />
яратӥськом толалтэ шутэтскон<br />
нуналъёсты. Соку папамы одно<br />
ик вис шедьтэ - быдэс семьяен<br />
куасэн бызьылыны - спорткомплексэ,<br />
нюлэскы потаськом.<br />
Мынам но ужея командировкаосы,<br />
ӝыт ужрадъёсы потано<br />
луэ. Бадӟым юрттӥсе - пие. Но со<br />
студент ке но, котькуд нуналыз<br />
гожъямын: дышетскон, спорт,<br />
студсовет... Али, пие шоры учкыса,<br />
асме тодмасько.<br />
- Тӥляд семьяды адӟем карымон<br />
луэ пиналъёсыныды<br />
анай кылын вераськеменыды<br />
но.<br />
- Мон уг малпаськы, таин<br />
ушъяськоно шуыса. Али гинэ<br />
вордӥськем нуныелы кыӵе<br />
кылын вазиськоно вал, кыӵе<br />
кырӟанъёс кырӟано вал? Бен,<br />
Оскисько: книга адямиез воштыны быгатэ. Но туала вакытэ<br />
книга но пӧртэм луэ. Куд-ог гожтэмъёс адямиез сӧрыны<br />
быгато. Соин ик ки улэ шедьыны кулэ, нырысь ик, визьмо,<br />
малпаськытӥсь, адямилыкез улӟытӥсь книга.<br />
вераське-а, уг-а пиналыд анай<br />
кылын - со потэ нырысь ик анай<br />
бордысь. Туала вакытэ пиналдэ<br />
анай кыллы дышетон - со сыӵе<br />
ик уж, анайлэн ужез. Мылкыдыд,<br />
чиданэд тырмиз ке - пиналыд<br />
вераськоз, ӧз ке - уз. Валтӥсез<br />
- пинал аслэсьтыз выжызэ, калыксэ<br />
мед гажалоз.<br />
- Кыӵе книга лыдӟид<br />
берпуметӥзэ?<br />
- Вань мынам япон поэзиен<br />
зӧк горд книгае. Потэмын ай<br />
1956-тӥ арын. Ог 15 ар ӧй ни усья<br />
вал сое, куке-соку удмурт кылэ<br />
берыктыны выри ке но. Кемалась<br />
ӧвӧл киям вуизы «Шундыкар»<br />
лагере ветлэм нылпиослэн<br />
япон кылбуръёсъя гожтэм чуръёссы.<br />
Бадӟым люкетсэ мон ӧй<br />
вала. Малы? Ӟуч кылэ берыктэм<br />
япон поэзиен книгаез лыдӟисько<br />
но ваньзэ валасько ук. Япон поэзия<br />
туж ненег, туж матын удмурт<br />
сюлэмлы, лулдуннелы. Валасько:<br />
пиналъёсмы анай кылзэс<br />
ляб тодо, малпанъёссэс гожтыны<br />
шугъясько. Нош мар луоз, эшшо<br />
10 ар ортчыса?<br />
- Ку потоз выль романэд?<br />
- Ваньмызлэн аслаз дырыз.<br />
Потэ историен герӟаськем<br />
произведение гожтэме. Тунсыко<br />
ортчем даурлэн кутсконэз,<br />
Граждан ож, революция,<br />
коллективизация... Асьмеос со<br />
вакытъёслы дунъет сётыны<br />
яратӥськом, таиз умой, соиз урод<br />
вал, шуиськом. Но туала вакытысь<br />
адями со дыре шедьысал<br />
ке, кызьы ассэ возьысал? Кызьы<br />
со - куке агай султэ вынызлы пумит,<br />
куке толло эшед туннэ тон<br />
шоры пыӵалзэ ӝутэ...<br />
Улын Юриысь тятямы (мамалэн<br />
атаез) пичи дырзэ тодаз<br />
вайылӥз. Одӥг бадӟым семьяен<br />
туж, пе, ӟеч улӥськом вал:<br />
йыг-йыг бадӟым корка, кеносъёс,<br />
коргид тыр скалъёс, валъёс.<br />
Атайзы туж визьмо вылэм,<br />
гуртын солэн гинэ мумыкораз<br />
дуннелэн картаез ошемын, пе,<br />
вал. Но огпол пӧсь гужем, ваньзы<br />
возь вылын ужакузы, быдэс<br />
хозяйствозы ӝуам. Соку гуртазы<br />
кӧня ке юрт ӝуаса бырем.<br />
Тятялэн верамезъя, ужысь бертэм<br />
атайзы пуксем, пе, пеньӟем<br />
юртъерзы азе, номыр верамез<br />
уг луы, бам кузяз синкылиосыз<br />
гинэ васько. Дораз одӥг<br />
пиосмурт матэктэм: малы, пе,<br />
бӧрдӥськод, шумпотыны кулэ.<br />
Тонэ, пе, кулаке поттыны, ваньбурдэ<br />
таласа, вань семьядэ Сибире<br />
келяны чакламын вал ук.<br />
Нош табере тӥ улэп кылиды,<br />
Инмарлы тау кар, тазьы луиз<br />
шуыса...<br />
Татямы улэп ӧвӧл ни. Жалясько,<br />
ас вакытаз солэсь ӧжыт<br />
юалляськи шуыса. Нош кӧня ке<br />
ар талэсь азьло улонысь кошкиз<br />
атае. Быдэс улон ӧз тырмы<br />
кадь одӥг пол рос-прос вераськыса<br />
пукыны. Али туж юн валасько:<br />
улон сыӵе вакчи, нош сомында<br />
лэсьтоно на, сомында муртэн<br />
пумиськоно, вераськоно...<br />
Семьяеныз.