You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 77 (<strong>25692</strong>)<br />
22 2018-тӥ ар 11-тӥ коньывуон<br />
www.udmdunne.ru<br />
d<br />
ЙЫРКОРМАН<br />
Миллион интые -<br />
куректон<br />
ЮБЕР КЫШНО<br />
Кӧттырмостэм муртлэн<br />
йырыз быгылес<br />
кылиз Грак ёросын.<br />
Ярам, закон луонлык<br />
сётэ йыртэмасьёслы<br />
берлань чигнаны -<br />
штраф тырыны.<br />
Нош учыр тазьы тупаз.<br />
Удмуртиысь Прокуратуралэн<br />
пресс-службаез ивортэмъя,<br />
Киров улосысь 46<br />
аресъем воргорон машинаеныз<br />
кожиз Грак черкогуртысь<br />
огаз заправкае. Татын<br />
со бензин но антифриз<br />
басьтӥз, уксё тыриз 5 сюрс<br />
манетлыкен. Берло ини кассир<br />
адӟиз: коньдон зэмос<br />
ӧвӧл, со «Банк приколов» нимаськись<br />
билет вылэм.<br />
Йыртэмасез ӝегатыны<br />
юрттӥз… ачиз ик машина<br />
кузё, шонерзэ вераса, солэн<br />
кӧттырмостэм луэмез. Уго<br />
бензин басьтыкуз, воргорон<br />
кассирлы бонусъёсын картазэ<br />
возьматӥз - эшшо скидка<br />
куриз. Нош та карта номеръя<br />
тодӥзы ни йыртэмасьлэсь<br />
нимзэ-тулзэ, телефон<br />
номерзэ. Воргоронлэсь туссэ<br />
вунэтыны ӧз сётэ заправкае<br />
пуктылэм видеокамераос но.<br />
Озьы «гастролёр» выльысь<br />
Граке «кунояны»<br />
вуылӥз на - таяз радэ следовательёс<br />
доры. Расследование<br />
мыныку ик, автозаправкалы<br />
со зэмос коньдонэн тыриськиз.<br />
Соин Прокуратура<br />
уголовной ужез дугдытон<br />
сярысь ходатайство радъяз.<br />
Гракысь миръясь судья<br />
йыртэмасьлы 6 сюрс манет<br />
штраф лякиз.<br />
Ой, ярам ай, йырыз быгылес<br />
кылиз. Уго Уголовной<br />
кодексысь 159-тӥ статьялэн<br />
1-тӥ люкетэзъя («Мошенничество»)<br />
воргоронлы 120<br />
сюрс манетозь тыриськон лякыны<br />
яке воксё 2 арлы пытсэт<br />
сьӧры келяны быгатысалзы.<br />
Сак кариське, эшъёс! Та<br />
«Банк приколов» билетъёсты<br />
йыртэмасьёс вӧлмыто<br />
олокыӵе но амалэн, пӧяло<br />
арлыдо муртъёсты. Тани<br />
туэ гинэ Удмуртиын кӧня ке<br />
учыр пусъемын. Пенсиосъя<br />
Коллажез Вера ШТЫКОВАЛЭН<br />
фондын ужасьёс кариськыса,<br />
87 аресъем песянайлэсь<br />
150 сюрс манетсэ качаллям.<br />
Лыктэм кышномуртъёс арлыдо<br />
муртлы ивортӥллям,<br />
выль реформа ортче, коньдонэз<br />
воштозы шуыса. Озьы<br />
песянайлэсь «вуж» уксёзэ<br />
119 «выль» коньдонэн<br />
воштӥллям. Алдамзэс пересь<br />
адями валаз полициын<br />
гинэ. Уго магазинын песянайлэсь<br />
5 сюрслыксэ ӧз<br />
векчиятэ - полицейскойёсты<br />
ӧтизы.<br />
Нош Ижысь песятайлэсь<br />
быдэс миллион манетсэ<br />
«выльдӥзы». Дорысьтыз вань<br />
коньдон купюраысь номеръёссэ<br />
гожъяны куризы «соцработникъёс».<br />
Дыртытэк,<br />
кыштыр-кыштыр ужазы но<br />
зэмос коньдон интые суредам<br />
5 сюрслыкъёс кельтӥзы<br />
- ваньмыз-ӧвӧлэз 190 быртык.<br />
Кӧня ке арня ӵоже песя-<br />
Коньдонтэк кылемед уг поты<br />
ке, муртъёсты дорад эн лэзьы!<br />
тай номыре ӧз но ятвылты,<br />
та уксёез ӧз иса угось. Нош<br />
пӧяськеме кылемзэ валаз,<br />
выль ӧс пуктыкуз. Ужасьёслы<br />
со 5 сюрслык сётӥз, нош<br />
егит воргоронъёслэн син шоразы<br />
соку ик йӧтӥз «Банк<br />
приколов» гожтэм. Нялтас<br />
вераса, йыртэмась кышноосты<br />
полицейскойёс али но ӧз<br />
на ӝегатэ.<br />
Нош «Банк приколов»<br />
билетъёсты поттӥсьёсты<br />
нокыӵе законэн пачкатыны<br />
уг быгато. Соос уго коньдон<br />
суредало, синпель кузьымлы<br />
шуыса. Нош кызьы йыртэмасьёс<br />
та билетъёсын шудо<br />
- котькудӥзлэн аслаз фантазиез.<br />
Уката ик со манетлыкъёс<br />
шара вузасько киоскын<br />
но, Интернетын но -<br />
быдэс пачка 5 сюрслыкъёс<br />
140 манет котыр сыло.<br />
ЮМОК<br />
Трын-дын<br />
ШУЛДЫР ОНИСЬ<br />
Микол картэ - ваментул! Оломар уйвӧтаз адӟем-а, шай-а.<br />
Ӵукна султӥз но шуэ:<br />
- Мон городэ кошко, выль машина басьто.<br />
Пыд йылысьтым пограсько вал:<br />
- Кыӵе выль машина? Таиз понна кредитэд ваньмыз тырымтэ<br />
на!<br />
Быдэс уй чотаськи. Тормозной колодкаосты воштоно, подшипник<br />
но куаразэ сётэ ни, пиялаез тэшкамын, машиналэн<br />
улыз но сисьмыны шӧтам... - чиньыяз тырыса, вера Микол.<br />
Вуӵкетэмме пеляз но ӧз поны. Трос уксё, пе, тыроно уз<br />
луы - городын кыӵе ке «трын-дын» вань. Мар со сыӵе - ӧз валэкты.<br />
Ну мынам тодэм потэ ни!<br />
Юри колонкае вулы потӥ. Ульча кузя тракторен ортчись<br />
Паша Митяез дугдытӥ, юасько, мар со «трын-дын». Ӧз вера,<br />
уг тодскы, шуиз.<br />
Лавкае васьки. Шузи луэмме возьматэм уг поты но лушкемен<br />
Вера вуз карисьлэсь юасько «трын-дын» сярысь. Кылэме<br />
но ӧвӧл, шуэ Вера.<br />
Школаысь бертӥсь Сокол Танялэсь внуксэ дугдытӥ. Сокол<br />
Лёгорез туж визьмо шуо, уен-нуналэн, пе, компьютер<br />
сьӧрын пуке, вань иворез тодэ.<br />
- Пие, - шуисько, - валэкты, мар со «трын-дын»?<br />
- Али ик, - шуэ Лёгор, кисыысьтыз телефонзэ поттыса.<br />
Маке зӥбылӥз но киоссэ вӧлъяз:<br />
- Трафике бырем, уксё тырыны кулэ. Ӵуказе гинэ верало<br />
юанэдлы валэктон.<br />
Осто, быдэс гуртын «трын-дын» сярысь нокин уг тоды.<br />
Мынам Миколэ кадь визьмоез ӧвӧл, лэся.<br />
Ӝытлань выль машинаен Микол но вуиз.<br />
- Маке но туж тодмо номерез. Илля кудомылэн та выллем<br />
ӧй вал-а? - юасько.<br />
- Шонер, Онисе, ортчыт сак тон мынам. Автосалонэ пыри<br />
но - шорам тодмо лыз машина учке. Номерез Илля кудомылэн.<br />
Нош со дорозь та машинаен пимы ворттылӥз. Кыкназы но машинаез<br />
жаляло, дыраз эскеро, тупатъяло. Малпай, табере мынам<br />
черодэ вуиз таин ворттылыны, - лад-лад маде Микол.<br />
- Нош кытын «трын-дын»? - юатэк ӧй чида ни.<br />
- Э, Онисе, сонгрое. «Трейд-ин» шуоно - иське, ворттылэм<br />
машинаосты вузан инты. Табере асьмелэн вуж «Нивамы»<br />
«трын-дын» возьма, - горе Микол.<br />
ГУРТЫСЬ МАСКАРЧИОС<br />
Куноятӥз!<br />
ВЫӴКЫ НАДЁЖ<br />
Пересьёслэсь нуналзэс быдэс гуртэнымы дотово ӟеч<br />
ортчытӥмы, клублэн азбараз шудӥмы, эктӥмы. Бечемы, Орина,<br />
ӵектӥз: ойдолэ, пе, табере ми дӥне пыраломы, азьло вакытэ песянае<br />
табань чырсатоз, зӧк гурын пыжоз вал, табере мон но, сое<br />
тодам вайыса, зыретэн но, губиен но, шунтэм вӧйын но дасяй.<br />
Ма, ӧтё бере мыноно, уллякузы кошконо. Зэм но, корка<br />
гинэ пырим но, ческыт зынэз шӧдыса, дыльды ик шыр-р<br />
потӥз. Ӝӧк сьӧрын табань веръякумы, чебер жингрес куараеныз<br />
кырӟан но мытӥз Оринамы.<br />
Собере быдэс четверть кумышказэ поттӥз. Табанез туж<br />
усто пӧрмем - сиемъя сием потэ, нош кумышкаезлэн зыныз<br />
вань, а вот шӧмыз валантэм… вуэн кадь сурамын. Дотово<br />
сюлмысь сектаны турске, нош юисез ӧвӧл. Сереммы но потэ:<br />
табаньзэ веръяськом, кумышказэ палдуртӥськом.<br />
Мон ӧй чида ни:<br />
- Ойдо, Орина, кӧня тон юод, мон но озьы ик.<br />
Бечемы шӧмтӥз гинэ но, ымнырыз кунэрскиз, чырс палэзь<br />
сием бере кадь:<br />
- Мар та ишан - ву шӧм ук. Э, шайтан, Ӟичы Лёгорлэн та<br />
ужез!<br />
Собере, кит-кит серекъяса, кутскиз мадьыны:<br />
- Кылем арняе сузэре Лёгор картэныз ветлӥз. Мунчо<br />
эстӥмы, азьло воргоронэз келямы, собере ми пыримы. Мунчо<br />
бере Лёгорлы кык чарка сектай вал, озьыен, ӧвӧл тырмем.<br />
Ми мунчоын дыръямы дармовойзэ трос гинэ кыскам,<br />
интыяз ву ватсам. Табере валай, ма муген со, полатям тубыса,<br />
кӧлыны кылиз.<br />
Ориналэн кумышкаез сыӵе, ява: пӧзьтэмез небыт, нош<br />
сизьым чарка юыса, пыд йылысь погыртэ!<br />
ИНТЕРНЕТ КОСКЫ<br />
Песянай першал доры<br />
пыриз, ӝожтӥське:<br />
- Туж шугмисько, шокан<br />
пасе быре.<br />
Першал рос-прос учкемез<br />
бере паймыса юа:<br />
- Ку бен шоканды пытсаське?<br />
- Тордос пие берпуметӥ<br />
100 манетме лушка но,<br />
сое уйыны турттыса, шокан<br />
пасе быре.<br />
<br />
Владимир Петрович<br />
сикын кикылэсь<br />
силемзэ чотаз но<br />
тодӥз: Пенсиосъя фондэ<br />
взносъёс тырыны<br />
солы бер ини.<br />
<br />
- Пие, со адӟемпотостэм<br />
немецлэн нимыз кызьы вал?<br />
- Альцгеймер, песянай,<br />
Альцгеймер.
Change language